­Հայ դպրոց­նե­րուն ա­ռա­ւե­լու­թիւն­նե­րը

­Հայ դպրո­ցը իր հզօր դե­րը ու­նի մեր հա­ւա­քա­կան եւ ազ­գա­յին կեան­քին մէջ: Ս­փիւռ­քի մէջ պէտք է միշտ ապ­րի հա­յը, հա­յու ո­գին, հայ լե­զուն ու մշա­կոյ­թը:
­Հայ դպրո­ցը իր ա­ռա­ւե­լու­թիւն­նե­րով, իր ո­րա­կով, իր ա­պա­հով, ըն­տա­նե­կան մի­ջա­վայ­րով եւ իր ըն­ծա­յած բարձ­րո­րակ կրթու­թիւ­նով հայ մա­նու­կին «երկ­րորդ տուն»ն­ է: Ան նո­ւի­րա­կան հաս­տա­տու­թիւնն է, ո­րուն մթնո­լոր­տը իր հզօր ազ­դե­ցու­թեամբ կը ներշն­չէ հայ մա­նու­կին պատ­կա­նե­լիու­թեան զգա­ցու­մը, ազ­գա­յին դի­մա­գի­ծին ու ժա­ռան­գու­թեան գի­տա­կից ճա­նա­չումն ու հպար­տու­թիւ­նը:
Ս­փիւռ­քի մէջ հայ դպրո­ցին հիմ­նա­կան ա­ռա­քե­լու­թիւն­նե­րէն մէ­կը հա­յակր­թու­թեան ու հա­յե­ցի դաս­տիա­րա­կու­թեան ար­դիւ­նա­ւո­րումն է: Ա­շա­կերտ­նե­րը կը սոր­վին ի­րենց մայ­րե­նի լե­զուն, հա­յոց պատ­մու­թիւ­նը, մշա­կոյթն ու ա­ւան­դու­թիւն­նե­րը, հայ ա­ղօթք­ներն ու եր­գե­րը: Այս ձե­ւով կը բարձ­րա­նայ ի­րենց ինք­նավս­տա­հու­թիւ­նը ու ա­ւե­լի ա­մուր կա­պեր կը հաս­տա­տեն մշա­կու­թա­յին ժա­ռան­գու­թեան եւ ար­ժէք­նե­րուն հետ:
­Նաեւ, ա­ռա­ւե­լու­թիւն­նե­րէն մէկն է հա­յե­րէ­նի եւ յու­նա­րէ­նի ու­սու­ցու­մը, որ կը հարս­տաց­նէ ու­սա­նող­նե­րու լե­զո­ւա­կան հմտու­թիւն­նե­րը: Այս ձե­ւով, երկ­լե­զու ա­շա­կերտ­նե­րը ա­ւե­լի մեծ դիւ­րու­թեամբ կը սոր­վին զա­նա­զան լե­զու­ներ ու կը նա­խա­պատ­րաս­տո­ւին բազ­մա­լե­զու ու բազ­մամ­շա­կու­թա­յին հա­սա­րա­կու­թեան:
­Հայ­կա­կան վար­ժա­րան­նե­րը ո­րա­կա­ւոր դպրոց­ներ են ու կը շնոր­հեն ե­րե­խա­նե­րուն ոչ միայն հա­յե­ցի դաս­տիա­րա­կու­թիւն այլ բազ­մա­կող­մա­նի ու բարձ­րո­րակ կրթու­թիւն նո­րա­րար ման­կա­վար­ժա­կան մի­ջոց­նե­րով, որ­պէս­զի ինք­նավս­տա­հու­թեամբ ու լաւ պա­շա­րո­ւած կեր­տեն ի­րենց ա­պա­գան եւ երկ­լե­զո­ւու­թիւ­նը հարստու­թիւն նկա­տեն: ­Նոր ու ժա­մա­նա­կա­կից ման­կա­վար­ժա­կան մօ­տե­ցում­նե­րով եւ ծրա­գիր­նե­րով մա­նուկ­նե­րը կը ստեղ­ծա­գոր­ծեն, ի­րենց շրջա­պա­տին կը ծա­նօ­թա­նան , ապ­րում­ներ եւ գի­տե­լիք­ներ կը ստա­նան: Այս ձե­ւով ի­րենց աշ­խար­հա­հա­յեաց­քը կ­՚ընդ­լայ­նեն եւ հա­մա­մարդ­կա­յին ընդ­հա­նուր գի­տու­թիւ­նը կը զար­գաց­նեն:
Կր­թա­րան­նե­րուն նաեւ հիմ­նա­կան ա­ռա­քե­լու­թիւն­նե­րէն մէկն է մա­նուկն ու պա­տա­նին գի­տակ դարձ­նե­լու մտա­ւոր եւ բա­րո­յա­կան զար­գաց­ման եւ ա­ռօ­րեայ կեան­քի պայ­քա­րին պատ­րաս­տո­ւե­լու կա­րե­ւո­րու­թեան: Ըն­տիր դաս­տիա­րա­կու­թեան կա­րե­ւոր տար­րերն են լա­ւա­գոյն նկա­րագ­րի կազ­մու­թիւ­նը, պա­տաս­խա­նա­տո­ւու­թեան զգա­ցու­մի գի­տակ­ցու­թեան ջամ­բու­մը, փո­խա­դարձ յար­գան­քը եւ գի­տու­թեան ու ծա­նօ­թու­թեան ու­սու­ցու­մը: Այս բո­լո­րը կը նպաս­տեն պա­տաս­խա­նա­տու քա­ղա­քա­ցի­նե­րու ստեղծ­ման:
­Հայ­կա­կան դպրոց­նե­րը կը գոր­ծեն որ­պէս կեդ­րոն­ներ ո­րոնք կը հարս­տաց­նեն տե­ղա­կան մշա­կոյ­թը ու կը միա­ւո­րեն հայ հա­մայն­քը՝ ամ­րապն­դե­լով կա­պե­րը ան­դամ­նե­րուն մի­ջեւ եւ խթա­նե­լով հա­մե­րաշ­խու­թիւնն ու ա­ջակ­ցու­թիւ­նը:
Եզ­րա­փա­կե­լով, հայ­կա­կան դպրոց­նե­րը կրթու­թեան, ազ­գա­յին ինք­նու­թեան ու մշա­կոյ­թի զար­գաց­ման եւ հա­յա­պահ­պան­ման հիմ­նա­սիւն­ներն են: ­Հայ­կա­կան կրթօ­ճախ­նե­րը կան­գուն պա­հե­լով մեր ազ­գա­յին ու մշա­կու­թա­յին ժա­ռան­գու­թիւ­նը եւ լե­զուն հա­մա­տե­ղե­լով ժա­մա­նա­կա­կից հա­սա­րա­կու­թեան պա­հանջ­նե­րուն հետ մեր ազ­գը կան­գուն կը պա­հենք :

ՎԻՔԹՈՐԻԱ ՄԱՂԱՔԵԱՆ
Տ­նօ­րէ­նու­հի Հ.Կ.Խ «Լ.եւ Ս.­Յա­կո­բեան»
ազ­գա­յին. վար­ժա­րա­նի