Հ.Յ.Դ. Յունաստանի Երիտասարդական միութիւնը գումարեց իր 75-րդ Պատգամաւորական Ժողովը 19-20 Հոկտեմբեր 2024-ին, Ֆիքսի «Արամ Մանուկեան» ակումբէն նէրս։
Ներկայ գտնուեցան 37 ընկերներ եւ ընկերուհիներ, Հ.Յ.Դ. Յունաստանի Կեդրոնական Կոմիտէի եւ «Արամ Մանուկեան», «Գաբրիել Լազեան» եւ «Վարանդեան» կոմիտէներու ներկայացուցիչները, ինչպէս նաեւ Հայ դատի յանձնախումբի ներկայացուցիչը եւ Պատանեկան Միութեան Վարիչ Մարմնոյ ներկայացուցիչը։
Անցած տարեշրջանը քննարկուեցաւ իբր յաջող եւ արդիւնաւէտ, միութենական, գաղութային եւ Հայ դատի տարած աշխատանքներուն նկատմամբ։
Խումբերու պատգամաւորները փոխանցեցին, զրուցեցին եւ քուէարկեցին իրենց բերած առաջարկները եւ որոշումներու յանգեցան։
Միութիւնս կազմակերպչականօրէն որոշեց զարկ տալ վարչական գործընթացներուն եւ դաստիարակչական աշխատանքներուն։
Հայ դատի նկատմամբ միութիւնս վերահաստատեց իր պատրաստակամութիւնը պայքարելու հայ ազգի եւ Արցախի իրաւունքներուն համար, աւանդական եւ նոր միջոցներով։
Նաեւ ընտրուեցաւ 7-անդամ Կեդրոնական վարչութիւն, բաղկացած հետեւեալ ընկերներէն.- Մանկոյեան Սերճիօ, Գաւլաքեան Քարէն, Պետրոսեան Օննիկ, Մոսինեան Անի, Չաքալեան Արմէն, Մանկոյեան Վահրամ, Ազալեան Ալեքս։
Հ.Յ.Դ. Յ.Ե.Մ.-ի 75-րդ Պատգամաւորական
Ժողովի Դիւան
