Երկու գիրքերու ներկայացում ­Թեսաղոնիկէի մէջ

Կի­րա­կի, 27 ­­Հոկ­տեմ­բեր 2024-ին, կէ­սօ­րէ ետք ժա­մը 13:00-ին, Ս. եւ Ան­մահ ­­Պա­տա­րա­գէն ետք, ե­կե­ղեց­ւոյ կից գտնո­ւող «­­Տէր-­­Զա­քա­րեան» սրա­հին մէջ, ­­Հա­մազ­գա­յի­նի ­­Թե­սա­ղո­նի­կէի «Ղ. ­­Սա­րեան» մաս­նա­ճիւ­ղի եւ «Ար­մե­նի­քա» պար­բե­րա­թեր­թի կազ­մա­կեր­պու­թեամբ, տե­ղի ու­նե­ցաւ եր­կու գիր­քե­րու ներ­կա­յա­ցում, ո­րոնք կը բո­վան­դա­կեն հա­յե­րու գաղ­թը եւ հաս­տա­տու­մը՝ ­­Յու­նաս­տան։ ­­Բաց­ման խօս­քով հան­դէս ե­կաւ ­­Հա­մազ­գա­յի­նի ան­դամ ­­Տիգ­րան ­­Սար­գի­սեա­ն, որ բա­րի գա­լուստ մաղ­թեց ներ­կա­նե­րուն եւ ի մաս­նա­ւո­րի Ա­թէն­քէն ժա­մա­նած խումբ մը հայ­րե­նա­կից­նե­րուն, ա­պա ամ­փոփ գի­ծե­րու մէջ ներ­կա­յա­ցուց եր­կու հե­ղի­նակ­նե­րը։ ­­Յա­ջոր­դա­բար խօսք ա­ռին ­­Հա­մազ­գա­յի­նի ան­դա­մու­հի ­­Մե­լին ­­Գա­րաօղ­լա­նեան ու յոյն պատ­մա­բան ­­Մա­րիա Ս­փի­լիո­թո­փու­լու, ո­րոնք ար­ժե­ւո­րում մը կա­տա­րե­ցին գիր­քե­րուն մա­սին։ Ա­ռա­ջին հեր­թին ներ­կա­յա­ցո­ւե­ցաւ պրն. ­­Յով­հան­նէս ­­Ղա­զա­րեա­նի գիր­քը «Οι Αρμένιοι στην Ελλάδα μετά την Μικρασιατική καταστροφή», ո­րուն բո­վան­դա­կու­թիւ­նը ներ­կա­յա­ցուց հե­ղի­նա­կը։ Իսկ երկ­րոր­դը՝ «Αρμένιοι πρόσφυγες στην Λαυρεωτική», ո­րուն հե­ղի­նակն է ­Եոր­ղիոս ­­Փե­փաս՝ ներ­կա­յա­ցուց ­­Թե­սա­ղո­նի­կէի հայ հա­մայն­քէն վաս­տա­կա­շատ տի­կին ­­Կիւ­լա ­­Գա­սա­պեա­ն։ Ա­ւար­տին հրա­ւի­րո­ւե­ցաւ ­Թե­սա­ղո­նի­կէի հո­գե­ւոր հո­վիւ Ե­ղիա վրդ. ­­Մալ­խա­սեա­ն, որ­պէս­զի իր սիր­տի խօս­քը փո­խան­ցէ։ Ան բարձ­րօ­րէն գնա­հա­տեց հե­ղի­նակ­նե­րը եւ «Ար­մե­նի­քա» հաս­տա­տու­թիւ­նը, ո­րուն շնոր­հիւ տպագ­րո­ւե­ցան յի­շեալ գիր­քե­րը։
Ա­պա շեշ­տեց, որ մեր հա­մայն­քա­յին կեան­քին մէջ մեծ դե­րա­կա­տա­րու­թիւն ու­նին այս­պի­սի հրա­տա­րա­կու­թիւն­ներ, որ­պէս­զի նոր սե­րուն­դը ճանչ­նայ իր նախ­նի­նե­րուն պատ­մու­թիւ­նը եւ ի­րենք եւս ի­րենց ծա­ռա­յու­թիւ­նը ա­ռա­ւել գի­տակ­ցու­թեամբ եւ յանձ­նա­ռու­թեամբ կա­տա­րեն ի պան­ծա­ցումն ­հայ ե­կե­ղեց­ւոյ եւ ի պա­տիւ հայ ազ­գին։

Թղ­թա­կից