14.555 եւրօ եւ 400 ամերիկեան տոլար հանգանակուեցաւ Լիբանանի եւ Սուրիոյ մեր քոյր-եղբայրներուն ի նպաստ:Յունահայ մեր հայրենակիցներու ազնիւ մատուցումով, իր բարւոք աւարտին հասաւ Լիբանանի եւ Սուրիոյ հայութեան օժանդակութեան ի նպաստ գործադրուած նուիրահաւաքը։Միջին Արեւելքի մեր երկու կարեւոր օճախներուն օգնութեան հասնելու նպատակով, յունահայ մեր հայրենակիցները, վերջին երեք ամիսներուն ընթացքին, փութացին իրենց նեցուկն ու օժանդակութիւնը գործնական ձեւով յայտնելու եւ միանալու համահայկական ճիգին, ի նպաստ Լիբանանի եւ Սուրիոյ գաղութներու մէջ ապրող հայութեան, որ ընկերային-տնտեսական դժնդակ պայմաններ կը դիմագրաւէ։Յունաստանի տարածքին գործադրուած նուիրահաւաքը իրագործուեցաւ մեր գաղութի գործօններուն կողմէ, որոնք գիտակցելով գաղութային զօրաշարժի նշանակութեան եւ հրամայական անհրաժեշտութեան՝ ի գործ դրին իրենց կարելիութիւնները։Նուիրահաւաքը հովանաւորուած էր Յունահայոց Առաջնորդ գերշ. Գեղամ Արք. Խաչերեանի կողմէ եւ իրագործուեցաւ Հ.Յ.Դ. Յունաստանի Կեդրոնական կոմիտէի եւ Յունահայոց Ազգային վարչութեան, Հայ Կապոյտ Խաչի եւ Հայ Գթութեան Խաչի Շրջանային վարչութեանց, Համազգայինի եւ Հ.Մ.Ը.Մ.ի, ինչպէս նաեւ Հ.Յ.Դ. Յունաստանի Երիտասարդական միութեան կողմէ։ Այսպէս կարելի եղաւ հանգանակել 14.555 եւրօ եւ 400 ամերիկեան տոլարի ընդհանուր գումարը, որ պիտի փոխանցուի Լիբանանի եւ Սուրիոյ օժանդակութեան համահայկական միացեալ մարմնին, Մեծի Տանն Կիլիկիոյ կաթողիկոսութեան եւ Արամ Ա. Վեհափառ հայրապետի մասնակցութեամբ։
Οι αρμενικές οργανώσεις στην Ελλάδα, όπως και άλλες κοινότητες της Διασποράς, συμμετείχαν από κοινού σε μιαν παναρμενική προσπάθεια, συγκεντρώνοντας δωρεές προς συμπαράσταση των συνανθρώπων μας στον Λίβανο και τη Συρία.Με τη συμμετοχή της Μητρόπολης Ορθοδόξων Αρμενίων Ελλάδος, της Αρμενικής Εθνικής Επιτροπής, του Αρμενικού Κυανού Σταυρού και του Σταυρού Ελέους Μακεδονίας και Θράκης, του Πολιτιστικού Σωματείου Χαμασκαϊν, της Αρμενικής Νεολαίας Ελλάδας και της Ένωσης Αρμενίων Αθλητών και Προσκόπων Χομενετμέν συγκεντρώθηκε το ποσό των 14.555 ευρώ και 400 δολλαρίων ΗΠΑ.Ευχαριστούμε θερμά όλους τους συμμετέχοντες.
