Լոյս տեսաւ «Արմենիքա» պարբերաթերթի նոր թիւը

Ըն­թեր­ցող­նե­րու տրա­մադ­րու­թեան տակ ար­դէն կը գտնո­ւի յու­նա­լե­զու «Ար­մե­նի­քա» պար­բե­րա­թեր­թի ­Մա­յիս-­Յու­լիս 2025-ի նոր թի­ւը։ Այս ան­գամ եւս պար­բե­րա­թեր­թը կը ներ­կա­յա­նայ ճոխ բովանդակու­թեամբ եւ ազ­գա­յին, քա­ղա­քա­կան ու պատ­մա­կան այ­լա­զան նիւ­թե­րու տա­րո­ղու­թեամբ։
Խմ­բագ­րա­կա­նի տո­ղե­րուն մէջ ար­ձա­գանգ գտած է Ո­ւա­շինկ­թը­նի մէջ կնքո­ւած ե­ռա­կողմ նա­խա­պայ­մա­նագ­րի ստո­րագ­րու­թիւ­նը՝ «յո՞յս, կա՞մ խաբ­կանք» խո­րա­գի­րով, ուր քննարկ­ման կ­՚են­թար­կո­ւի ­Հա­յաս­տա­նի իշ­խա­նու­թեան կող­մէ ար­տա­յայ­տո­ւած լա­ւա­տե­սու­թիւ­նը, եւ հար­ցա­կան­նե­րու շար­քով մը փորձ կ­՚ըլ­լայ ի­րա­տե­սա­կան հի­մե­րու վրայ տես­նել տա­րածա­շրջա­նէն ներս փխրուն խա­ղա­ղու­թեան հաս­տա­տու­մը։ ­Նոյն նիւ­թով ըն­թեր­ցո­ղին կը հրամ­ցո­ւին քա­ղա­քա­կան վեր­լու­ծու­թիւն­ներ։
«­Հա­յաս­տան հա­մա­հայ­կա­կան հիմ­նադ­րա­մի» մա­սին հար­ցազ­րոյց մը կը վե­րա­բե­րի կա­ռոյ­ցի ծրա­գիր­նե­րուն մա­սին։ Այլ հար­ցազ­րոյց­ներ եւս կու գան ճո­խաց­նե­լու տե­ղե­կա­տո­ւա­կան բա­ժին­նե­րը եւ շա­հե­կան նիւ­թե­րը:
­Հե­տաքրք­րա­կան է ­Նու­պա­րեան գրա­դա­րա­նին մա­սին ակ­նար­կը եւ ­Մա­լե­սիոյ հա­յու­թեան շուրջ պատ­մա­կան նշում­նե­րը։ «­Յու­շա­մա­տեան» կայ­քէ­ջի վկա­յու­թիւն­նե­րու շար­քին, տեղ տրո­ւած է ­Հեն­րիկ ­Պե­տո­յեա­նի կեան­քին ու ո­դի­սա­կա­նին մա­սին։ ­Յա­տուկ անդ­րա­դարձ կ­՚ըլ­լայ Հ.Յ.Դ. ­Հայ դա­տի յանձ­նա­խում­բի գոր­ծակ­ցու­թեամբ հան­րա­ծա­նօթ «Η Μηχανή του Χρόνου» տե­սա­նիւ­թե­րու շար­քին՝ նո­ւի­րո­ւած ­Հա­յոց ցե­գաս­պա­նու­թեան։
­Տար­բեր նիւ­թե­րով եւ հա­րուստ բո­վան­դա­կու­թեամբ հայ­կա­կան պատ­մա­կան նշումները կը գրա­ւեն ըն­թեր­ցո­ղի ու­շադ­րու­թիւ­նը։ ­Նաեւ ար­ձա­գանգ գտած են գա­ղու­թա­յին կա­րե­ւոր ի­րա­գոր­ծում­ներ ու ե­լոյթ­ներ, մար­զա­կան լու­րեր, հայ­րե­նի եւ սփիւռ­քեան անդ­րա­դար­ձե­րու ստո­ւար պա­րու­նա­կու­թիւն մը։
­Նոր թի­ւը ստա­նա­լու հա­մար կա­րե­լի է դի­մել պար­բե­րա­թեր­թի խմբագ­րու­թեան կամ «Ա­զատ Օր»-ի գրա­սե­նեա­կը։