ԲանակումԻ Թերթիկ 2024 — թիւ 1
Բանակումի առաջին օրերը…
Արդէն ժամանակը հասած է՝ 43-րդ Հ.Յ.Դ. Յունաստանի Պատանեկան միութեան բանակումը սկսելու։
Օգոստոս 23-ին առաւօտեան ճամբայ ելանք բանակավայր հասնելու կէսօրին։
Այս տարի փոփոխութիւն մը եղաւ՝ բոլոր պատանիները բաժնուեցան չորս խումբերու, որոնք նոյնը պիտի ըլլան յանձնախումբերուն եւ ընկերային կեանքի խաղերուն։ Յանձնախումբերն են՝ հայկական պար, երգ, ձեռային աշխատանք եւ ինքնապաշտպանութեան վարժութիւններ։ Ամէն խումբ պիտի մասնակցի շարքով այս չորս յանձնախումբերու գործունէութիւններուն։
Հետեւելով ամէնօրեայ յայտագիրը, հասաւ մեր ամէնէն սիրած պահը՝ մարզանքը… բայց կարծիքը մեկէն միւսը կը տարբերի։
Աղտոտութենէն մաքրուեցանք, համեղ ընթրիք կերանք, եւ յետոյ ժամը հասաւ, որ չորս խումբերը իրենց միջեւ մրցին եւ բոլորը միասին հաճելի ժամանակ անցնել։
Օրը կը վերջանայ պահակութիւններով եւ խոր քնանալով։
Եւ յաջորդ օրերը նոյն յայտագիրով կը շարունակուին։
Նշանաւոր է, որ մինչեւ այսօր, այսինքն առաջին երեք օրերու ընթացքին, ամէնէն մաքուր վրանները եղած էն տղաներու վրանները՝ «Մասիս» վրանը (միջակ տղաները), «Արարատ» վրանը (պզտիկ տղաները) եւ «Բաբգէն Սիւնի» վրանը (մեծ տղաները)։
Կ’երեւի որ աղջիկները աւելի լաւ պէտք է փորձենք։ Ի՞նչ կը կարծէք։
Նաթալի Գույումճեան
Վանա Պարղութեան
Մարզական նորութիւններ
Ոտնագնդակ
ԱԷՔ-ը հաւասար եկաւ Լամիային հետ։ Կ’երեւի որ ԱԷՔ-ին համար դժուար տարեշրջան մըն է, քանի որ արդէն դուրս ելաւ Եւորպական մրցահանդեսէն պարտուելով հայկական Նոա ոտնագնդակի խումբէն։
Օլիմփիաքոսը յայտարարեց, որ այս տարի իր խաղցողներէն մէկը պիտի ըլլայ Դաւիթ Քարմո-ն։ Նայինք եթէ այս յաւելումը պիտի օժանդակէ խումբի ապագայ արդիւնքներուն։
Փանաթինայիքոս պարտուեցաւ Լէնս խումբէն, բայց դեռ առիթը ունի որ փորցէ մնալ Երոպական մրցահանդէսէն ներս։
Սակայն, կարեւոր է նշել որ ՓԱՕՔ խումբը մեծ յաղթանակ ունեցաւ Շամրօք Րօվերս-ին դէմ (4-0): Շատ հնարաւոր է որ ՓԱՕՔ-ը մտնէ Europa League-ին մրցահանդէսին։
Փոլ Աւագեան
Ալպեր Մարտիկեան
Մեր կեանքը առանց հեռաձայնի…
Մեր սերունդը վարժուած է հեռաձայները գործածել։ Ասոր համար բանակումի առաջին օրերը դժուար կ՛ըլլան առանց անոր։ Շատ անգամ կը զգանք որ կը կարօտնանք մեր ընկերային ցանցերուն կեանքը, մեր ընկերներուն հետ խօսիլ եւ նամակներ ղրկել։
Սակայն, լաւ բան է որ բանակումի ընթացքին հեռաձայնները արգիլուած են, որովհետեւ այսպիսով պատանիները իրենց միջեւ կը խօսին մօտէն եւ աղուոր յիշատակներ կը ստեղծենք։
Վարդ Կարապետեան
Լուսին Խանիկեան
Այս չորս օրերը առանց հեռաձայնի շատ լաւ անցուցած ենք, քանի որ մեր ընկերներուն հետ ենք, կը խաղանք միասին եւ տարբեր նոր տեղեկութիւններ առիթը ունինք սորվելու։
Անշուշտ ասի մեր կարծիքն է, որովհետեւ բոլոր պատանիները համաձայն չեն եւ պիտի նախընտրէին հեռաձայնները իրենց հետ ունենալ։
Այս ժամանակը որ կ’անցնենք առանց հեռաձայններու շատ կարեւոր է, որովհետեւ պատանիները կը հասկնան, որ անպայման չէ հեռաձայն ունենալ որպէսզի լաւ պահեր անցնել։
Սոնիա Ֆարաճեան
Օֆիլիա Գափլանեան
