Արամ Ա. կաթողիկոս ընդունեց Յունաստանի արտաքին գործոց փոխնախարարը

­Շա­բաթ, 12 ­Յու­լիս 2025-ին, ­Լի­բա­նան կա­տա­րած իր պաշ­տօ­նա­կան այ­ցե­լու­թեան ծի­րին մէջ, ­Յու­նաս­տա­նի ար­տա­քին գո­ծոց փոխ­նա­խա­րար Եա­նիս ­Լո­վեր­տոս հան­դի­պում ու­նե­ցաւ Ա­րամ Ա. ­Վե­հա­փառ հայ­րա­պե­տին հետ։ ­Ներ­կայ էին ­Լի­բա­նա­նի մէջ ­Յու­նաս­տա­նի դես­պան ­Տես­փի­նա ­Քու­քու­լո­փու­լու, դես­պա­նա­տան քա­ղա­քա­կան հար­ցե­րու պա­տաս­խա­նա­տուն եւ ­Հիւ­սի­սա­յին Ա­մե­րի­կա­յի Ա­րեւմ­տեան ­Հա­յոց թե­մի ա­ռաջ­նորդ Տ. ­Գե­ղամ արք. ­Խա­չե­րեան։
Ա­ւե­լի քան ժամ մը տե­ւած հան­դի­պու­մին ըն­թաց­քին քննար­կո­ւե­ցան ընդ­հան­րա­պէս ­Յու­նաս­տա­նի ու ­Մի­ջին Ա­րե­ւել­քի եւ յատ­կա­պէս ­Լի­բա­նա­նի ու ­Սու­րիոյ հետ յա­րա­բե­րու­թեանց առն­չո­ւած հար­ցեր, ո­րոնց ուղ­ղու­թեամբ փոխ­նա­խա­րա­րը պար­զեց ­Յու­նաս­տա­նի տե­սա­կէտ­նե­րը, շեշ­տե­լով քրիս­տո­նեայ հա­մայնք­նե­րուն նկատ­մամբ ­Յու­նաս­տա­նի յա­տուկ զօ­րակ­ցու­թիւ­նը։
­Վե­հա­փառ հայ­րա­պե­տը, իր կար­գին, գնա­հա­տե­լով ­Յու­նաս­տա­նի պե­տու­թեան հետզ­հե­տէ նոր ծա­ւալ ստա­ցող գոր­ծակ­ցու­թիւ­նը մի­ջին ա­րե­ւե­լեան եր­կիր­նե­րուն հետ, ինչ­պէս նաեւ ա­նոր զօ­րակ­ցու­թիւ­նը յատ­կա­պէս քրիս­տո­նեայ հա­մայնք­նե­րուն, շեշ­տեց շրջա­նէն ներս քրիս­տո­նէու­թեան ա­մուր ու կազ­մա­կերպ պահ­պան­ման կեն­սա­կան կա­րե­ւո­րու­թիւ­նը՝ կրօ­նա­կան, քա­ղա­քա­կան ու մշա­կու­թա­յին ա­ռու­մով մաս­նա­ւո­րա­բար։
­Ծա­նօթ է, թէ Ա­րամ Ա. կա­թո­ղի­կոս ­Մա­յի­սի վեր­ջը ­Յու­նաս­տան կա­տա­րած իր հո­վո­ւա­պե­տա­կան ու պաշ­տօ­նա­կան այ­ցե­լու­թեան ըն­թաց­քին հան­դի­պում ու­նե­ցած էր վար­չա­պե­տին, յոյն ե­կե­ղեց­ւոյ հո­գե­ւոր պե­տին եւ պե­տա­կան բարձ­րաս­տի­ճան պա­տաս­խա­նա­տու­նե­րու հետ։