Շաբաթ՝ 9 Յունուարի առաւօտուն, Էլեւսինայի ռազմական օդականայէն պիտի առաքուի Հ.Կ.Խաչի եւ Հ.Գ.Խաչի նախաձեռնութեամբ՝ Արցախին համար հաւաքուած մարդասիրական օգնութեան երկրորդ բաժինը։ Ինչպէս 12 Դեկտեմբերին ռազմական օդանաւ մը փոխադրած էր օգնութեան առաջին բաժինը, այս անգամ եւս, Յունաստանի արտաքին գործոց եւ պաշտպանութեան նախարարութիւններու սիրայօժար տրամադրութեամբ, երկրորդ բեռնատար ռազմական օդանաւը լեցուն է մարդասիրական օգնութեան իրերով եւ պատրաստ է վաղը մեկնելու դէպի «Զուարթնոց» օդակայանը։ Թռիչքին դարձեալ պիտի ընկերակցին յունահայ գաղութի կառոյցներու ներկայացուցիչներ, որոնք Հայաստանի Հ.Օ.Մ.ի գրասենեակին եւ տեղական կառոյցի պատասխանատուներուն պիտի փոխանցեն ամբողջական օգնութիւնը, որպէսզի այն անմիջապէս հասնի Արցախի տառապող ժողովուրդին։ Նշենք, որ մօտ ատենէն, ծրագրուած է մարդասիրական օգնութեան երրորդ բաժինն ալ ուղարկել Հայաստան։
ԳԼԽԱՒՈՐ ԷՋ ԳԱՂՈՒԹԱՅԻՆ Գաղութային կեանք Վաղը առաւօտ, յունահայութեան կողմէ Արցախի համար օգնութեան երկրորդ մասը կը հասնի Հայաստան