Հ.Կ.Խ.-ի «­Ճէ­նա­զեան» ազ­գա­յին միջ­նա­կարգ վար­ժա­րա­նը

­Պա­տա­նե­կու­թիւն. բո­լո­րիս յայտ­նի է, որ­քան կա­րե­ւոր հանգ­րո­ւան մըն է մար­դու կեան­քի ըն­թաց­քին:
Այն տա­րի­քը, երբ ե­րա­խան կը դադ­րի ե­րա­խայ ըլ­լա­լէ. երբ կը պայ­քա­րի յայտ­նա­բե­րե­լու հա­մար իր ինք­նու­թիւ­նը, ձիր­քե­րը, ու­նա­կու­թիւն­ներն ու իւ­րա­յատ­կու­թիւն­նե­րը. երբ ինք­զինք կը փոր­ձէ եւ կ­՚ըմ­բոս­տա­նայ իր կեան­քի բո­լո՛ր «մե­ծե­րուն» եւ «հի­նե­րուն» դէմ, որ­պէս­զի ստեղ­ծէ նոր ի­րա­կա­նու­թիւն, նոր կեանք: Ո՜ր­քան մար­տահ­րա­ւէր­ներ կը ցցո­ւին ա­նոր առ­ջեւ, մին­չեւ որ ան ինք­նավս­տա­հու­թեամբ բա­նայ իր թե­ւե­րը եւ իբ­րեւ չա­փա­հաս, նո­ւա­ճէ իր ե­րա­զած գա­գաթ­նե­րը, ո՛չ միայն ան­հա­տա­կան, այ­լեւ հա­ւա­քա­կան, ըն­կե­րա­յին գետ­նի վրայ:
­Մեր ­Վար­ժա­րա­նը կը հան­դի­սա­նայ ա՛յն վայ­րը, ուր այս բո­լո­րը տե­ղի կ­՚ու­նե­նան ա­մե­նաա­պա­հով կեր­պով եւ լա­ւա­գոյն հո­գա­տա­րու­թեամբ: ­Մեր պա­տա­նի­նե­րը այս յար­կին տակ կը շա­րու­նա­կեն մնալ ի­րենց երկ­րորդ տան մէջ, ամ­րապն­դե­լով ի­րենց հա­յու ինք­նու­թիւ­նը եւ միա­ժա­մա­նակ ստա­նա­լով ա­մէն տե­սա­կի պա­շար, որ­պէս­զի ա­նոնք դառ­նան եր­ջա­նիկ եւ ինք­նա­ճա­նաչ, ա­ռա­քի­նի եւ յանձ­նա­ռու չա­փա­հաս­ներ, հա­մա­մարդ­կա­յին եւ ազ­գա­յին բարձր ար­ժէք­նե­րով օժ­տո­ւած:
Կր­թա­կան նա­խա­րա­րու­թեան կող­մէ սահ­մա­նո­ւած եւ հա­յե­ցի կրթու­թեան ծրա­գիր­նե­րէն ան­դին, մենք կ­՚ի­րա­կա­նաց­նենք բազ­մա­պի­սի ստեղ­ծա­րար ծրա­գիր­ներ, նո­րա­րար մե­թոտ­նե­րով ու ա­րո­ւես­տա­գի­տա­կան այժ­մէա­կան մի­ջոց­նե­րով. բնա­պահ­պա­նա­կան, ըն­կե­րա­յին ծա­ռա­յու­թեան, մշա­կու­թա­յին, պատ­մա­կան եւ գի­տա­կան մեծ ու փոքր ծրա­գիր­ներ, ո­րոնք ու­սում­նա­կան տա­րո­ւան ըն­թաց­քին նոր հո­րի­զոն­ներ կը բա­նան պա­տա­նի­նե­րուն դի­մաց: Ա­թէն­քի քա­ղա­քա­պե­տա­րա­նի ծա­ռա­յու­թեանց հետ հա­մա­գոր­ծակ­ցե­լով, մեր պա­տա­նի­նե­րուն հա­մար հո­գե­կան ամ­րապնդ­ման, ինչ­պէս նաեւ մաս­նա­գի­տաց­ման կողմ­նո­րոշ­ման աշ­խա­տա­նոց­ներ կը կազ­մա­կեր­պենք: ­Յու­նա­կան Ու­սո­ղու­թեան Ըն­կե­րու­թեան հետ հա­մա­գոր­ծակ­ցե­լով, ա­մէն տա­րի մեր դպրո­ցը քննչա­կան կեդ­րոն կը դառ­նայ «­Թա­լիս» եւ «­Պիւ­թա­գո­րաս» մրցոյթ­նե­րուն հա­մար, ո­րոնց մեր ա­շա­կերտ­նե­րը յա­ջո­ղու­թիւն­ներ կ­՚ար­ձա­նագ­րեն: Ե­րե­կո­յեան մեր դաս­տիա­րակ­չա­կան խմբակ­նե­րը, ա­ռի­թը կու տան մեր պա­տա­նի­նե­րուն զբա­ղե­լու հայ­կա­կան ա­ւան­դա­կան եր­գով, պա­րով, «Ա­զատ Օր»-ի «­Մենք» թեր­թի­կի խմբագ­րու­թեամբ, թատ­րո­նով: ­Կը կազ­մա­կեր­պենք բազ­մա­պիսի դաս­տիա­րակ­չա­կան այ­ցե­լու­թիւն­ներ, ե­ռօ­րեայ ար­շաւ­ներ, ինչ­պէս նաեւ մեր շրջա­նա­ւարտ­նե­րուն հա­մար եօթ­նօ­րեայ ուխ­տագ­նա­ցու­թիւ­նը դէ­պի ­Հա­յաս­տան, ուր ա­նոնք ա՛լ ա­ւե­լի լաւ կը գի­տակ­ցին ի­րենց գան­ձին՝ բո­լո­րիս կտա­կո­ւած հնա­դա­րեայ ան­գին ժա­ռան­գու­թեան: Ծ­նող­նե­րուն հա­մար յա­տուկ մաս­նա­գի­տա­կան դա­սըն­թացք­ներ կը կազ­մա­կեր­պենք: Ա­մէն ա­ռի­թով կը ստեղ­ծենք ու­րախ եւ հա­ճե­լի պա­հեր, մի­ջո­ցա­ռում­նե­րով, ա­նակն­կալ­նե­րով, հայ­կա­կան ա­ւան­դոյթ­նե­րու մէ­ջէն խա­ղա­լով, հայ­կա­կան ճաշ պատ­րաս­տել սոր­վե­լով…
­Զարկ կու տանք նաեւ մեր պա­տա­նի­նե­րու նա­խա­ձեռ­նող ըլ­լա­լու հան­գա­ման­քին: ­Մեր ա­շա­կերտ­նե­րը կը կազ­մա­կեր­պեն պա­րա­հան­դէս­ներ, հա­մերգ­ներ, տօ­նա­վա­ճառ… Ի­րենց յոյն տա­րե­կից­նե­րուն կը ներ­կա­յաց­նեն մեր ազ­գը, դառ­նա­լով ա­նոր դես­պան­նե­րը: ­Հա­գուստ ու անհ­րա­ժեշտ ի­րե­ղէն­ներ կը հա­ւա­քեն ու կը նո­ւի­րեն ըն­կե­րա­յին ծա­ռա­յու­թիւն­նե­րու եւ ­Կազ­մա­կեր­պու­թիւն­նե­րու: ­Մեր բան­ջա­րա­նո­ցը կը խնա­մեն, դպրո­ցի ցան­կա­պատն ու մար­զա­դաշ­տը կը զար­դա­րեն…
­Սի­րե­լի՛ ծնող­ներ,
Ա­ռի­թը տո­ւէք ձեր զա­ւակ­նե­րուն օգ­տո­ւե­լու մեր բո­լո­րիս տա­քուկ բոյ­նէն՝ ­Հայ­կա­կան ­Միջ­նա­կարգ ­Վար­ժա­րա­նէն, եւ վստահ ե­ղէք, որ տնօ­րէ­նու­թիւնն ու ամ­բողջ անձ­նա­կազ­մը ձեր կող­քին պի­տի ըլ­լան: Այ­ցե­լե­ցէք նաեւ մեր կայ­քէ­ջը, ուր կը տես­նէք մեր գոր­ծու­նէու­թիւ­նը՝ http://gym-aks.att.sch.gr/index.php
Կապուեցէք մեզի, որեւէ տեղեկութեան համար, հետեւեալ հեռաձայնի թիւին՝ 2109349537։

ԱՐՇԱԼՈՅՍ ՍԱՓՐԻՉԵԱՆ
Տնօրէնուհի Հ.Կ.Խ. «Ա. եւ Ժ. ՃԷՆԱԶԵԱՆ»
ազգային միջնակարգի