Ս. Աստուածածին եկեղեցւոյ հիմնադրութեան 121-ամեակին առիթով, Շաբաթ, 23 Նոյեմբեր 2024-ին եւ ժամը 19:00-ին, պիտի կատարուի Կիրակամտից ժամերգութիւն, նախագահութեամբ Յունաստանի Հայոց Թեմի բարեջան Առաջնորդին։
Կը հրաւիրենք մեր բարեպաշտ ժողովուրդը ներկայ գտնուելու եւ աղօթակից դառնալու սոյն հոգեպարար արարողութեան:
Ժամերգութենէն ետք, ժամը 20:00-ին, «Տէր-Զաքարեան» սրահին մէջ, կազմակերպութեամբ եկեղեցւոյս Թաղային խորհուրդին, տեղի պիտի ունենայ պաշտօնական ընթրիք, ներկայութեամբ Առաջնորդ հայր սուրբին:
Անոնք, որոնք կը փափաքին ներկայ գտնուիլ սոյն ընթրիքին, կը խնդրուի նախօրօք տեղեակ պահեն քարտուղարին, հեռաձայնելով եկեղեցւոյս գրասենեակին:
Մասնակցութեան սակ՝
* 15 եւրօ՝ չափահասներուն համար
* 10 եւրօ՝ պատանիներուն եւ երիտասարդներուն համար
Կիրակի, 24 Նոյեմբեր 2024-ին, պիտի մատուցուի հանդիսաւոր Ս. եւ Անմահ Պատարագ եւ մատաղօրհնէք:
Եկեղեցւոյս մէջ իր անդրանիկ Պատարագը պիտի մատուցէ, յաւուր պատշաճի քարոզէ եւ մատաղօրհնէքը կատարէ Յունաստանի Հայոց Թեմի նորընտիր բարեջան Առաջնորդ
ԳԵՐՊ. Տ. ՍԱՀԱԿ Ծ. ՎՐԴ. ԵՄԻՇԵԱՆ
Կը հրաւիրենք մեր սիրելի ժողովուրդը, որպէսզի մասնակից դառնայ գերապատիւ հայր սուրբի անդրանիկ Պատարագին:
Սկիզբ Ս. Պատարագի՝ առաւօտեան ժամը 10:30
Մատաղօրհնէք՝ կէսօրուան ժամը 12:00
ԹԱՂԱՅԻՆ ԽՈՐՀՈՒՐԴ ԹԵՍԱՂՈՆԻԿԷԻ
