­Սարօ ­Տէմիրճեանի բացառիկ ցուցահանդէսը

Յու­նա­հայ հան­րա­ծա­նօթ ա­րո­ւես­տա­գէտ ­Սա­րօ ­Տէ­միր­ճեան ան­գամ մը եւս կը ներ­կա­յա­նայ հան­րու­թեան, պատ­րաս­տած ըլ­լա­լով հո­գե­ւոր բո­վան­դա­կու­թեան բա­ցա­ռիկ ցու­ցա­հան­դէս մը, ո­րուն դռնե­րը պի­տի բա­ցո­ւին ­Հինգ­շաբ­թի, 4 ­Դեկ­տեմ­բեր 2025-ի ե­րե­կո­յեան։
­Ցու­հա­նա­դէ­սը պի­տի կա­յա­նայ «Ե­պիս­կո­պոս» խո­րա­գի­րով, ո­րուն ցու­ցադ­րա­կան նիւ­թե­րը լու­սան­կար­չու­թեան բարձր ո­րա­կի նմուշ­ներ են եւ կը պատ­կե­րաց­նեն իւ­րա­յա­տուկ ման­րա­մաս­նու­թիւն­ներ հայ­կա­կան եւ բիւ­զան­դա­կան ոճ ներ­կա­յաց­նող ե­կե­ղե­ցի­նե­րէն։
­Ցու­ցա­հան­դէ­սին նպա­տակն է հան­րու­թեան գե­ղա­րո­ւես­տա­կան ճա­շա­կին հրամցնել ­Հա­յաս­տա­նի, ­Յու­նաս­տա­նի եւ ­Լի­բա­նա­նի պատ­մա­կան ե­կե­ղե­ցի­նե­րու ու վան­քե­րու ճար­տա­րա­պե­տա­կան հարս­տու­թիւ­նը, ներ­քին եւ ար­տա­քին մա­սե­րու զար­դան­մուշ­նե­րը, ինչ­պէս նաեւ ա­նոնց հո­գե­ւոր հարստու­թեան տա­րո­ղու­թիւ­նը, որ կ­՚ար­տա­ցո­լայ իւ­րա­քան­չիւր քա­ռի ու շի­նուած­քի ման­րա­մաս­նու­թեան վրայ։
Այ­ցե­լու­նե­րը պի­տի վա­յե­լեն բա­ցա­ռիկ լու­սան­կար­նե­րը՝ հա­մե­մո­ւած հայ­կա­կան եւ բիւ­զա­նա­դա­կան հո­գե­ւոր ե­րաժշ­տու­թեան մթնո­լոր­տին մէջ։ Ե­րաժշ­տա­կան ձե­ւա­ւո­րու­մը կա­տա­րո­ւած է նոյ­նինքն ա­րո­ւես­տա­գէտ ­Սա­րօ ­Տէ­միր­ճեա­նի կող­մէ, տա­լով իւ­րա­քան­չիւր հո­գե­ւոր կտո­րը դա­սա­կան ե­րաժշ­տա­կան գոր­ծիք­նե­րու կա­տա­րողու­թեամբ, այս­պէս ստեղ­ծե­լով խորհր­դա­ւոր մթնո­լորտ մը սրա­հէն ներս։
­Ցու­ցա­հան­դէ­սը բաց է հան­րու­թեան եւ մա­նա­ւանդ գե­ղա­րո­ւես­տա­կան ո­լոր­տին հետ զբա­ղող ու­սա­նող­նե­րու եւ մաս­նա­գէտ­նե­րու հա­մար, ի մի բե­րե­լով հայ եւ բիւ­զան­դա­կան ե­կե­ղե­ցա­կան ճար­տա­րա­պե­տու­թիւ­նը ա­րո­ւես­տա­գի­տա­կան պրիս­մա­կին մէջ։ ­Տա­րա­ծո­ւած մամ­լոյ հա­ղոր­դագ­րու­թիւ­նը կը տե­ղե­կաց­նէ, թէ ցու­ցա­հան­դէ­սի հո­վա­նա­ւո­րու­թիւ­նը ստանձ­նած են ­Յու­նաս­տա­նի մէջ Հ.Հ. դես­պա­նա­տու­նը, Ա­թէն­քի եւ հա­մայն ­Յու­նաս­տա­նի պետ Իէ­րո­նի­մոս ար­քե­պիս­կո­պո­սը, ­Յու­նա­հա­յոց ­Թե­մա­կալ Ա­ռաջ­նորդ Տ. ­Սա­հակ եպս. Ե­մի­շեան եւ Ատ­տի­կէի մարզ­պե­տա­րա­նը։
­Ցու­ցա­հան­դէ­սը տե­ղի պի­տի ու­նե­նայ Ա­թէն­քի ­Մե­լի­նա ­Մեր­քու­րի մշա­կու­թա­յին կեդ­րո­նէն ներս (Ηρακλειδών 66, Αθήνα) եւ պի­տի տե­ւէ 4-13 ­Դեկ­տեմ­բեր ժա­մա­նա­կա­մի­ջո­ցին։ ­

Ցու­ցադ­րու­թեան ժա­մեր.-
Ե­րեք­շաբ­թի-­Հինգ­շաբ­թի՝ ա­ռա­ւօ­տեան 11-էն մին­չեւ ե­րե­կո­յեան 7,
իսկ Ուր­բաթ-­Շա­բաթ-­Կի­րա­կի՝ ա­ռա­ւօ­տեան 10-էն մին­չեւ կէ­սօ­րո­ւան 3։
­Նաեւ, ­Յու­նաս­տա­նի ­Հա­յոց Ազ­գա­յին Ա­ռաջ­նոր­դա­րա­նի եւ ա­րո­ւես­տա­գէ­տի դա­սա­ւո­րու­մով, ­Չո­րեք­շաբ­թի, 10 ­Դեկ­տեմ­բե­րի ե­րե­կո­յեան ժա­մը 6-էն մին­չեւ 8։30, մեր հայ­րե­նա­կից­նե­րուն հա­մար տրա­մադ­րո­ւած է ցու­ցա­հան­դէ­սը այ­ցե­լե­լու հնա­րա­ւո­րու­թիւ­նը եւ մօ­տէն ճանչ­նա­լու ցու­ցադ­րո­ւած նմուշ­նե­րը։

­Մուտ­քը ա­զատ է։