Հ.Կ.Խաչի «Զաւարեան» վարժարանի աւարտականներու վկայականներու բաշխման երեկոյին, տնօրէնուհի Հայկանուշ Մինասեանի արտասանած խօսքը

Այս դպրո­ցա­կան տա­րեշր­ջա­նը իր ա­ւար­տին հա­սաւ։  Եր­կու տա­րօ­րի­նակ դպրո­ցա­կան տա­րի­նե­րէ ետք, այս տա­րի դպրո­ցը վե­րագ­տաւ իր բնա­կա­նոն ըն­թաց­քը, վե­րա­ծաղ­կե­ցաւ։  Ան­գամ մը եւս հաս­տա­տե­ցինք թէ, ո­րե­ւէ հե­ռա­վար ու­սու­ցում չի փո­խա­րի­ներ դպրո­ցա­կան կեան­քը, դպրո­ցին ան­փո­խա­րի­նե­լի ա­ռօ­րեան։  Դպ­րո­ցին մէջն է, որ եր­կու տա­րուան բա­ցա­կա­յու­թե­նէ ետք, ա­շա­կերտ­նե­րը ե­ռան­դով մաս­նակ­ցե­ցան Ծ­նո­ղա­կան Միու­թեան կազ­մա­կեր­պած Գիր­քե­րու ցու­ցադ­րու­թեան ի­րենց ձե­ռա­յին աշ­խա­տանք­նե­րով, «­Թա­լիս» (ΘΑΛΗΣ) եւ «­Փի­թա­ղո­րաս» (ΠΥΘΑΓΟΡΑΣ) թո­ւա­բա­նու­թեան մրցում­նե­րուն։ Դպ­րո­ցին մէջն է, որ դի­մա­ւո­րե­ցինք Նոր Տա­րին, ա­նակն­կալ ձիւ­նը, Բա­րե­կեն­դանն ու Փա­կեալ Խո­րա­նը՝ թռու­ցիկ ար­ձա­կե­լով, կա­տա­րե­ցինք մեր ա­ռա­ջին հնա­բա­նա­կան պե­ղում­նե­րը, տօ­նե­ցինք յու­նա­կան եւ հայ­կա­կան ազ­գա­յին տօ­նե­րը, Վար­դա­նան­ցը, յի­շա­տա­կե­ցինք Ցե­ղաս­պա­նու­թեան զո­հե­րու 107-ա­մեա­կը եւ ուխ­տե­ցինք շա­րու­նա­կել մեր ի­րա­ւունք­նե­րու ար­դա­րաց­ման ազ­գա­յին պայ­քա­րը։ Մեր մտեր­միկ օ­ճա­խին մէջն է, որ ըն­դու­նե­ցինք, հիւ­րա­սի­րե­ցինք Ս­փիւռ­քի՝ յատ­կա­պէս Եւ­րո­պա­յի հայ­կա­կան դպրոց­նե­րու հայ ման­կա­վարժ­ներ։
Այս տա­րեշր­ջա­նին ծրագ­րե­ցինք եւ ի­րա­կա­նա­ցու­ցինք այժ­մէա­կան հե­տաքրք­րու­թիւն­նե­րով 25-է ա­ւե­լի միամ­սեայ, եր­կամ­սեայ, ե­ռամ­սեայ եւ կամ քա­ռամ­սեայ տե­ւո­ղու­թեամբ դաս­տիա­րակ­չա­կան ծրա­գիր­ներ, շար­քը եր­կայն է, սա­կայն նշենք մի քա­նին․-

• ΤΑΠΕΡΙΣΤΑΣ
• ΧΟΡΕΥΟΝΤΑΣ ΜΕ ΤΙΣ ΛΕΞΕΙΣ ΤΟΥ ΤΟΠΟΥ ΜΟΥ
• SAVING THE PLANET (անգ­լե­րէն)
• « Το φαινόμενο της Αστικής Νησίδας
• ΦΑ & ΦΙΛΑΝΑΓΝΩΣΙΑ
• ΗΜΕΡΑ ΠΑΓΚΟΣΜΙΟΥ ΔΙΑΤΡΟΦΗΣ
• ΗΜΕΡΑ ΑΤΟΜΩΝ ΜΕ ΑΝΑΠΗΡΙΑ
• ΗΜΕΡΑ ΣΧΟΛΙΚΟΥ ΑΘΛΗΤΙΣΜΟΥ
• 200 χρόνια Νεοελληνική Τέχνη»,­Մի­հա­լիս Քա­քո­յեա­նիս հիմ­նար­կու­թեան հետ առ­ցանց ու­ղիղ կա­պով․ 4 շա­բաթ տե­ւո­ղու­թեամբ ծրա­գիր․
• Make a wish
• Եւ այլն

Իսկ հա­յե­րէն լե­զո­ւով՝

• Ա­րե­գակ­նա­յին դրու­թիւ­նը
• Մեր ա­ւան­դա­կան խա­ղե­րը
• Վե­րամ­շա­կում
• Ըն­կե­րու­թիւն եւ բա­րե­կա­մու­թիւն
• Հայ­կա­կան եւ մի­ջազ­գա­յին խո­հա­նոց
• Ղե­կա­վա­րե­լու վար­չա­ձե­ւեր՝ ի՞նչ է ժո­ղովր­դա­կա­նու­թիւ­նը
• Ազ­գա­յին եւ մի­ջազ­գա­յին խո­հա­նոց
• Մե­տաք­սի ճամ­բան
• Եւ այլն

Եւ ան­շուշտ մե­ծով ու պզտի­կով ներ­գոր­ծե­ցինք Գա­լուստ Կիւլ­պէն­կեան Հիմ­նար­կու­թեան «Զն­տուկ»ի աշ­խար­հը եւ օգ­տո­ւե­ցանք ա­նոր բաց պա­տու­հա­նիկ­նե­րէն
­Յու­նաս­տա­նի կրթա­կան նա­խա­րա­րու­թեան կող­մէ այս դպրո­ցա­կան տա­րեշր­ջա­նին հա­մար ա­ռա­ջար­կո­ւած դպրո­ցին վե­րար­ժե­ւոր­ման աշ­խա­տանք­նե­րը (Ετήσια έκθεση Εσωτερικής Αξιολόγησης του εκπαιδευτικού Εργου της Σχολικής Μονάδας) լի ու լի կա­տա­րե­ցինք, ինչ­պէս նաեւ Հմ­տու­թեան աշ­խա­տա­նոց­նե­րը (Εργαστήρια Δεξιοτήτων)։
­Մա­յի­սին վեր­ջին շա­բա­թը մեր դպրո­ցը այ­ցե­լե­ցին 14 հայ ու­սու­ցիչ­ներ Ֆ­րան­սա­յի հայ­կա­կան դպրոց­նե­րէ (­Փա­րիզ, Լիոն, Մար­սի­լիա), Ա․Մ․Ն․ Ա­րեւմ­տեան թե­մի 12 դպրոց­նե­րու վա­րիչ պա­տաս­խա­նա­տուն եւ Գա­լուստ Կիւլ­պէն­կեան Հիմ­նար­կին Հայ­կա­կան բաժ­նի Ա­րեւմ­տա­հա­յե­րէ­նի զար­գաց­ման պա­տաս­խա­նա­տուն, որ­պէս­զի դի­տար­կեն մեր Զա­ւա­րեան դպրո­ցին մէջ հա­յե­րէ­նի նո­րա­րար – ս­տեղ­ծա­րար ապ­րու­մով ու­սու­ցու­մը։  Կէ­սօ­րէն ետ­քե­րը այս ուղ­ղու­թեամբ կը յա­ջոր­դէր աշ­խա­տա­նոց։  Պա­տի­ւը եւ միա­ժա­մա­նակ պա­տաս­խա­նատ­ւու­թիւ­նը մեծ էր մեր դպրո­ցին հա­մար։  Սա­կայն այ­սօր, այս բե­մէն ան­վա­րան կրնամ ը­սել, թէ բա­ցա­ռիկ յա­ջո­ղու­թիւն ար­ձա­նագ­րեց եւ՝ սի­րե­լի Ա­նի, Ա­րաք­սի եւ Ա­նուշ, շնոր­հիւ մեր սքան­չե­լի գոր­ծակ­ցու­թեան եւ ձեր ման­կա­վար­ժա­կան ե­զա­կի մե­թո­տա­բա­նու­թեան, «­Զա­ւա­րեան»ը փայ­լե­ցաւ Ս­փիւռ­քի ա­րեւմ­տեան տա­րած­քին հայ ու­սու­ցիչ­նե­րու շրջա­նա­կին մէջ։

Մաս­նա­ւոր շնոր­հա­կա­լու­թիւն՝

• Ա­ռաջ­նորդ Սր­բա­զան Հօր վար­ժա­րա­նիս հան­դէպ տա­րած գուր­գու­րան­քին հա­մար
• Հայ Կա­պոյտ Խա­չին, որ ջանք չի խնա­յեր եւ ա­մէն վայր­կեան մեր կող­քին է
• Ազ­գա­յին վար­չու­թեան եւ Ու­սում­նա­կան, Տն­տե­սա­կան  եւ Կա­լո­ւա­ծա­յին խոր­հուրդ­նե­րուն դպրո­ցին զա­նա­զան կա­րիք­նե­րու մա­տա­կա­րար­ման հա­մար
• Սուրբ Յա­կոբ ե­կե­ղեց­ւոյ հո­գե­ւոր հո­վի­ւին, թա­ղա­յին եւ տիկ­նաց մար­մին­նե­րուն, ո­րոնք միշտ դպրո­ցին կող­քին են
• «Ա­զատ Օր»ի խմբագ­րա­կան կազ­մին
• «Ար­մե­նի­քա» պար­բե­րա­թեր­թին խմբագ­րու­թեան
• Ա­մե­րի­կա­յի Յու­նա­հա­յե­րու Միու­թեան ազ­նո­ւա­փայլ տի­կին­նե­րուն եւ յար­գե­լի պա­րոն­նե­րուն
• Սան պա­հող ազ­նո­ւա­փայլ բա­րե­րա­րու­հի­ներ Ա­նուշ Ճ­րա­գեա­նին ու Պեր­ճու­հի Ուն­ճեա­նին
• Վար­ժա­րա­նիս շատ սի­րե­լի նո­րա­րար գա­ղա­փար­նե­րով Ծ­նո­ղա­կան միու­թեան, որ միշտ մեր կող­քին է։ Այս տա­րի մեծ յա­ջո­ղու­թեամբ կազ­մա­կեր­պեց հայ­կա­կան եւ յու­նա­կան գիր­քե­րու ցու­ցա­հան­դէ­սը, ա­պա­հո­վագ­րեց մեր ա­շա­կերտ­նե­րը եւ յանձն ա­ռաւ ման­կա­պար­տէ­զի եւ նա­խակր­թա­րա­նի ա­ւար­տա­կա­ննե­րու նո­ւէր­նե­րը
• Զա­ւա­րեան կեդ­րո­նի խոր­հուր­դին
• Եւ բո­լոր սի­րե­լի նո­ւի­րա­տու­նե­րուն՝ Իոան­նա եւ Ա­րամ Գա­սար­ճեան, Հայկ Ա­ճե­մեան, Ռա­ֆա­յէլ Չա­լեան, Վարդ եւ Մու­րատ Ա­ւա­գեան, Տես­փի­նա Մա­քե­տո­նո­փու­լու։

Յա­տուկ շնոր­հա­կա­լա­կան խօսք՝

Գա­լուստ Կիւ­պէն­կեան Հիմ­նար­կու­թեան հայ­կա­կան բաժ­նին կրթա­կան, բա­րո­յա­կան ա­ջակ­ցու­թեան եւ նաեւ ցու­ցա­բե­րած վստա­հու­թեան հա­մար։

Վարձ­քը կա­տար՝

Մեր սի­րե­լի ա­շա­կեր­տնե­րուն, ո­րոնք տա­րեշր­ջա­նի ըն­թաց­քին բա­ցի ի­րենց ա­մե­նօ­րեայ պար­տա­կա­նու­թիւն­նե­րէն, գուր­գու­րա­ցին ի­րենց վար­ժա­րա­նին վրայ:
Դպ­րո­ցի մա­տա­կա­րար­ման պա­տաս­խա­նա­տո­ւին, դպրո­ցա­կան ինք­նա­շար­ժե­րու վա­րորդ­նե­րուն եւ ուղ­ղեկ­ցող­նե­րուն։ Ման­կա­պար­տէ­զի ու նա­խակր­թա­րա­նի բո­լոր գոր­ծըն­կեր­նե­րուս, Տես­փի­նա Մա­քե­տո­նո­փու­լո­ւին, Մա­րի­նա Փա­րաս­քե­ւա­յին, Տի­միթ­րա Ուկ­րի­նիին, Թէո­տո­րա Մա­ցա­կու­րա­յին, Ան­տի­ղո­նի Փեթ­րա­յին, Է­ֆի, Էլ­սա Փե­սեք­սի­տու­ին, Լո­ւի­զա Մի­խա­լա­քո­փու­լո­ւին, Ֆու­լի Քա­լոք­սի­տո­ւին, Է­մի­լիա Ֆո­լիա­յին, Է­ֆի Քի­րիա­քու­տիին եւ Ա­լեք­սանտ­րոս Ցա­ցոս-­Պա­պու­նի­սին, ման­կա­պար­տէ­զի օգ­նա­կան Թա­մար Պե­տո­յե­անին ու հայ ու­սոց­չա­կան կազ­մին։  Ա­նոնց հաս­կա­ցո­ղու­թեան եւ ան­կեղծ գոր­ծակ­ցու­թեան շնոր­հիւ մեր դպրո­ցը կը զար­գա­նայ, կը բար­գա­ւա­ճի եւ կը ստեղ­ծա­գոր­ծէ  կիրթ մթնո­լոր­տի, ան­կեղծ, հա­ղոր­դա­կան ու ջերմ մի­ջա­վայ­րի մէջ։
­Յա­տուկ յի­շա­տա­կում մեզ­մէ ան­դարձ մեկ­նած Ս­թաւ­րօ-­Խա­չիկ Ա­պա­րեա­նին։ Ան ծա­ռա­յեց մեր դպրո­ցը 1986 Սեպ­տեմ­բե­րէն մին­չեւ իր ա­նակն­կալ մա­հը՝ 36 տա­րի­ներ շա­րու­նակ, դար­ձաւ ա­նոր ան­բա­ժան մա­սը։   Յա­ջորդ տա­րեշր­ջա­նի սե­մին Ս­թաւ­րո­յին հա­մար ծրագ­րո­ւած է յա­տուկ ե­րե­կոյ մը։

Սի­րե­լի ա­շա­կերտ­ներս,

Զո­ւար­թա­միտ, կա­տա­կա­սէր՝ բա­ռին իս­կա­կան ի­մաս­տով, ըն­կե­րա­սէր, գործ­նա­կան, ստեղ­ծա­գործ դա­սա­րան մը ե­ղաք, ուր յայտ­նա­բե­րո­ւե­ցան ա­պա­գա­յի տա­ղանդ­ներ, ի մի­ջի այ­լոց բա­նաս­տեղծ մը․․․։
­Ձեր կեան­քին մէջ շա­րու­նա­կե­ցէք զար­գաց­նել մեր դպրո­ցին՝ Զա­ւա­րեա­նին մէջ յայտ­նա­բե­րած ձեր հե­տաքրք­րու­թիւն­նե­րը։  Ա­նոնք վստահ եմ , պի­տի սա­տա­րեն ձեր ա­պա­գա­յի անձ­նա­կան յա­ջո­ղու­թիւն­նե­րուն եւ նաեւ պի­տի ներ­գոր­ծեն մեր հա­մայն­քի կեան­քին։
­Վառ պա­հե­ցէք ձեր շա­րու­նակ ներ­կա­յու­թիւ­նը – մաս­նակ­ցու­թիւ­նը Հ.Մ.Ը.Մ.-ի մար­զա­կան-սկաու­տա­կան խում­բե­րուն մէջ, Պա­տա­նե­կան Միու­թեան, եւ կամ պար­զա­պէս ա­զատ ժա­ման­ցը հո՛ս, Զա­ւա­րեան կեդ­րո­նին մէջ։

Բա­րի երթ ու­նե­նաք, սրտա­գին կը մաղ­թեմ նո­րա­նոր յա­ջո­ղու­թիւն­ներ եւ ձեր բո­լո­րին ե­րազ­նե­րուն ի­րա­կա­նա­ցում։

ՄՐՑԱՆԱԿՆԵՐ

Այս տա­րի «Μαθηματικά Πυθαγόρας» մրցա­շար­քին 13 ա­շա­կերտ­ներ մաս­նակ­ցե­ցան` ա­նուն­նե­րը պի­տի յայ­տա­րա­րո­ւին մեր դպրո­ցին կայ­քէ­ջէն (https://dim-kyan-stavr-nikaias.att.sch.gr/ ) եւ ա­նոնց­մէ մրցա­նա­կին ար­ժա­նա­ցան 4 հո­գի (Է­կեան Մար­ղա­րի­թա, Մի­նա­սեան Սե­ւակ, է­կեան Ա­լեք­սանտ­րոս)։  Ա­ւար­տա­կան դա­սա­րա­նէն մաս­նակ­ցող­նե­րը գնա­հա­տան­քի ար­ժա­նա­ցան, իսկ մրցա­նա­կին կ՛ար­ժա­նա­նայ Վա­լեն­թի­նա Ա­ռա­քե­լեան։
Հ.Կ.Խ.ը ա­մէն տա­րի Հ.Յ.Դ Պա­տա­նե­կան միու­թեան բա­նա­կու­մին մաս­նակ­ցու­թեամբ կը գնա­հա­տէ ա­ւար­տա­կան դա­սա­րա­նէն հա­յե­րէն լե­զո­ւի գե­րա­զանց ա­շա­կեր­տին։ 15 ա­շա­կերտ­նե­րէն 10-ն գե­րա­զանց, ո­րոնց­մէ 5-ը փայ­լուն ար­դիւնք­նե­րով՝ Փոլ, Վա­լեն­թի­նա, Մար­տին, Վարդ եւ Ար­ման։  Մր­ցա­նա­կին կ­՚ար­ժա­նա­նայ բա­ցա­ռիկ 10 նի­շով Վարդ Կա­րա­պե­տեան։
­Տի­կին Մէ­րի Փա­փա­զեան եւ պա­րոն Ռո­պերթ Ար­շա­կու­նի ի­րենց ծնո­ղած՝ Յա­կոբ եւ Մե­րի­լին Ար­շա­կու­նի­նե­րուն յի­շա­տա­կին 200 եւ­րո­յով կը պար­գե­ւատ­րեն Հա­յոց Պատ­մու­թեան լա­ւա­գոյն ա­շա­կեր­տին. Հոս ալ դժո­ւար էր ո­րո­շու­մը՝ Մե­լին, Փոլ, Մար­տին, Վարդ, Ռի­թա, Ար­ման։  Մր­ցա­նա­կին կ­՚ար­ժա­նա­նան Ա­ւա­գեան Փոլ եւ Ղա­զա­րեան Մար­տին։
­Դա­սա­րա­նը, ինչ­պէս ար­դէն  ներ­կա­յա­ցում­նե­րէն նկա­տե­ցիք, կը սի­րէ ստեղ­ծել, բա­նաս­տեղ­ծել․․․։  Երկ­լե­զու հա­կիրճ ներ­կա­յա­ցում­ներն ալ ի­րե՛նք ստեղ­ծե­ցին` Մե­լի­նը, Ռի­թան, Վա­լեն­թի­նան, Մա­րիան, Վար­դը, Մա­րիա­նան, Մի­քա­յէ­լը, Լա­զա­րոն, Գաբ­րիէ­լը, Նի­քո­լան, Սեր­ճի­կը, Ար­մա­նը, Եոր­ղոն, Մար­տի­նը, Փո­լը․․․­ներշն­չո­ւե­ցան «­Հայ­րե­նի Աղ­բիւր» դա­սա­գիր­քին «Պ» շար­քի «­Մեր ճա­փո­նա­կան ճա­շը» նիւ­թէն, իսկ յու­նա­կան ներ­կա­յա­ցու­մը՝ Զա­ւա­րեան դպրո­ցին մէջ ի­րենց կեան­քէն։  Մեր 15 ա­շա­կերտ­նե­րը քո­ւէար­կե­ցին եւ ընտ­րե­ցին դա­սա­րա­նի բա­նաս­տեղ­ծը․ այն է՝ Ար­ման Յով­հան­նէ­սեան։  Ու­սուց­չա­կան կազ­մը ա­նոր կը նո­ւի­րէ Ար­մե­նի­քա պա­բե­րա­թեր­թի հրա­տա­րա­կու­թեան «Ար­մե­նի­քի Մու­սա» բա­նաս­տեղ­ծա­շար­քը եւ Ա­նա­հիտ Սար­գի­սեա­նի «­Բա­րեւ Ա­րեւ» շար­քէն «­Պա­րոն Սեդ­րա­կը» բա­նաս­տեղ­ծա­կան եր­գի­ծա­նա­շար­քը, մաղ­թե­լով եր­բեք չդադ­րի գրե­լէ։

Սի­րե­լի ծնող­ներ,

Շ­նոր­հա­կալ ենք ձե­զի, որ մե­զի վստա­հե­ցաք ձեր հո­գե­հա­տոր­նե­րը՝ զա­ւակ­նե­րը․ միա­սին ձեռք ձեռ­քի գոր­ծակ­ծե­ցանք 8, 6 եւ կամ ալ 3-4 տա­րի­ներ, ու այ­սօր հոս, բո­լորս միա­սին հրա­ժեշտ կու տանք մե՛ր զա­ւակ­նե­րուն։  Վարձ­քեր­նիդ կա­տա՛ր

Բա­րի ա­մառ։