­Մի­ջին­քի սի­րոյ սե­ղան Ա­թէն­քի մէջ

­Նա­խա­գա­հու­թեամբ ­Յու­նաս­տա­նի ­Հա­յոց թե­մի ա­ռաջ­նորդ Տ. ­Սա­հակ եպս. Ե­մի­շեա­նի, ­Կի­րա­կի, 23 ­Մարտ 2025-ին, Աթէնքի Ս. Գրիգոր Լուսաւորիչ մայր եկեղեցւոյ սրահին մէջ, սուրբ եւ ան­մահ պա­տա­րա­գէն ետք, տե­ղի ու­նե­ցաւ ­Մի­ջին­քի ա­ւան­դա­կան ճաշ­կե­րոյ­թը:
­Սուրբ պա­տա­րա­գին հան­դի­սա­պե­տեց ու յա­ւուր պատ­շա­ճի քա­րո­զեց Սր­բա­զան հայ­րը: Տն­տե­սին ա­ռա­կը վե­րառ­նե­լով, ո­րուն յի­շա­տա­կու­թեան օրն էր, Սր­բա­զա­նը խօ­սե­ցաւ ա­ռա­կէն ե­կող պատ­գամ­նե­րու մա­սին: Իր խօս­քին մէջ Ա­ռաջ­նոր­դը դի­տել տուաւ, թէ ա­մէն մարդ իր ու­նե­ցած շնորհնք­նե­րը, կա­րո­ղու­թիւն­նե­րը պէտք է օգ­տա­գոր­ծէ ու­րի­շին օգ­տա­կար դառ­նա­լու հա­մար, ինչ­պէս կա­տա­րեց ա­նի­րաւ տնտե­սը:
­Հո­գե­պա­րար ա­րա­րո­ղու­թեան յա­ջոր­դեց սի­րոյ սե­ղա­նը, որ կազ­մա­կեր­պո­ւած էր ­Սուրբ Գ­րի­գոր ­Լու­սա­ւո­րիչ ե­կե­ղեց­ւոյ Տիկ­նանց մարմնոյ կող­մէ:
Ա­ռաջ­նորդ Սր­բա­զան հայ­րը օրհ­նեց սե­ղա­նը եւ ող­ջու­նեց ներ­կա­նե­րը: Ա­պա, ող­ջոյ­նի խօս­քով հան­դէս ե­կաւ նաեւ հո­գա­բար­ձու­թեան ա­տե­նա­պե­տու­հի Է­ֆի ­Չո­պա­նեան: ­Ներ­կա­նե­րը մեծ խան­դա­վա­ռու­թեամբ վա­յե­լե­ցին մտեր­միկ մթնո­լոր­տը, որ զար­դա­րուե­ցաւ նո­ւէր­նե­րու բաշ­խու­մով:
­Ճաշ­կե­րոյ­թի ըն­թաց­քին Ա­ռաջ­նորդ Սր­բա­զա­նը ըն­թեր­ցեց ­Հայ­րա­պե­տա­կան կոն­դա­կը՝ Ա­թէն­քի հո­գե­ւոր հո­վիւ Տ . Եզ­րաս վրդ. ­Թէ­նէ­քէ­ճեա­նին շնոր­հե­լով վար­դա­պե­տա­կան լան­ջա­խաչ կրե­լու ի­րա­ւունք եւ այս ա­ռի­թով նո­ւի­րեց ա­կա­նա­կուռ լան­ջա­խաչ մը:
Ա­ւար­տին, Ա­ռաջ­նորդ սրբա­զան հայ­րը իր գնա­հա­տա­կան խօս­քը ուղ­ղեց ­Տիկ­նանց մարմնոյ ան­դամ­նե­րուն, ո­րոնք ան­շա­հախն­դիր ձե­ւով ա­մէն ջանք ի գործ կը դնեն ե­կե­ղեց­ւոյ պայ­ծա­ռու­թեան հա­մար:

ԹՂԹԱԿԻՑ