2017 թուականի Յունուար-Սեպտեմբեր ամիսներուն աւելի քան 1,5 միլիոն այցելութիւն կատարուած է Հայաստան: Ազգային վիճակագրական ծառայութեան տուեալներուն համաձայն` այս տարուան առաջին 9 ամիսներուն Ռուսիան առաջին տեղը կը գրաւէ Հայաստան այցելած օտարերկրեայ քաղաքացիներու թիւով: Հայաստան այս երկրի քաղաքացիներու կատարած այցելութիւններուն թիւը 349.800 է, ինչ որ կը կազմէ այցելութիւններու ընդհանուր թիւին 23%ը:
137.938 այցելութիւններով երկրորդը Իրանն է, երրորդը` Վրաստանը, չորրորդը` Միացեալ Նահագները, հինգերորդը` Ֆրանսան: Այս երկիրներէն նոյն ժամանակահատուածին Հայաստան այցելութիւններու թիւը կազմած է համապատասխանաբար` 76.522, 32.701 եւ 15.628: Դէպի Հայաստան այցելութիւններ հիմնականօրէն կատարուած են Կեդրոնական եւ Արեւմտեան Եւրոպայի, Ա.Պ.Հ. տարածաշրջանի երկիրներէն: Հեռաւոր Ասիայէն ցուցակին մէջ ընդգրկուած են նաեւ Ֆիլիփինները, Չինաստանը, Ճափոնը, Հարաւային Քորէան: Ցուցակին մէջ այցելութիւններու թիւով ամենավերջինը Պուլկարիան է` 1163 հոգի:
Ո՞ր երկիներէն աւելի շատ այցելած են Հայաստան
Ո՞ր երկիներէն աւելի շատ այցելած են Հայաստան