Հ.Կ.Խաչի «­Թագուհի Փաշայեան» ուսանողական մրցանակի յանձնում

Հ.Կ.­Խա­չի 85-րդ ­պատ­գա­մա­ւո­րա­կան ժո­ղո­վը լա­ւա­գոյն ա­ռի­թը հան­դի­սա­ցաւ, որ­պէս­զի միու­թեան գե­րա­գոյն ժո­ղո­վի ըն­թաց­քին կա­տա­րո­ւի «­Թա­գու­հի ­Փա­շա­յեան» ու­սա­նո­ղա­կան պար­գե­ւի յանձնումը։ Ինչ­պէս ար­դէն ծա­նօթ է, միու­թեան մեծ բա­րե­րար­նե­րէն՝ դաս­տիա­րակ ­Թա­գու­հի ­Փա­շա­յեան խո­րա­պէս գի­տակ­ցե­լով հա­յակր­թու­թեան հրա­մա­յա­կա­նին, իր կեան­քի վաս­տա­կը նո­ւի­րա­բե­րեց ­Միու­թեան, որ­պէս­զի ա­մէն տա­րի պե­տա­կան հա­մալ­սա­րա­նա­կան մուտ­քի քննու­թիւն­նե­րուն մէջ բարձ­րա­գոյն նի­շե­րը նո­ւա­ճած հայ ու­սա­նո­ղը, որ միա­ժա­մա­նակ Հ.Կ.­Խա­չի ազ­գա­յին վար­ժա­րան­նե­րու շրջա­նա­ւարտ ե­ղած է, ստա­նայ գնա­հա­տան­քի պար­գե­ւը, որ­պէս խթան իր ուս­ման յա­ջո­ղու­թեան եւ ա­պա­գա­յին կա­րե­ւոր ներդ­րում բե­րե­լու հա­մար գա­ղու­թա­յին կեան­քին։ Այս տա­րի, մրցա­նա­կին ար­ժա­նա­ցաւ Ք­րիս­տին ­Ռուս­տէ­մեան, որ յա­ջո­ղա­պէս մուտք գոր­ծեց Ա­թէն­քի ­Քա­փո­տիսթ­րիա­քօ հա­մալ­սա­րա­նի հո­գե­բա­նու­թեան ճիւ­ղին մէջ։
Ե­րի­տա­սարդ ու­սա­նո­ղու­հին, իր ըն­տա­նե­կան պա­րա­գա­նե­րով, յու­զու­մով ներ­կայ ե­ղաւ ա­րա­րո­ղու­թեան եւ տի­րա­ցաւ գնա­հա­տան­քին։ Շր­ջա­նա­ւարտ վար­չու­թեան ա­տե­նա­պե­տու­հի ընկ. ­Լի­զա Ա­ւա­գեան իր ու­րա­խու­թիւ­նը յայտ­նեց յա­ջո­ղու­թեան հա­մար եւ բա­ցատ­րեց մրցա­նա­կին նպա­տա­կը։ Ա­պա, Ք­րիս­տին ­Ռուս­տէ­մեան ստա­ցաւ գնա­հա­տան­քի գիրն ու պար­գե­ւը, մինչ ներ­կայ ժո­ղո­վա­կան­նե­րը ծա­փող­ջոյն­նե­րով եւ գնա­հա­տա­կան խօս­քե­րով յայտ­նե­ցին ի­րենց ու­րա­խու­թիւ­նը։ Ու­սա­նո­ղուհիին ծնող­նե­րը, ի­րենց կար­գին, շնոր­հա­կա­լու­թիւն յայտ­նե­ցին եւ մաղ­թանք­ներ կա­տա­րե­ցին Հ.Կ.­Խա­չի ա­պա­գայ գոր­ծու­նէու­թեան հա­մար, դրուա­տե­լով ա­նոր վսեմ նպա­տակ­նե­րը։
­Բա­րե­րար ­Թա­գու­հի ­Փա­շա­յեա­նի թո­ղած ա­ւան­դը եւ Շր­ջա­նա­յին վար­չու­թիւն­նե­րու եր­կար տա­րի­նե­րու վրայ ի­րա­գոր­ծած պար­գե­ւատ­րում­նե­րը լա­ւա­գոյն ա­պա­ցոյ­ցը կը հան­դի­սա­նան հայ ե­րի­տա­սար­դու­թեան նե­ցուկ կանգ­նե­լու ­Խա­չեան ա­ռա­քե­լու­թեան։

1 Հիւրատետր 3