Յունահայ երա­ժիշտ Միհրան Չալըքեանի նոր յաջողութիւնները

Ք.Է.

­Յու­նա­հայ սի­րո­ւած ե­րա­ժիշտ եւ յօ­րի­նող ­Միհ­րան ­Չա­լը­քեան, ան­գամ մը եւս վա­յե­լեց մի­ջազ­գա­յին համ­բաւ եւ ըն­դու­նե­լու­թիւն, այս ան­գամ հմա­յե­լով ­Ֆի­լի­փի­նի դա­սա­կան ե­րաժշ­տա­կան աշ­խար­հը։
Ֆի­լի­փի­նի մշա­կոյ­թի նա­խա­րա­րու­թեան հրա­ւէ­րով, հա­յազ­գի ե­րա­ժիշ­տը ճամ­բոր­դեց մին­չեւ ­Ծայ­րա­գոյն Ա­րե­ւել­քի եր­կի­րը, ներ­կայ ըլ­լա­լու հա­մար իր նոր յօ­րի­նու­մին՝ «Էւ­ֆո­րիա» դա­սա­կան ստեղ­ծա­գոր­ծու­թեան պաշ­տօ­նա­կան ներ­կա­յաց­ման։
Ե­րաժշ­տա­կան եր­կը ներ­կա­յա­ցո­ւե­ցաւ ե­րեք ան­գամ՝ ­Ֆի­լի­փի­նի հան­րա­ծա­նօթ հա­մեր­գաս­րահ­նե­րուն մէջ, մինչ իւ­րա­քան­չիւր ներ­կա­յա­ցու­մին ժո­ղո­վուր­դի ան­նա­խըն­թաց ներ­կա­յու­թիւ­նը ցոյց կու տար տե­ղա­ցի ե­րաժշ­տա­սէր հան­րու­թեան ջեր­մու­թիւնն ու ըն­դու­նե­լու­թիւ­նը ե­րի­տա­սարդ ա­րո­ւես­տա­գէ­տին ու իր ստեղ­ծա­գոր­ծու­թիւն­նե­րուն հան­դէպ։
Ա­ռա­ւել, ե­րաժշ­տա­կան յօ­րի­նու­մը, որ հան­րու­թեան հրամ­ցո­ւե­ցաւ ­Ֆի­լի­փի­նի ար­հես­տա­վարժ «­Ռոն­տա­լա» սիմ­ֆո­նիկ նո­ւա­գա­խում­բին կող­մէ, եր­կու ան­գամ ալ ձայ­նագ­րո­ւե­ցաւ ար­հես­տա­վարժ կա­տա­րում­նե­րով, ո­րոնք ձայ­նա­սա­լի­կի վրայ պի­տի հրա­պա­րա­կո­ւին մօտ ա­պա­գա­յին։ Ն­շենք, որ հա­մեր­գաս­րա­հի ե­լոյթ­նե­րուն ներ­կայ ե­ղան ­Յու­նաս­տա­նի դես­պա­նու­թեան ներ­կա­յա­ցու­ցիչ­նե­րը, ո­րոնք գնա­հա­տե­ցին Մ. ­Չա­լը­քեա­նի յա­ջո­ղու­թիւն­նե­րը մի­ջազ­գա­յին գետ­նի վրայ։
­Հա­յազ­գի համ­բա­ւա­ւոր ա­րո­ւես­տա­գէ­տի ե­րաժշ­տա­կան ներ­կա­յա­ցում­նե­րը շա­րու­նա­կո­ւե­ցան նաեւ ­Ֆի­լի­փի­նի պե­տա­կան հա­մալ­սա­րա­նէն ներս, ուր հրա­ւի­րուե­ցաւ դա­սա­խօ­սու­թիւն տա­լու հա­մալ­սա­րա­նի ե­րաժշ­տա­կան գո­լե­ճի ու­սա­նող­նե­րուն եւ դա­սա­խօս­նե­րուն, լու­սար­ձա­կի տակ առ­նե­լով իր տե­սա­կէտ­նե­րը ար­դի դա­սա­կան ե­րաժշ­տու­թեան եւ մի­ջազ­գա­յին ե­րաժշ­տա­կան նոր ըմբռ­նում­նե­րուն առն­չու­թեամբ։
«Ին­ծի հա­մար բա­ցա­ռիկ պա­տիւ ե­ղաւ ներ­կա­յաց­նել հայ եւ յոյն ե­րաժշ­տու­թեան ա­ւան­դը, այլ նաեւ օ­տար ե­րաժշ­տա­կան հան­րու­թեան հրամց­նել մեր ժո­ղո­վուրդ­նե­րու մշա­կու­թա­յին գան­ձա­րա­նի հարս­տու­թիւ­նը», նշեց ­Միհ­րան ­Չա­լը­քեան, ար­տա­յա­տո­ւե­լով իր ու­նե­ցած բա­ցա­ռիկ ներ­կա­յա­ցում­նե­րուն եւ դա­սա­խօ­սու­թիւն­նե­րուն մա­սին։
Իր յա­ջող ներ­կա­յա­ցում­նե­րուն կող­քին, ­Միհ­րան ­Չա­լը­քեան ա­ռիթ ու­նե­ցաւ շա­հե­կան հան­դի­պում­ներ ու­նե­նա­լու ­Ֆի­լի­փի­նի դա­սա­կան ե­րաժշ­տու­թեան համ­բա­ւա­ւոր անձ­նա­ւորու­թիւն­նե­րու հետ, ինչ­պի­սին են խմբա­վար ­Չի­նօ ­Թո­լե­տօ, հա­մալ­սա­րա­նի դա­սա­խօս­ներ ­Քաթ­րին Թ­րան­կօ եւ ­Փաթ­րի­սիա ­Սիլ­վեսթ­րէ, տոքթ. ­Քի Եոնկ ­Չոնկ եւ ու­րիշ­ներ։
­Թեր­թիս հետ ու­նե­ցած զրոյ­ցի ըն­թաց­քին, յու­նա­հայ ե­րա­ժիշտ ­Միհ­րան ­Չա­լը­քեան նշեց, որ իր կա­տա­րած ե­րաժշ­տա­կան ու­ղե­ւո­րու­թիւ­նը դէ­պը ­Ֆի­լի­փին կը նշա­նա­ւո­րէ կա­րե­ւոր հանգ­րո­ւան մը ­Յու­նաս­տա­նի եւ ­Ֆի­լի­փի­նի ե­րաժշ­տա­կան ու մշա­կու­թա­յին կա­պե­րու սեր­տաց­ման հա­մար։ ­Միա­ժա­մա­նակ, ան յոյս յայտ­նեց, որ նման կա­պեր ստեղ­ծո­ւին ու զար­գա­նան նաեւ հայ ե­րաժշ­տու­թեան ներ­կա­յա­ցու­մով ­Ծայ­րա­գոյն Ա­րե­ւել­քի այդ երկ­րին մէջ, ո­րուն ե­րաժշ­տա­կան աշ­խար­հը կը շա­րու­նա­կէ մնալ հա­րուստ, նաեւ ըն­դու­նակ՝ հա­մաշ­խար­հա­յին ե­րաժշ­տա­կան մշա­կոյ­թին առն­չու­թեամբ։