Ալիեւի զարմուհին ձերբակալուեցաւ յոյն ոստիկանութեան կողմէ թմրեցուցիչ տրամադրելու յանցանքով

Երէկ առաւօտ, յու­նա­կան ոս­տի­կա­նու­թիւ­նը շրջա­փա­կեց Ա­թէն­քի ա­րո­ւար­ձան­նե­րէն՝ ­Քա­լի­վիա շրջա­նին մէջ գտնո­ւող դղեակ մը, ո­րուն մէջ այդ պա­հուն մէկ­տե­ղո­ւած 28 ան­ձերը կը գոր­ծա­ծէին զա­նա­զան թմրե­ցու­ցիչ­ներ եւ ո­գե­լից ըմ­պե­լի­ներ, իսկ ա­նոնց­մէ շա­տե­րը սե­ռա­յին ան­կար­գու­թիւն­նե­րու մէջ մխրճո­ւած էին։
Ոս­տի­կա­նու­թիւ­նը ձեր­բա­կա­լեց նաեւ սեղմ շրջա­նա­կի պա­րա­հա­ւա­քոյ­թը կազ­մա­կեր­պո­ղը, որ ըստ յու­նա­կան մա­մու­լին, Ատր­պէյ­ճա­նի նա­խա­գահ Իլ­համ Ա­լիե­ւի զար­մու­հին է։ ­Տե­ղե­կու­թիւն­նե­րուն հա­մա­ձայն, ան կ­՚ապ­րի ­Մեծն Բ­րի­տա­նիոյ մէջ եւ 2021-ին իր ա­մու­սի­նին հետ ամ­բաս­տա­նո­ւած էր բրի­տա­նա­կան կար­գե­րուն կող­մէ մե­ծա­գու­մար անգ­լիա­կան ոս­կիի լո­ւաց­ման հա­մար։
Ա­զե­րի կի­նը ձեր­բա­կա­լո­ւե­ցաւ ան­ցեալ Եր­կու­շաբ­թի ա­ռա­ւօ­տուն՝ յու­նա­կան ոս­տի­կա­նու­թեան թմրե­ցու­ցի­չի կան­խար­գիլ­ման յա­տուկ ջո­կատ­նե­րուն կող­մէ։ Ան կ­՚ամ­բաս­տա­նո­ւի ա­պօ­րի­նի պա­րա­հա­ւա­քոյթ կազ­մա­կեր­պած ըլ­լա­լու մե­ղադ­րան­քով, ո­րուն հա­մար ղրկո­ւած հրա­ւէ­րին մէջ նշո­ւած էր թմրե­ցու­ցի­չի, ո­գե­լից ըմ­պե­լիի եւ … ո­րե­ւէ այլ ե­ղե­լու­թեան մա­սին։ Ոս­տի­կան­նե­րու մուտ­քի պա­հուն, 28 հո­գի մերկ վի­ճա­կի մէջ գտնո­ւե­ցան տան զա­նա­զան մա­սե­րը, մինչ յայտ­նի դար­ձաւ, թէ եր­կու օր տե­ւած պա­րա­հա­ւա­քի ըն­թաց­քին մեծ թի­ւով այլ հրա­ւի­րեալ­ներ եւս ան­ցան ան­կէ։
Ա­զե­րի կի­նը ձեր­բա­կա­լո­ւե­ցաւ ննջա­սե­նեա­կի մը մէջ, ուր իր մօտ գտնո­ւե­ցան 14 տար­բեր տե­սա­կի ծանր թմրե­ցու­ցիչ­ներ, ինչ­պէս նաեւ դրա­մարկ­ղի մը մէջ ոս­տի­կան­նե­րը պա­հո­ւած գտան մօտ 44 հա­զար եւ­րո­յի գու­մար մը։
Ոս­տի­կա­նու­թեան յար­ձա­կու­մին ըն­թաց­քին նաեւ բեր­ման են­թար­կո­ւե­ցան երեք ոս­տի­կան­ներ, ո­րոնք ա­պօ­րի­նի պա­հա­կու­թեան սպա­սար­կու­թիւն կը կա­տա­րէին դղեա­կին առ­ջեւ։
Ոս­տի­կա­նա­կան հրա­մա­նա­տա­րու­թեան պաշ­տօ­նա­կան յայ­տա­րա­րու­թեան հա­մա­ձայն 10 հո­գիի մօտ գտնո­ւե­ցան թմրե­ցու­ցիչ­ներ։ ­Ձեր­բա­կա­լո­ւած­նե­րէն մաս մը ան­ցեա­լին եւս ամ­բաս­տա­նո­ւած էր նման ա­պօ­րի­նու­թիւն­նե­րու հա­մար։ Ա­նոնք ար­դէն ա­ռաջ­նոր­դո­ւե­ցան դա­տա­խա­զու­թեան առ­ջեւ, ո­րոնց հաս­ցէին մե­ղադ­րանք ա­ռա­ջար­կո­ւե­ցաւ։
­Յու­նա­կան մա­մու­լը ո­րոշ բա­ցա­յայ­տում­ներ կա­տա­րեց Ատր­պէյ­ճա­նի նա­խա­գա­հի զար­մու­հիի ա­պօ­րի­նի գոր­ծառ­նու­թիւն­նե­րուն մա­սին։ Ըստ օ­տար լրա­տո­ւա­կան աղ­բիւր­նե­րուն, 2021-ին, ա­զե­րի կի­նը եւ իր ա­մու­սի­նը մտան ո­ճիր­նե­րու կան­խար­գիլ­ման անգ­լիա­կան ազ­գա­յին սպա­սար­կու­թեան (NCA) հսկո­ղու­թեան տակ, երբ յայտ­նի դար­ձաւ թէ ա­մո­լը ստա­ցած էր 13,9 մի­լիոն անգ­լիա­կան ոս­կի մութ հա­շիւ­նե­րու ճամ­բով։
Անգ­լիոյ պե­տու­թեան հետ գո­յա­ցած հա­մա­ձայ­նու­թեան շնոր­հիւ, ա­նոնք 4 մի­լիոն ոս­կիի հա­տու­ցում կա­տա­րե­ցին, խու­սա­փե­լու հա­մար ի­րենց հարս­տու­թեան բռնա­գան­ձու­մի պա­տի­ժէն: ­Հա­մա­ձայն անգ­լիա­կան transparency.org.uk կայ­քէ­ջին, ձեր­բա­կա­լո­ւած ա­մո­լը ըն­դու­նեց, թէ գու­մար­նե­րը ­Մեծն Բ­րի­տա­նիա հա­սան ատր­պէյ­ճա­նա­կան դրա­մի լո­ւաց­ման մութ ճամ­բա­նե­րով, ծա­նօթ իբ­րեւ «Azerbaijan Laundromat», որ առն­չո­ւած էր Ատր­պէյ­ճա­նի քա­ղա­քա­կան վերնախաւին կող­մէ կա­տա­րո­ւած գու­մար­նե­րու լուաց­ման ա­պօ­րի­նու­թիւն­նե­րուն հետ։ Ըստ կա­տա­րո­ւած հե­տա­խու­զու­թեան, 2012-էն մին­չեւ 2014, ատր­պէյ­ճա­նա­կան գումարներու լո­ւաց­ման ըն­թաց­քին, ա­ւե­լի քան 2,2 մի­լիառ ոս­կի հայ­թայ­թո­ւե­ցաւ բրի­տա­նա­կան զա­նա­զան կասկածելի հա­շիւ­նե­րու։