Էլենի Թէոխարուսի գիրքի ներկայացում Թեսաղոնիկէի մէջ

­Չո­րեք­շաբ­թի, 12 ­Մար­տին, ­Թե­սա­ղո­նի­կէի Գ­րող­նե­րու միու­թեան սրա­հէն ներս տե­ղի ու­նե­ցաւ բժիշկ, քա­ղա­քա­կան գոր­ծիչ եւ հրա­պա­րա­կա­խօս Է­լե­նի ­Թէո­խա­րու­սի գիր­քի շնոր­հան­դէ­սը, որ կը կո­չո­ւի «Եօ­թե­րորդ կնի­քը» (‘Eβδομη σφραγίδα)։
Հ­րա­տա­րա­կու­թիւ­նը կը պա­րու­նա­կէ հե­ղի­նա­կի վեր­ջին ժա­մա­նա­կաշր­ջա­նի բա­նաս­տեղ­ծու­թիւն­նե­րու ծաղ­կա­քա­ղը, որ լոյս տե­սած է «Ե­րա­թօ» հրա­տա­րակ­չա­տան կող­մէ։ Ե­լոյ­թի ըն­թաց­քին, գիր­քին մա­սին խօ­սե­ցան հան­րա­ծա­նօթ եր­գա­հան եւ երգ­չու­հի Աֆ­րո­տի­թի ­Մա­նու, ա­րո­ւես­տա­գէտ ­Վիք­թո­րիա ­Քափ­լա­նի եւ գրող Անտ­րէաս ­Քա­րա­քո­քի­նոս, ո­րոնք շեշ­տե­ցին բա­նաս­տեղ­ծու­թիւն­նե­րու բարձր մշա­կու­մը, լե­զո­ւի ո­րա­կը, բայց յատ­կա­պէս ի­րա­կան ապ­րում­նե­րու վրայ հիմ­նո­ւած եր­կը եւ խօս­քը։ ­Բո­լոր խօ­սող­նե­րը մաս­նա­ւոր անդ­րա­դարձ կա­տա­րե­ցին տի­կին ­Թէո­խա­րու­սի Ար­ցա­խեան կեն­սա­փոր­ձին վրայ, ո­րուն ար­տա­ցո­լու­մը կը հան­դի­պինք հե­ղի­նա­կին տո­ղե­րուն մէջ, «սեւ պար­տէզ» (μαύρος κήπος) այ­լա­բա­նու­թեամբ։ ­Խօ­սող­նե­րը մե­ծա­րե­ցին ­Թէո­խա­րու­սի ան­զու­գա­կան եւ նո­ւի­րեալ գիտ­նա­կա­նի ո­գին, որ միշտ գտնո­ւած է տա­րա­պեալ ու մա­քա­րող ազ­գա­յին ա­զա­տագ­րա­կան շար­ժում­նե­րու մէջ, որ­պէս վի­րա­հա­տող բժիշկ, ան­դա­մակ­ցե­լով «Աշ­խար­հի բժիշկ­ներ» կազ­մա­կեր­պու­թեան ա­ռա­քե­լու­թիւն­նե­րուն։
­Վեր­ջին խօս­քը ար­տա­սա­նեց տի­կին ­Թէո­խա­րուս, պատ­մե­լով դրո­ւագ մը 1990-ա­կան թո­ւա­կան­նե­րու Ար­ցա­խի ա­զա­տագրա­կան պայ­քա­րէն, յի­շե­լով նաեւ թե­սա­ղո­նի­կա­հայ ­Կա­րա­պետ ­Գալ­ֆա­յեա­նին հետ գոր­ծակ­ցու­թիւ­նը եւ հա­մընդ­հա­նուր խան­դա­վա­ռու­թիւ­նը, որ կը տի­րէր հայ ժո­ղո­վուր­դին մէջ։ ­Կիպ­րա­ցի հե­ղի­նա­կը մեծ կսկիծ եւ անձ­կու­թիւն ապ­րե­ցաւ Ար­ցա­խի ան­կու­մով, զգա­ցում մը, որ յայտ­նի է իր բա­նաս­տեղ­ծու­թիւն­նե­րուն մէջ, քա­նի որ ինքն ալ մաս կազ­մած էր Ար­ցա­խի ա­զա­տագ­րա­կան պայ­քա­րի յաղ­թա­նա­կին։
­Ներ­կա­յա­ցու­մը իր ա­ւար­տին հա­սաւ ե­րաժշ­տա­կան մա­սով, ո­րուն ըն­թաց­քին Աֆ­րո­տի­թի ­Մա­նու մե­ներ­գեց շարք մը ծա­նօթ յու­նա­կան եր­գեր։
Ն­շենք, որ գիր­քի վա­ճառ­քի հա­սոյ­թը պի­տի տրա­մադ­րո­ւի սրցա­խա­հա­յու­թեան օ­ժան­դա­կու­թեան հա­մար:

Թղթակից