Թեսաղոնիկէի Ս. Աստուածածին եկեղեցւոյ մէջ

­Կի­րա­կի, 28 ­Մա­յիս 2024-ի ա­ռա­ւօ­տեան ժա­մը 10:30-ին, ­Հա­յաս­տա­նի Ա. ­Հան­րա­պե­տու­թեան 106-րդ­ ա­մեա­կին ա­ռի­թով, ­Թե­սա­ղո­նի­կէի Ս. Աս­տո­ւա­ծա­ծին ե­կե­ղեց­ւոյ մէջ մա­տու­ցո­ւե­ցաւ Ս. եւ Ան­մահ ­Պա­տա­րագ, կա­տա­րո­ղու­թեամբ՝ ­Թե­սա­ղո­նի­կէի հո­գե­ւոր հո­վիւ հոգշ. Տ. Ե­ղիա վրդ. ­Մալ­խա­սեա­նին, սպա­սար­կու­թեամբ՝ ե­կե­ղեց­ւոյս սար­կա­ւագ­նե­րուն եւ եր­գե­ցո­ղու­թեամբ՝ դպրաց դա­սին: Ս. եւ Ան­մահ ­Պա­տա­րա­գի ըն­թաց­քին, տե­ղի ու­նե­ցաւ ­Հան­րա­պե­տա­կան մաղ­թանք եւ դրօ­շա­կի օրհ­նու­թիւն, իսկ ա­ւար­տին, պաշ­տօ­նա­կան հո­գե­հան­գիստ՝ ­Սար­տա­րա­պա­տի դիւ­ցա­զուն­նե­րուն հո­գի­նե­րուն հա­մար:
Ս. ­Պա­տա­րա­գէն ետք, ժա­մը 13:00-ին, «­Քի­բոս» բա­ցօ­դեայ սրա­հին մէջ, տե­ղի ու­նե­ցաւ ­Հա­մազ­գա­յի­նի ­Թե­սա­ղո­նի­կէի «­Ղա­զա­րոս ­Սա­րեան» մաս­նա­ճիւ­ղին կող­մէ կազ­մա­կեր­պո­ւած ձեռ­նարկ մը՝ նո­ւի­րո­ւած Հ.Հ. Ան­կա­խու­թեան 106-րդ­ ա­մեա­կին եւ ­Սար­տա­րա­պա­տի հե­րո­սա­մար­տե­րուն։
­Գե­ղա­րո­ւես­տա­կան ձեռ­նար­կին ներ­կայ գտնո­ւե­ցան ե­կե­ղեց­ւոյս հո­գե­ւոր հո­վի­ւը, ­Թա­ղա­յին խոր­հուր­դի եւ միու­թեանց ներ­կա­յա­ցու­ցիչ­նե­րը, նաեւ՝ մեր սի­րե­լի ժո­ղո­վուր­դը։ ­Բաց­ման խօս­քով հան­դէս ե­կաւ ­Հա­մազ­գա­յի­նի ան­դամ՝ ­Տիգ­րան ­Սար­գի­սեան, որ ներ­կա­նե­րուն բա­րի գա­լուստ մաղ­թե­լէ ետք, ամ­փոփ գի­ծե­րու մէջ խօ­սե­ցաւ 28 ­Մա­յի­սի խոր­հուր­դին մա­սին։
Ա­պա, յա­ջոր­դա­բար ե­լոյթ ու­նե­ցան ­Հա­մազ­գա­յի­նի «­Մա­սիս» եւ «­Կի­լի­կիա» պա­րա­խում­բե­րը, ո­րոնք ներ­կա­նե­րուն հրամ­ցու­ցին հայ­կա­կան ազ­գագ­րա­կան պա­րեր։ «­Մա­լա­քեան-­Գաս­պա­րեան» միօ­րեայ դպրո­ցի ա­շա­կերտ­նե­րը եւս աս­մուն­քով մը ի­րենց մաս­նակ­ցու­թիւ­նը բե­րին այս ձեռ­նար­կին։

ԹՂԹԱԿԻՑ

ՅԱՐԱԿԻՑ ՅՕԴՈՒԱԾՆԵՐԱՒԵԼԻ ՇԱՏ ՀԵՂԻՆԱԿԻ