Ի գիտութիւն կը հաղորդենք մեր հաւատացեալ ժողովուրդին, որ Սրբոց Վարդանանց զօրավարացն մերոց եւ 1036 վկայիցն ազգային եւ եկեղեցական տօնին առիթով, պիտի մատուցուի Ս. պատարագ Գոքինիոյ ու Նէոս Գոզմոսի եկեղեցիներէն ներս:
Ուրբաթ, 9 Փետրուար 2024-ին, Ս. Յակոբ եկեղեցւոյ մէջ արարողութեան պիտի նախագահէ, Յունաստանի Հայոց Թեմի Առաջնորդ՝
Գերշ. Տ. Գեղամ Ս. Արք. Խաչերեան:
Պիտի պատարագէ
Արժ. Տ. Պարէտ Քհնյ. Խաչերեան:
Ներկայ պիտի գտնուի Հայ Կապոյտ Խաչի «Զաւարեան»
ազգ. վարժարանի աշակերտութիւնը:
Հինգշաբթի, 8 Փետրուար 2024-ին, Ս. Կարապետ եկեղեցւոյ մէջ պիտի պատարագէ Արժ. Տ. Նարեկ Քհնյ. Շահինեան։
Ներկայ պիտի գտնուին Հայ Կապոյտ Խաչի «Լ. եւ Ս. Յակոբեան» ազգ. վարժարանի, ինչպէս նաեւ «Ա. եւ Ժ. Ճէնազեան»
միջնակարգի աշակերտութիւնը:
Եկէ՛ք մասնակից դառնանք Ս. Վարդանանց տօնի սրբազան արարողութեան եւ գօտեպնդուինք օրուան խորհուրդով ու պատգամով:
ՅՈՒՆԱՍՏԱՆԻ ԹԵՄԻ ԿՐՕՆԱԿԱՆ ԺՈՂՈՎ
