Աւագ Շաբաթը Թեսաղոնիկէի մէջ (Նկարներ)

­Տա­սը կու­սա­նաց
​Ա­ւագ Ե­րեք­շաբ­թի, 15 Ապ­րիլ 2025-ին, ե­րե­կո­յեան ժա­մը 07:00-ին, ­Թե­սա­ղո­նի­կէի Ս. Աս­տո­ւա­ծա­ծին ե­կե­ղեց­ւոյ մէջ տե­ղի ու­նե­ցաւ «­Տա­սը ­Կու­սա­նաց» յի­շա­տա­կի ժա­մեր­գու­թիւ­նը, որ նո­ւի­րո­ւած է ­Յի­սու­սի երկ­րորդ գա­լուս­տի խոր­հուր­դին, մաս­նակ­ցու­թեամբ՝ ­Թե­սա­ղո­նի­կէի հա­ւա­տա­ցեալ ժո­ղո­վուր­դին։
​­Նա­խա­գա­հու­թեամբ շրջա­նիս հո­գե­ւոր հո­վիւ Ե­ղիա վրդ. ­Մալ­խա­սեա­նին եւ ըն­կե­րակ­ցու­թեամբ ե­կե­ղեց­ւոյ սար­կա­ւագ­նե­րուն, կա­տա­րո­ւե­ցաւ Ե­րե­կո­յեան ժա­մեր­գու­թիւն, ո­րուն ըն­թաց­քին տե­ղի ու­նե­ցան ա­ղօթք­ներ, մաղ­թանք­ներ եւ Աս­տո­ւա­ծաշն­չա­կան ու Ա­ւե­տա­րա­նա­կան ըն­թեր­ցում­ներ: ­Բա­րե­պաշտ հայ աղ­ջիկ­նե­րը, իբ­րեւ խորհր­դա­նիշ տա­սը կոյ­սե­րուն, ի­րենց ձեռ­քե­րուն մէ­կա­կան մո­մե­րով կանգ­նե­ցան Ս. ­Խո­րա­նին դի­մաց:
​Ա­ւար­տին, հայր սուր­բը օ­րո­ւան Ա­ւե­տա­րա­նա­կան հա­տո­ւա­ծը բա­ցատ­րեց  եւ շնոր­հա­ւո­րեց ա­նոնց ծնող­նե­րը՝ մաղ­թե­լով, որ ա­նոնք երբ մեծ­նան յի­շեն այս գե­ղե­ցիկ օ­րը եւ ի­րենց կար­գին ու­րիշ­նե­րուն բա­րի օ­րի­նակ դառ­նան:

Ս. ­Հա­ղոր­դու­թեան պա­տա­րագ
​Ա­ւագ ­Հինգ­շաբ­թի, 17 մա­տու­ցո­ւե­ցաւ ս. եւ ան­մահ պա­տա­րագ ո­րու ա­ւար­տին հա­ւա­տա­ցեալ­նե­րը ստա­ցան Ս. ­Հա­ղոր­դու­թիւն: Ե­կե­ղեց­ւոյս «­Տիկ­նանց» միու­թեան ան­դա­մու­հի­նե­րը կազ­մա­կեր­պած էին պատ­շաճ հիւ­րա­սի­րու­թիւն՝ ե­կե­ղեց­ւոյ շրջա­փա­կէն ներս:

Ոտն­լո­ւա­յի ա­րա­րո­ղու­թիւն
­Նոյն օ­րո­ւան ե­րե­կո­յեան, նա­խա­գա­հու­թեամբ ­Թե­միս բա­րե­ջան ա­ռաջ­նորդ ­Սա­հակ եպս. Ե­մի­շեա­նի, կա­տա­րո­ւե­ցաւ Ոտն­լո­ւա­յի ա­րա­րո­ղու­թիւ­նը, ներ­կա­յու­թեամբ հա­ւա­տա­ցեալ­նե­րու հոծ բազ­մու­թեան: Ա­ւե­լի քան 12 պա­տա­նի­ներ, ե­րե­խա­ներ, ե­րի­տա­սարդ­ներ եւ տա­րեց­ներ կա­մա­ւոր կեր­պով ե­կած էին ե­կե­ղե­ցի՝ ի­րենց ոտ­քե­րը լո­ւալ տա­լու հա­մար:
​Սր­բա­զան հայ­րը ե­րե­խա­նե­րուն խօ­սե­ցաւ խո­նար­հու­թեան եւ հե­զու­թեան մա­սին, իբ­րեւ գե­րա­գոյն օ­րի­նակ բե­րե­լով ­Յի­սուս Ք­րիս­տո­սը: Ան շնոր­հա­ւո­րեց ծնող­նե­րը, ո­րոնք ի­րենց զա­ւակ­նե­րուն քայ­լե­րը կ­‘ուղ­ղեն դէ­պի ե­կե­ղե­ցի ու յոր­դո­րեց բո­լո­րը նոյն բա­րի օ­րի­նա­կին հե­տե­ւե­լով ի­րենց զա­ւակ­նե­րը ա­ռաջ­նոր­դել ե­կե­ղե­ցի:

­Խա­ւար­ման գի­շեր
​Ե­րե­կո­յեան ժա­մը 08:30-ին, տե­ղի ու­նե­ցաւ մեր ­Տի­րոջ եւ Փր­կի­չին՝ ­Յի­սուս Ք­րիս­տո­սի ­Չար­չա­րանք­նե­րուն, ­Խա­չե­լու­թեան, ­Խա­ւար­ման ­Գի­շե­րո­ւան սրտա­ռուչ ա­րա­րո­ղու­թիւ­նը, նա­խա­գա­հու­թեամբ Ա­ռաջ­նորդ սրբա­զան հօր, ըն­կե­րակ­ցու­թեամբ հո­գե­ւոր հո­վի­ւին ու սար­կա­ւագ­նե­րուն եւ ներ­կա­յու­թեամբ հա­ւա­տա­ցեալ­նե­րու բազ­մու­թեան:
​ «­Փառք Ի ­Բար­ձունս»ի ըն­թաց­քին, ե­կե­ղեց­ւոյ բո­լոր ջա­հե­րը մա­րե­ցան եւ հո­գե­պա­րար ու խորհր­դա­ւոր պա­հուն լսո­ւե­ցաւ «Ո՞ւր Ես ­Մայր Իմ» խա­չե­լու­թեան տա­ղը, Ա­ռաջ­նորդ Սր­բա­զան հօր եւ սո­լիստ սոփ­րա­նօ տիկ. ­Սի­րան ­Ջա­լի­քեա­նի կա­տա­րո­ղու­թեամբ:
​­Պա­րու­րո­ւած հո­գի­ներն ու սիր­տե­րը գօ­տեպն­դեց Սր­բա­զան հայ­րը իր քա­րո­զով, օ­րո­ւան խոր­հուրդն ու պատ­գա­մը փո­խան­ցե­լով բո­լո­րին:

­Թաղ­ման կարգ եւ հան­դի­սա­ւոր թա­փօր
​Ա­ւագ Ուր­բաթ, 18 Ապ­րի­լի ե­րե­կո­յեան, կա­տա­րո­ւե­ցաւ Ք­րիս­տո­սի ­Թաղ­ման կար­գը, նա­խա­գա­հու­թեամբ Սր­բա­զան հօր եւ ըն­կե­րակ­ցու­թեամբ հո­գե­ւոր հո­վի­ւին ու սար­կա­ւագ­նե­րուն եւ ներ­կա­յու­թեամբ հա­ւա­տա­ցեալ ժո­ղո­վուր­դին: ​Ա­ւար­տին, տա­րի­նե­րու սո­վո­րու­թեան հա­մա­ձայն, տե­ղի ու­նե­ցաւ հան­դի­սա­ւոր թա­փօր եւ հան­դի­պում յոյն ուղ­ղա­փառ մօ­տա­կայ ե­կե­ղեց­ւոյ հան­դի­սա­ւոր թա­փօ­րին։ ​

Ս. ­Յա­րու­թեան տօն
Ա­ւագ ­Շա­բաթ, 19 Ապ­րի­լի ե­րե­կո­յեան, ե­ղի ու­նե­ցաւ Ճ­րա­գա­լոյ­ցի ժա­մեր­գու­թիւն, Ս. ­Գիր­քե­րու ըն­թեր­ցում, ա­պա ս. եւ ան­մահ պա­տա­րագ: Ս. պա­տա­րա­գը մա­տու­ցեց ե­կե­ղեց­ւոյս հո­գե­ւոր հո­վի­ւը, հա­ւա­տա­ցեալ հոծ բազ­մու­թեան ներ­կա­յու­թեամբ: ​­Պա­տա­րա­գի ա­ւար­տին, ­Հայր սուր­բը ե­կե­ղեց­ւոյ Ս. ­Խո­րա­նէն վա­ռեց ճրա­գը եւ յա­ջոր­դա­բար փո­խան­ցեց հա­ւա­տա­ցեալ ժո­ղո­վուր­դին, որ միա­բե­րան եր­գեց «Այ­սօր ­Յա­րեաւ» շա­րա­կա­նը:
​Իսկ Եր­կու­շաբ­թի, ­Մե­ռե­լո­ցի յի­շա­տա­կու­թեան օ­րը, հայր սուր­բը ­Թե­սա­ղո­նի­կէի ազգ. գե­րեզ­մա­նա­տան մէջ կա­տա­րեց գե­րեզ­մա­նօրհ­նէք։

Ա­ռաջ­նորդ սրբա­զան հօր այ­ցե­լու­թիւ­նը ­Թե­սա­ղո­նի­կէի մետ­րո­պո­լի­տին
­Շա­բաթ, 19 Ապ­րի­լի ա­ռա­ւօ­տուն, ­Յու­նաս­տա­նի ­Հա­յոց թե­մի ա­ռաջ­նորդ ­Սա­հակ եպս. Ե­մի­շեան, ըն­կե­րակ­ցու­թեամբ ­Թե­սա­ղո­նո­կէի հո­գե­ւոր հո­վիւ Ե­ղիա վրդ. ­Մալ­խա­սեա­նի եւ ­Թա­ղա­յին խոր­հուր­դի ներ­կա­յա­ցու­ցիչ պրն. ­Պետ­րոս ­Հա­լա­ճեա­նի այ­ցե­լեց ­Թե­սա­ղո­նի­կէի ­Մետ­րո­պո­լի­տին։
­Մետ­րո­պո­լիտ ­Ֆի­լո­թէոս ջերմ ըն­դու­նե­լու­թեամբ դի­մա­ւո­րեց Ա­ռաջ­նորդ սրբա­զանն ու ա­նոր ըն­կե­րակ­ցող­նե­րը։ ­Հան­դիպ­ման ըն­թաց­քին Ա­ռաջ­նորդ Սր­բա­զան հայ­րը շնոր­հա­կա­լա­կան խօսք ուղ­ղե­լով շնոր­հա­ւո­րեց Ս. ­Զա­տի­կը եւ կա­րե­ւո­րու­թեամբ շեշ­տեց յոյն եւ հայ ե­կե­ղե­ցի­նե­րու դրա­կան եւ ջերմ յա­րա­բե­րու­թիւն­նե­րը։ ­Հան­դիպ­ման ա­ւար­տին մետ­րո­պո­լիտն ու Ա­ռաջ­նոր­դը փո­խա­նա­կե­ցին նո­ւէր­ներ։

Թղթակից

1 Հիւրատետր 9