«­Քա­թի­մե­րի­նի» թերթի անդրադարձը «Ազատ Օր»-ի մասին «Յունաստանի մէջ հրատարակուող օտարալեզու թերթեր

Յու­նա­կան ազ­դե­ցիկ «­Քա­թի­մե­րի­նի» օ­րա­թեր­թը, իր 15 Փետ­րո­ւա­րի կի­րակ­նօ­րեայ թի­ւին մէջ լայն անդ­րա­դարձ կա­տա­րած է Յու­նաս­տա­նի մէջ լոյս տես­նող օ­տա­րա­լե­զու թեր­թե­րուն մա­սին։ Թեր­թի լրագ­րող Ի­լիա­նա Մաղ­րա­յի ստո­րագ­րու­թեամբ, յօ­դո­ւա­ծը կը կրէ «­Բա­բե­լո­նի մա­մու­լը» գլխա­ւոր խո­րա­գի­րը եւ կը խօ­սի օ­տա­րազ­գի զա­նա­զան հա­մայնք­նե­րու մա­մու­լին մա­սին, յա­տուկ տեղ ըն­ծա­յե­լով «Ա­զատ Օր»-ին։ Լ­ման է­ջի մը ծա­ւա­լով տրո­ւած գրու­թեան կեդ­րո­նա­կան նկա­րը ցոյց կու տայ թեր­թիս խմբագ­րա­տու­նը եւ աշ­խա­տա­կազ­մը։
Ս­տո­րեւ, թարգ­մա­նա­բար կու տանք գրու­թեան բա­ժի­նը, որ կա­պո­ւած է «Ա­զատ Օր»-ի ներ­կա­յաց­ման հետ։

* * *
Քա­լի­թէա­յի շրջա­նի շէն­քի մը հին­գե­րորդ յար­կին վրայ, Մայք Չի­լին­կի­րեան գրե­թէ ա­ռան­ձին կը հրա­տա­րա­կէ օ­րա­թերթ մը, որ կը հա­շո­ւէ 103 տա­րուան տպա­գիր կեանք։ Ան կը կա­տա­րէ նիւ­թե­րու ընտ­րու­թիւնն ու է­ջադ­րու­մը։ Վար­չա­կան գոր­ծե­րով ալ կը զբա­ղի։ Կը խմբագ­րէ նիւ­թեր յու­նա­րէն լե­զո­ւով – հա­յե­րէ­նի իր գի­տու­թիւ­նը չի հաս­նիր հրա­տա­րա­կու­թեան աս­տի­ճա­նին։ Ան կը նկա­տո­ւի գաղ­թա­կան­նե­րու եր­րորդ սե­րուն­դի զա­ւակ եւ վեր­ջին 11 տա­րի­նե­րը կ­՚աշ­խա­տի որ­պէս Յու­նաս­տա­նի մէջ հա­յա­լե­զու միակ օ­րա­թեր­թի տնօ­րէն։
Թեր­թը ա­ռա­ջին ան­գամ լոյս տե­սաւ 1923-ին, — Փոքր Ա­սիոյ հայ գաղ­թա­կան­նե­րու ժա­մա­նու­մէն քա­նի մը ա­միս ետք, — «­Նոր Օր» ա­նու­նով։ Օ­րա­թեր­թին ա­նու­նը փո­խո­ւե­ցաւ պա­տե­րազ­մէն ան­մի­ջա­պէս ետք եւ ան վե­րա­կո­չո­ւե­ցաւ «Ա­զատ Օր»։
Մին­չեւ մէ­կու­կէս տա­րի ա­ռաջ, թեր­թի տպա­գիր թի­ւը լոյս կը տես­նէր ա­մէ­նօ­րեայ դրու­թեամբ, կը յայտ­նէ Մայք Չի­լին­կի­րեան։ Բ­նա­կա­նա­բար, իր ա­մէ­նօ­րեայ հրա­տա­րա­կու­թիւ­նը կանգ չէ ա­ռած, սա­կայն օ­րա­կան դրու­թեամբ կ­՚ա­ռա­քո­ւի ե­լեկտ­րո­նա­յին pdf ձե­ւով, իսկ միայն Ուր­բաթ օ­րե­րը լոյս կը տես­նէ տպա­գիր թի­ւը։
«­Բազ­մա­թիւ տնտե­սա­կան դժո­ւա­րու­թիւն­ներ գո­յու­թիւն ու­նին, բայց նպա­տակ չու­նինք թո­ղե­լու ա­նոր հրա­տա­րա­կու­թեան ըն­թաց­քը»։
«Ա­զատ Օր»-ը լոյս կը տես­նէ որ­պէս Հ.Յ.­Դաշ­նակ­ցու­թեան թերթ եւ մին­չեւ այ­սօր կը պա­հէ այդ կա­պը, կը յայտ­նէ պ. Չի­լին­կի­րեան։ «­Միշտ կը ջա­նանք ա­ւե­լի մեղմ պա­հել կու­սակ­ցա­կան ուղ­ղու­թիւ­նը», կ­՚ա­ւելցնէ ան։
Հա­յե­րէն լե­զո­ւի գոր­ծա­կից խմբա­գի­րի մը մաս­նակ­ցու­թեամբ, թեր­թը կը պատ­րաս­տէ նիւ­թեր Հա­յաս­տա­նի, հայ­կա­կան Ս­փիւռ­քի ու Հա­յոց ցե­ղաս­պա­նու­թեան մա­սին։ «­Յու­նաս­տա­նի մէջ ապ­րող հա­յե­րը յու­նա­խօս են», կը շեշ­տէ ան, այս­պէս՝ Յու­նաս­տա­նի լու­րե­րը կար­դա­լու հա­մար հա­յա­լե­զու մի­ջո­ցի մը կա­րի­քը չու­նին։
Օ­րա­թեր­թի գլխա­ւոր նպա­տա­կը գո­յու­թե­նա­կան է, — «հայ լե­զո­ւի պահ­պա­նու­մը։ Մե­զի հա­մար շատ կա­րե­ւոր է հա­մայն­քի օ­ճախ­նե­րուն մէջ պա­հել հայ­կա­կան թեր­թը»։
Հայ­կա­կան «Ա­զատ Օր» թեր­թը, որ կը հրա­տա­րա­կո­ւի 8-էն մին­չեւ 12 էջ, կա­րե­լի է ստա­նալ տա­րե­կան 120 եւ­րո­յի բա­ժա­նոր­դագ­րու­թեամբ։ Կարգ մը հաս­տա­տու­թիւն­նե­րու թեր­թը կը ղրկո­ւի անվ­ճար։ Մայք Չի­լին­կի­րեան կը յայտ­նէ, թէ բա­ցի կայ­քէ­ջէն, օ­րա­թեր­թը ու­նի մօ­տա­ւո­րա­պէս 800 ըն­թեր­ցող։

Ք.Է.