­Լե­ւոն ­Տիլզ­սի­զեա­նի հե­ղի­նա­կած մե­ծա­ծա­ւալ հա­տո­րի պաշ­տօ­նա­կան ներ­կա­յա­ցու­մը տե­ղի ու­նե­ցաւ ­Շա­բաթ, 13 ­Դեկ­տեմ­բեր 2025-ի ե­րե­կո­յեան, Ա­լեք­սանտ­րու­պոլ­սոյ մարզ­պե­տու­թեան հան­դի­սաս­րա­հին մէջ։ Ա­ւե­լի քան 200 հայ եւ յոյն հան­դի­սա­տես­ներ ներ­կայ ե­ղան հան­դի­սու­թեան, ո­րոնց կար­գին մեծ թի­ւով հիւ­րեր եւ պաշ­տօ­նա­կան անձ­նա­ւո­րու­թիւն­ներ։
Ի­րենց ներ­կա­յու­թեամբ ե­լոյ­թը պա­տո­ւե­ցին ­Յու­նաս­տա­նի հա­յոց թե­մա­կան Ա­ռաջ­նորդ Տ. ­Սա­հակ եպս. Ե­մի­շեան, Ազ­գա­յին վար­չու­թեան ա­տե­նա­պետ ­Նա­զար Ա­ւա­գեան եւ նախ­կին ա­տե­նա­պետ ­Թագ­ւոր ­Յո­վա­կի­մեան, հո­գե­ւոր հո­վիւ ­Դա­նիէլ քհնյ. ­Գա­լօղ­լեան, Հ.Յ.Դ. տե­ղա­կան կո­մի­տէի ան­դամ­ներ, ­Թա­ղա­յին խոր­հուր­դը, յոյն բարձ­րաս­տի­ճան անձ­նա­ւո­րու­թիւն­ներ եւ պաշ­տօ­նա­տար­ներ։
Ող­ջոյ­նի խօս­քե­րու շար­քին, ի­րենց գնա­հա­տան­քը յայտ­նե­ցին Ա­ռաջ­նորդ Սր­բա­զան հայ­րը, յոյն մետ­րո­պո­լի­տի ներ­կա­յա­ցու­ցիչ հո­գե­ւո­րա­կա­նը, քա­ղա­քա­պե­տը, նախ­կին մարզ­պե­տը, Հ.Հ. պա­տո­ւոյ հիւ­պա­տոս ­Սար­գիս ­Տան­կա­զեան, «Ար­մե­նի­քա»-ի կող­մէ Ա­րաք­սի Ա­բէ­լեան-­Գո­լա­նեան եւ ­Թա­ղա­յին խոր­հուր­դի ա­տե­նա­պետ ­Վարդ­գէս ­Մա­րու­քեան։
­Գիր­քի ներ­կա­յա­ցու­մը հեր­թա­բար կա­տա­րե­ցին ­Յու­նաս­տա­նի Ա­կա­դե­միոյ պատ­մա­կան հե­տա­զօ­տու­թեան տնօ­րէ­նու­հի ­Մա­րիա Ս­փի­լիո­թո­փու­լու, Թ­րա­կիոյ հա­մալ­սա­րա­նի դա­սա­խօս Իա­քո­վոս Աք­ցիօղ­լու եւ հա­տո­րի հե­ղի­նակ ­Լե­ւոն ­Տիլ­սի­զեան։ Ե­լոյ­թի յայ­տա­գի­րի հա­մադ­րու­մը կա­տա­րեց լրագ­րող ­Քա­թե­րի­նա ­Քա­լեն­տե­րի­տի։
­Խօս­քե­րէն ետք գոր­ծադ­րո­ւե­ցաւ գե­ղա­րո­ւես­տա­կան յայ­տա­գիր՝ մաս­նակ­ցու­թեամբ շրջա­նի «­Մե­ղե­դի» երգ­չա­խում­բին եւ խմբա­վա­րու­թեամբ Տ. ­Դա­նիէլ քհնյ. ­Գա­լօղ­լեա­նի։

ՅԱՐԱԿԻՑ ՅՕԴՈՒԱԾՆԵՐԱՒԵԼԻ ՇԱՏ ՀԵՂԻՆԱԿԻ