Նախկին վարչապետ Քոսթաս Սիմիթիսի մահը

­Կի­րա­կի, 5 ­Յու­նո­ւա­րի ա­ռա­ւօ­տուն, իր վեր­ջին շուն­չը ձգեց ­Յու­նաս­տա­նի նախ­կին վար­չա­պետ ­Քոս­թաս ­Սի­մի­թիս, 88 տա­րե­կա­նին։ Ան ­Կորն­թո­սի հի­ւան­դա­նո­ցը փո­խադ­րո­ւե­ցաւ, սա­կայն բժիշկ­նե­րը չկա­րո­ղա­ցան իր կեան­քը փրկել։
­Քոս­թաս ­Սի­մի­թիս պաշ­տօ­նա­վա­րեց որ­պէս ­Յու­նաս­տա­նի ­Հան­րա­պե­տու­թեան վար­չա­պետ 1996-էն մին­չեւ 2004։
Ծ­նած էր ­Փի­րէա, 1936-ին։ Իր բարձ­րա­գոյն ու­սու­մը կա­տա­րեց ­Գեր­մա­նիոյ եւ Անգ­լիոյ մէջ, հե­տե­ւե­լով ի­րա­ւա­բա­նու­թեան եւ տնտե­սա­գի­տու­թեան ճիւ­ղե­րուն։ Ան եր­կար տա­րի­ներ դա­սա­ւան­դեց գեր­մա­նա­կան եւ յու­նա­կան հա­մալ­սա­րան­նե­րու մէջ։
­Յու­նաս­տա­նի բռնա­տի­րա­կան շրջա­նին, ար­տա­սահ­մա­նէն մաս­նակ­ցե­ցաւ ընդ­դի­մադ­րու­թեան պայ­քա­րին, ա­պա բազ­միցս ընտ­րո­ւե­ցաւ ­Յու­նաս­տա­նի խորհրդա­րա­նի ե­րես­փո­խան եւ զբա­ղե­ցուց նա­խա­րա­րա­կան պաշ­տօն­ներ։
Իր վար­չա­պե­տու­թեան օ­րով դե­րա­կա­տարը ե­ղաւ շարք մը ու­շագ­րաւ ի­րա­գոր­ծում­նե­րու, ինչ­պի­սին էին ­Յու­նաս­տա­նի մուտ­քը եւ­րո­յի հա­սա­րա­կաց դրա­մա­նի­շի դրու­թեան մէջ, Ա­թէն­քի Ո­ղիմ­պիա­կան մրցում­նե­րու քո­ւէար­կու­թեան ար­դիւն­քը, մեծ թի­ւով կա­րե­ւոր հան­րա­յին շի­նու­թիւն­նե­րը, ինչ­պէս նաեւ ­Կիպ­րո­սի մուտ­քը Եւ­րո­պա­կան միու­թեան ըն­տա­նի­քէն ներս։ ­Նաեւ, ար­ձա­նագ­րե­լի են քիւրտ ղե­կա­վար Ապ­տու­լահ Օ­չա­լա­նի խնդի­րը եւ ­Թուր­քիոյ կող­մէ հրահ­րո­ւած՝ Ի­միա կղզիի մի­ջա­դէ­պը, որ ռազ­մա­կան փա­խու­մի նա­խա­շե­մին հաս­ցուց եր­կու եր­կիր­նե­րը։
Յի­շա­տա­կու­թեան ար­ժա­նի է, թէ ­Քոս­թաս ­Սի­մի­թի­սի վար­չա­պե­տու­թեան օ­րով, 1996-ին, ­Յու­նաս­տա­նի խորհր­դա­րա­նը վա­ւե­րա­ցուց ­Հա­յոց ցե­ղաս­պա­նու­թեան բա­նա­ձե­ւը, որ այ­նու­հե­տեւ պե­տա­կան օ­րէն­քի ուժ ստա­ցաւ։
Հ.Յ.Դ. ­Յու­նաս­տա­նի ­Հայ դա­տի յանձ­նա­խում­բի հե­տե­ւո­ղա­կան ջան­քե­րով, այն օ­րո­ւան «­Քա­ղա­քա­կան գա­րուն» կու­սակ­ցու­թեան ղե­կա­վար եւ հե­տա­գա­յին վար­չա­պետ Ան­տո­նիս ­Սա­մա­րա­սին կող­մէ օ­րի­նա­գի­ծը ներ­կա­յա­ցո­ւե­ցաւ խորհրդա­րան եւ ստա­ցաւ քա­ղա­քա­կան ու­ժե­րու հա­մամ­տու­թիւ­նը։ Այդ ժա­մա­նա­կէն ի վեր, ­Հա­յոց ցե­ղաս­պա­նու­թեան նշու­մը պաշ­տօ­նա­պէս կը կա­տա­րո­ւի յու­նա­կան պե­տու­թեան հո­վա­նա­ւո­րու­թեան տակ եւ պե­տա­կան ու կա­ռա­վա­րա­կան պաշ­տօ­նա­տար ան­ձե­րու մաս­նակ­ցու­թեամբ։
­Նախ­կին վար­չա­պե­տի մա­հո­ւան կա­պակ­ցու­թեամբ, Հ.Յ.Դ. ­Հայ դա­տի յանձ­նա­խում­բը ցա­ւակ­ցա­կան գիր յղեց հան­գու­ցեա­լի ըն­տա­նի­քին։