Ի գիտութիւն հաւատացեալ մեր ժողովուրդին եւ յատկապէս մեր երիտասարդութեան կը հաղորդենք, թէ Կիրակի, 16 Փետրուար 2025-ի առաւօտեան, Նէոս Գոզմոսի(Ֆիքս) Ս. Յովհ. Կարապետ եկեղեցւոյ մէջ, երիտասարդներու արագահաս բարեխօս՝ Սուրբ Սարգիս զօրավարի տօնին առիթով, պիտի մատուցուի Ս. եւ Անմահ Պատարագ:
Պատարագին պիտի հանդիսապետէ
եւ պատգամէ,
Յունաստանի Հայոց թեմի Առաջնորդ
ԳԵՐՊ. Տ. ՍԱՀԱԿ Ծ. ՎՐԴ. ԵՄԻՇԵԱՆ
Պատարագիչ՝ Տ. Նարեկ քնհյ. Շահինեան
(Սկիզբ Ս. Պատարագի՝ առաւօտեան ժամը 10-ին)
Աւարտին՝ Առաջնորդ Հայր սուրբը յատուկ աղօթքով պիտի օրհնէ ներկայ երիտասարդութիւնը:
Յաջորդաբար ճաշկերոյթ՝ կազմակերպութեամբ եկեղեցւոյս Տիկնանց մարմնոյ, եկեղեցւոյ կից (KALAMAKERI -Traditional Grill House-) ճաշարանին մէջ:
Մասնակցութեան տոմս՝ 25 եւրօ:
(Ախորժակաբեր պնակներ, տեսակաւոր մսեղէններ եւ առատ գինի)
Տեղերու սահմանափակ ըլլալուն պատճառով, կը խնդրուի ամէնէն ուշ մինչեւ
Կիրակի, 9 Փետրուար տեղ ապահովել, զանգելով ներքեւ յիշուած հեռաձայնի թիւերուն.-
-պրն. Նազարէթ Դաւիթեանին՝ 2109029443 եւ 6955043003 ,
-տիկ. Արշալոյս Նաքու- Տրդատեանին՝ 2109416584 եւ 6942214251,
-տիկ. Հռիփսիմէ Գարամանեանին՝ 2109320544 եւ 6932134121
Այս առիթով, կոչ կ’ուղղենք յատկապէս մեր երիտասարդութեան նախ, ներկայ ըլլալու Սուրբ Պատարագին եւ հաղորդուելու երիտասարդներու ուխտակատար սուրբին անսասան հաւատքով, ապա մասնակցելու ճաշկերոյթին:
ԹԱՂԱՅԻՆ ԽՈՐՀՈՒՐԴ ԵՒ ՏԻԿՆԱՆՑ ՄԱՐՄԻՆ