ՍԻՐԻԶԱ կուսակցութեան նախագահը այցելեց Թեսաղոնիկէի հայկական կեդրոնը

Ան­ցեալ շա­բաթ, ՍԻՐԻԶԱ կու­սակ­ցու­թեան նա­խա­գահ ­Սոք­րա­թիս ­Ֆա­մե­լոս, ըն­կե­րակ­ցու­թեամբ ­Թե­սա­ղո­նի­կէի շրջա­նի ե­րես­փո­խան­ներ ­Քա­թե­րի­նա ­Նո­թո­փու­լո­ւի եւ Խ­րիս­թոս Եա­նու­լի­սի, այ­ցե­լեց ­Թե­սա­ղո­նի­կէի հայ­կա­կան հա­մայն­քի կեդ­րո­նը եւ տե­սակ­ցու­թիւն ու­նե­ցաւ Հ.Յ.Դ. ­Կեդր. ­Կո­մի­տէի, տե­ղա­կան «Յ. ­Գա­սա­պեան» կո­մի­տէի եւ ­Հայ դա­տի յանձ­նա­խում­բի ան­դամ­նե­րուն հետ։
­Հան­դի­պու­մին ըն­թաց­քին ար­ծար­ծո­ւե­ցան հա­յու­թեան եւ հայ­կա­կան գա­ղու­թին հետ ա­ղերս ու­նե­ցող հար­ցեր, ո­րոնց մա­սին ե­ղաւ ման­րա­մասն ներ­կա­յա­ցում եւ զրոյց։
Ա­ռա­ջին հեր­թին, հայ­կա­կան կող­մը ներ­կա­յա­ցուց Ար­ցա­խի հիմ­նախն­դի­րի պատ­մա­կան զար­գա­ցու­մը, շեշտ դնե­լով Ատր­պէյ­ճա­նի յար­ձա­կո­ղա­կա­նու­թեան վրայ, որ յան­գե­ցաւ Ար­ցա­խի շրջա­փակ­ման ու հա­յա­թափ­ման։ ­Մեր ըն­կեր­նե­րը նշե­ցին, թէ բա­ցի հայ ժո­ղո­վուր­դի կրած ցե­ղաս­պա­նու­թե­նէն ու իր սե­փա­կան հո­ղե­րու կո­րուս­տէն, Ատրպէյ­ճան հե­տե­ւո­ղա­կա­նօ­րէն կ­՚ան­հե­տաց­նէ հայ­կա­կան մշա­կու­թա­յին բազ­մա­դա­րեան հետ­քե­րը եւ կը խե­ղա­թիւ­րէ պատ­մա­կան ճշմար­տու­թիւ­նը։ Այս ի­րա­կա­նու­թեան տակ, մեր ըն­կեր­նե­րը խստօ­րէն դա­տա­պար­տե­ցին յու­նա­կան կու­սակ­ցու­թեան ե­րես­փո­խա­նի այ­ցե­լու­թիւ­նը Ար­ցա­խի բռնագ­րա­ւեալ հո­ղե­րուն վրայ, մաս կազ­մե­լով ատր­պէյ­ճա­նա­կան քա­րոզ­չա­կան ար­շա­ւին, պա­հան­ջե­լով որ նման պա­րա­գա­նե­րու, յոյն ներ­կա­յա­ցու­ցիչ­նե­րը պէտք է ա­ւե­լի զգոյշ եւ ա­չա­լուրջ ըլ­լան Ատր­պէյ­ճա­նի ծա­ւա­լած քա­րոզ­չու­թեան հան­դէպ, որ նպա­տակ ու­նի խե­ղա­թիւ­րել հայ­կա­կան պատ­մա­կան եւ ի­րա­ւա­կան խնդիր­նե­րը։
Անդ­րա­դարձ ե­ղաւ ­Հա­յաս­տա­նի եւ Եւ­րո­պա­կան միու­թեան մի­ջեւ հա­մա­գոր­ծակ­ցու­թեան մա­սին, նշե­լով քա­ղա­քա­կան եւ ի­րա­ւա­կան գոր­ծըն­թա­ցը, որ ներ­կա­յիս կ­՚ի­րա­կա­նա­ցո­ւի եր­կու կող­մե­րուն կող­մէ։
­Խօ­սակ­ցու­թեան նիւթ ե­ղաւ նաեւ ­Թե­սա­ղո­նի­կէի հայ հա­մայն­քի գոր­ծու­նէու­թիւ­նը ա­նոր հա­սա­րա­կա­կան, կրթա­կան եւ մշա­կու­թա­յին ե­րես­նե­րով։ ­Յա­տուկ նշում ե­ղաւ Հ.Գ.Խա­չի ­Ծաղ­կո­ցին մա­սին, ընդգծե­լով նաեւ կարգ մը խնդիր­նե­րուն մէջ յու­նա­կան կող­մը զօ­րա­վիգ կանգ­նե­լու անհ­րա­ժեշ­տու­թիւ­նը։
Այ­ցե­լու­թե­նէն ետք, ՍԻՐԻԶԱ-ի նա­խա­գա­հի մամ­լոյ գրա­սե­նեա­կը յայ­տա­տա­րու­թիւն տա­րա­ծեց, ո­րուն մէջ ան կը նշէ եր­կու ժո­ղո­վուրդ­նե­րու բազ­մա­դա­րեայ պատ­մու­թիւ­նը, յատ­կա­պէս Օս­մա­նեան կայս­րու­թեան ցե­ղաս­պա­նու­թե­նէն մին­չեւ տա­րագ­րու­թիւն։
Ան նշեց, թէ իր քա­ղա­քա­կան միա­ւո­րու­մը կը դա­տա­պար­տէ ­Հա­յոց ցե­ղաս­պա­նու­թի­նը, ինչ­պէս նաեւ Ատր­պէյ­ճա­նի յար­ձա­կո­ղա­պաշտ քա­ղա­քա­կա­նու­թիւ­նը Ար­ցա­խի վրայ, ա­պօ­րի­նի ներ­խու­ժու­մը եւ հայ բնակ­չու­թեան բռնի տե­ղա­հա­նու­մը իր օ­ճա­խէն։ Ան յայտ­նեց իր հա­կա­ռա­կու­թիւ­նը ռազ­մա­կան գոր­ծո­ղու­թիւն­նե­րուն հան­դէպ եւ դա­տա­պար­տեց մի­ջազ­գա­յին ըն­տա­նի­քի մեղ­սա­կից լռու­թիւ­նը։ ­Յայ­տա­րու­թեան մէջ կը նշո­ւի, թէ կու­սակ­ցու­թիւ­նը միշտ կանգ­նած է հայ ժո­ղո­վուր­դի եւ ա­նոր ար­դար ի­րա­ւունք­նե­րու կող­քին։