«Մենք աւելի ուժեղ ենք, երբ միասնակամ ենք ու կազմակերպուած»։ Այս կարգախօսով, Կիրակի, 29 Սեպտեմբեր 2024-ին տեղի ունեցաւ 2 քմ. քայլարշաւ եւ 5 քմ. Վազք, Greece Race for the Cure®, կազմակերպուած՝ «Ալմա Զոիս» համահելլենական միութեան կողմէ, որ կը կազմակերպուի ամէն տարի, ընկերային եւ առողջապահական նպատակով:
Քայլարշաւին նպատակն էր կուրծքի քաղցկեղի մասին տեղեկացնել ու զգաստացնել քաղաքացիները, նաեւ՝ օգտակար հանդիսանալ կուրծքի քաղցկեղի դէմ պայքարող բոլոր կիներուն ու անոնց ընտանիքներուն:
Հայ Կապոյտ Խաչի Շրջանային վարչութիւնը մասնակցեցաւ 124 ընկեր-ընկերուհիներով, որոնք բոլորն ալ կը կրէին յատկապէս պատրաստուած T-shirt-ը, որուն վրայ ամէն մէկը գրած էր իր մաղթանքը:
Աթէնքի մէջ կայանալիք այս միջոցառման մասնակցեցան 51.000 հոգի։
