Գոքինիոյ Հ.Մ.Ը.Մ.-ի վոլէյպոլի խումբի պատմական յաջողութիւնը

ԺԱԳ ՏԱՄԱՏԵԱՆ

Հ.Մ.Ը.Մ.-ի ­Գո­քի­նիոյ մաս­նա­ճիւ­ղի վո­լէյ­պո­լի տղոց խում­բը պատ­մա­կան յա­ջո­ղու­թիւն մը ար­ձա­նագ­րեց, իր ա­ռա­ջին ներ­կա­յու­թեամբ ­Յու­նաս­տա­նի 2-րդ ­դա­սա­կար­գի ա­խո­յեա­նու­թեան մէջ, եւ ա­պա­հո­վեց մաս­նակ­ցու­թիւ­նը յա­ջորդ տա­րո­ւան մրցա­շար­քին, կրկնա­կի յաղ­թե­լով ԽԱՆԹ (ΧΑΝΘ) խում­բը վերջ­նա­կան (փլէյ-աութ) հանգ­րո­ւա­նի մրցում­նե­րուն։
Ա­ռա­ջին մրցու­մին ­Թե­սա­ղո­նի­կէի մէջ, ջախ­ջա­խեց 3֊0 կէ­տով, թէեւ նա­խա­պէս կը պար­տո­ւէր 2-0, այ­սու­հան­դերձ յա­ջո­ղե­ցաւ տա­նիլ փա­ռա­ւոր յաղ­թա­նակ` 2-3 հա­շի­ւով։ ­Մաս­նա­ճիւ­ղի վար­չու­թեան քար­տու­ղար եղբ. ­Միհ­րան Ա­ւա­գեան նշեց, որ Հ.Մ.Ը.Մ.-ը, ա­ռա­ջին ան­գամ գտնո­ւե­լով այս­պի­սի բարձր մա­կար­դա­կի մրցա­շար­քի մը, տա­րո­ւան ըն­թաց­քին կանգ­նե­ցաւ ան­նա­խա­դէպ խո­չըն­դոտ­նե­րու առ­ջեւ, դի­մագ­րա­ւե­լով սուր մրցակ­ցու­թիւն ու­ժեղ ու մար­զա­կան հա­րուստ փոր­ձա­ռու­թիւն ու­նե­ցող հա­կա­ռա­կորդ խում­բե­րու հան­դէպ. պէտք չէ անն­կատ ան­ցը­նել խում­բի շա­րու­նա­կա­կան ճամ­բոր­դու­թիւն­նե­րը, յա­ւե­լեալ դժո­ւա­րու­թիւն­նե­րով ու ծախ­սե­րով։
­Նաեւ, անհ­րա­ժեշտ էր կազ­մը օժ­տել նոր մար­զիկ­նե­րով, ա­ռանց խա­թա­րե­լու ա­նոր հայ­կա­կան կազ­մի դի­մա­գի­ծը։
­Խում­բի պատ­րաս­տու­թիւ­նը եւ մար­զու­մը ան­գամ մը եւս վստա­հո­ւե­ցաւ վաս­տա­կա­ւոր մար­զիչ Խ­րիս­թոս ­Ռու­մեա­նին։ Ա­ռա­ջա­տար մար­զիկ­նե­րէն էր փոր­ձա­ռու խմբա­պետ Ա­դամ ­Չա­լը­քեան։ ­Մար­զիկ­նե­րու ցու­ցա­կին մէջ կա­րե­ւոր ան­դամ­ներն էին` Եան­նիս եւ ­Փա­նաեո­թիս ­Քաք­րի­տիս-­Ռու­մեան եղ­բայր­նե­րը։ ­Յատ­կան­շա­կան է լա­ւա­գոյն «լի­պե­րօ» դիր­քի Փ­լա­թոն ­Մի­խա­յի­լո­վիչ մար­զի­կի պա­րա­գան, որ հա­սակ նե­տե­լով հայ­կա­կան մթնո­լոր­տի մէջ, «­Զա­ւա­րեան» կեդ­րո­նէն ներս, ինք­զինք կը նկա­տէ «հայ»։
­Մար­զա­դաշ­տի չորս գի­ծե­րէն ներս` Հ.Մ.Ը.Մ.-ի խում­բը գե­րա­զան­ցե­լով նոյն մա­կար­դա­կի խում­բե­րը, կա­րո­ղա­ցաւ դի­մա­կա­յել մրցու­մի մար­տահ­րա­ւէր­նե­րը։ Իսկ` ա­ղիւ­սա­կի վրայ լաւ դիրք մը ամ­րապն­դե­լու հա­մար, կա­տա­րեց ա­ռաջ­նու­թեան կա­րե­ւո­րա­գոյն ա­նակն­կա­լը` սե­փա­կան դաշ­տին մէջ 3-1 հա­շի­ւով յաղ­թեց ­Թե­սա­ղո­նի­կէի «Ի­րաք­լիս» խում­բը՝ ­Յու­նաս­տա­նի վա­ղե­մի ա­խո­յեան եւ Եւ­րո­պա­յի փո­խա­խո­յեան։
­Խում­բի յա­տուկ պա­հե­րէն ե­ղաւ ­Հիւ­սի­սա­յին ­Յու­նաս­տա­նի Ֆ­լո­րի­նա սահ­մա­նա­մերձ քա­ղա­քի մէջ ի­րա­գոր­ծո­ւած մրցու­մը, տե­ղա­կան «Ի­ֆես­թոս» ա­կում­բին դէմ, ո­րուն հա­մար անհ­րա­ժեշտ էր յաղ­թա­նակ ա­պա­հո­վել։
Ս­քան­չե­լի եւ ո­գեշն­չող մթնո­լոր­տի մէջ, Հ.Մ.Ը.Մ.-ը ուժ­գին պայ­քա­րե­ցաւ, սա­կայն պար­տու­թիւն կրեց 3-1 ար­դիւն­քով։ Ա­ւար­տին` տե­ղա­ցի մար­զա­սէր­նե­րը ջերմ ծա­փող­ջոյն­նե­րով վար­ձատ­րե­ցին Հ.Մ.Ը.Մ.-ի մար­զիկ­նե­րը եւ 25 նո­ւի­րեալ երկր­պա­գու­նե­րը։ ­Հիւ­րըն­կա­լող խում­բե­րէն յայտ­նո­ւե­ցաւ, թէ «հա­յե­րը ա­մէ­նէն տի­պար ներ­կա­յու­թիւ­նը ցու­ցա­բե­րե­ցին»։
Հ.Մ.Ը.Մ.-ի վար­չա­կան եղ­բայ­րը ամ­փո­փե­լով իր խօս­քը, նշեց որ յա­ջորդ «Pre Legue» կո­չո­ւած ա­ռաջ­նու­թիւ­նը կը սպա­սո­ւի ըլ­լալ ա­ւե­լի պա­հանջ­քոտ, նկա­տի ու­նե­նա­լով որ պի­տի ա­ւել­նան ճամ­բոր­դու­թիւն­նե­րը, մա­նա­ւանդ դէ­պի ­Հիւ­սի­սա­յին ­Յու­նաս­տան։
Ա­ւար­տե­լով մեր սի­րա­լիր խօ­սակ­ցու­թիւ­նը, ան կոչ ու­ղեց, որ խում­բի մար­զա­սէր­նե­րը եւ փա­փա­քող հո­վա­նա­ւոր­ներ ա­ւե­լիով քա­ջա­լե­րեն մեր խում­բը, որ­պէս­զի Հ.Մ.Ը.Մ.-ը շա­րու­նա­կէ իր յա­ջող ե­լոյթ­նե­րը, բարձր պա­հե­լով հայ ա­նու­նը յու­նա­կան մար­զա­կան աշ­խար­հին մէջ։