18 Դեկտեմբերին, Յունաստանի մէջ Հ.Հ. դեսպանութիւն այցելեցին Աթէնքի Հ.Կ.Խաչի «Ազնիւ եւ Ժիրայր Ճէնազեան» միջնակարգ ազգային վարժարանի աշակերտները՝ ուսուցչական անձնակազմի եւ դպրոցի տնօրէնութեան ուղեկեցութեամբ։ Հ.Հ. դեսպան Տիգրան Մկրտչեան ողջոյնի խօսքեր յղեց վարժարանի աշակերտներուն` մաղթելով ուսման մէջ բազմաթիւ յաջողութիւններ, իսկ աւարտական դասարանի աշակերտներուն՝ նորանոր ձեռքբերումներ բարձրագոյն ուսումնական հաստատութիւններուն մէջ ուսումը շարունակելու ընթացքին։ Դեսպանը ողջունեց կրթօջախի տնօրէնութեան նախաձեռնութիւնը ամէն տարի աշակերտներու այցեր Հայաստան կազմակերպելու առնչութեամբ եւ ընդգծեց միասնականութեան կարեւորութիւնը պետութեան ամրապնդման գործին մէջ: Պատանիները ներկայացուցին հայկական ժողովրդական պարեր, երգեր, ասմունքներ։
«Ազնիւ եւ Ժիրայր Ճէնազեան» միջնակարգ դպրոցը դեսպանութեան նուիրեց ձիթենիի ծառ մը, որը կը խորհրդանշէ խաղաղութիւն՝ դպրոցականներու իւրայատուկ մաղթանքներով, որը պիտի տնկուի դեսպանութեան բակին մէջ։
ԳԼԽԱՒՈՐ ԷՋ ԳԱՂՈՒԹԱՅԻՆ Գաղութային կեանք Հ.Կ.Խաչի «Ազնիւ եւ Ժիրայր Ճէնազեան» միջնակարգ վարժարանի աշակերտները այցելեցին Հ.Հ. դեսպանին