Սր­բոց ­Թարգմանչաց Վարդապետաց տօն Նէոս Գոզմոս (Ֆիքս)ի մէջ

Սր­բոց ­Թարգ­ման­չաց վար­դա­պե­տաց տօ­նին ա­ռի­թով ­Հինգ­շաբ­թի, 10 ­Հոկ­տեմ­բեր 2024-ի ա­ռա­ւօ­տեան ժա­մը 8:30-ին, ­Նէոս ­Գոզ­մոս(­Ֆիքս)ի Ս. ­Յովհ. ­Կա­րա­պետ ե­կե­ղեց­ւոյ մէջ, սուրբ եւ ան­մահ պա­տա­րագ մա­տու­ցո­ւե­ցաւ, ո­րուն նա­խա­գա­հեց ու ա­ւար­տին իր պատ­գա­մը փո­խան­ցեց, ­Յու­նաս­տա­նի ­Հա­յոց թե­մի Ա­ռաջ­նորդ՝ գերպ. Տ. ­Սա­հակ ծ.վրդ. Ե­մի­շեան: Ա­րա­րո­ղու­թեան ներ­կայ գտնո­ւե­ցան շրջա­նիս ­Հայ ­Կա­պոյտ ­Խա­չի «Լ. եւ Ս. ­Յա­կո­բեան» նա­խակր­թա­րա­նի, ինչ­պէս նաեւ «Ա. եւ Ժ. ­Ճէ­նա­զեան» միջ­նա­կար­գի ազգ. վար­ժա­րան­նե­րուն ա­շա­կեր­տու­թիւ­նը։
­Պա­տա­րա­գեց ե­կե­ղեց­ւոյս հո­գե­ւոր կո­վիւ՝ արժ. Տ. ­Նա­րեկ քհնյ. ­Շա­հի­նեան:
Ս. ­Խո­րա­նին սպա­սար­կե­ցին նա­խակր­թա­րա­նէն ե­րեք ա­շա­կերտ­ներ՝ Հ­րաչ ­Պետ­րո­սը, Ա­լեքս Ա­րա­պեանն ու Ան­կե­լոս ­Հաճ­ճա­րը, իսկ օ­րո­ւան ­Ճա­շու ­Պօ­ղոս Ա­ռա­քեա­լի գիր­քէն ըն­թեր­ցեց ա­շա­կեր­տու­հի՝ Է­վան­կե­լի­նա ­Մեր­ճա­նի­տուն, ի­րենց հա­յե­րէն լե­զո­ւի դա­սա­տու տիկ. Ա­լի­նա ­Պար­տաք­ճեա­նի դա­սա­ւո­րու­մով եւ հսկո­ղու­թեամբ: Ս. ­Պա­տար­գի եր­գե­ցո­ղու­թիւ­նը կա­տա­րե­ցին ե­կե­ղեց­ւոյս ե­րեց սար­կա­ւագ­նե­րէն՝ Ա­ւե­տիս եւ ­Պետ­րոս սրկ. ­Պար­սա­մեան եղ­բայր­նե­րը, ո­րոնց ըն­կե­րակ­ցե­ցան միջ­նա­կար­գի ա­շա­կերտ­նե­րէն խումբ մը, ի­րենց հա­յե­րէն լե­զո­ւի դա­սա­տու տիկ. Ար­շա­լոյս ­Սափ­րի­չեա­նի ու­սու­ցո­ղու­թեամբ: Ա­ւար­տին նա­խակր­թա­րա­նի Գ.,Դ.,Ե. Եւ Զ. կար­գե­րու ա­շա­կեր­տու­թիւ­նը օ­րո­ւան տօ­նին նո­ւի­րո­ւած ո­տա­նա­ւոր­նե­րու եւ եր­գե­րու փունջ մը ներ­կա­յա­ցուց:

Թղթակից