Հայ դատի եւ հայութեան պահանջատիրութեան հետապնդման ուղիին վրայ, յունահայ երիտասարդութեան առաջնորդութեամբ, հայ զանգուածները «ներկայ ենք» բացագանչեցին, Երկուշաբթի, 24 Ապրիլ 2023-ի երեկոյեան, Աթէնքի կեդրոնական Սինտաղմա հրապարակին վրայ։ Հ.Յ.Դ. Յունաստանի Երիտասարդական միութեան կազմակերպութեամբ, բազմահարիւր երիտասարդներ, պատանիներ եւ հայրենակիցներ ընդառաջեցին կազմակերպ երիտասարդութեան կոչին եւ իրենց բռունցքները վեր առին, դատապարտելու համար Հայոց ցեղասպանութեան 108-րդ տարելիցին՝ Թուրքիոյ մեծագոյն ոճիրը, միաժամանակ զօրակցութեան ձայն հնչեցուցին Արցախի մէջ շրջափակուած հայորդիներուն համար։
Երիտասարդական միութեան տեղեկատուական կրպակին շուրջ կանուխէն մէկտեղուած ժողովուրդին բաժնուեցան եռագոյն դրօշակներ, մինչ նոր սերունդը հագած էր 24 Ապրիլը խորհրդանշող շապիկներ։ Դէպի թրքական դեսպանատուն քայլարշաւի մեկնարկէն առաջ, Երիտասարդական միութեան ընկերները պարեցին հայկական տպաւորիչ երկու պարեր, խլելով ներկայ բազմութեան խանդավառ ծափահարութիւնները, մինչ երիտասարդ խօսնակը կը վստահեցնէր, թէ հայ երիտասարդութիւնը, ամէն ժամանակներուն, երգով ու պայքարով, պարով ու հերոսութեամբ ազդանշանը տուած է արդարութեան վերականգնման համար։
Ժողովրդային թափօրը ճամբայ ելաւ առաջնորդութեամբ ընդարձակ եռագոյն դրօշին, որ բռնած էին Հ.Յ.Դ. Պատանեկան միութեան անդամները։ Անոնց կը հետեւէին երիտասարդներու համախումբ եւ ձեռք ձեռքի տուած շարքերը, մինչ այլ երիտասարդներ մեծադիր պաստառներով շարուած էին երկար բազմութեան մէջ։ Ցոյցին իրենց մասնակցութիւնը բերին համապոնտական միութեան պատուիրակութիւն մը՝ գլխաւորութեամբ իրենց նախագահին, ինչպէս նաեւ յոյն քաղաքական կուսակցութիւններու երիտասարդական միութիւններու ներկայացուցիչները։
Յունաստանի խորհրդարանի առջեւէն ճամբայ ելած ցուցարարներու մեծ համախմբումը շարժեցաւ Վասիլիսիս Սոֆիաս պողոտային վրայ, միաժամանակ՝ բարձրախօսներէն կը լսուէին Թուրքիան եւ Ատրպէյճանը դատապարտող լոզունգներ։ Ազգային-յեղափոխական երգերու հնչիւններուն տակ, երիտասարդներուն ու ժողովուրդին կողմէ միաբերան կրկնուեցան տարբեր լոզունգներ, ժողովուրդն ալ հետեւեցաւ պատանիներու ու երիտասարդութեան կորովի բացագանչութիւններուն եւ զօրաւոր արտայայտութիւններուն։ Աթէնքի կեդրոնը գտնուող յոյն ժողովուրդը ուշադրութեամբ կը հետեւէր քայլարշաւին ու զանազան արտայայտութիւններով իր զօրակցութիւնը կը յայտնէր հայ ժողովուրդի արդար պահանջատիրութեան։
Ժողովրդային թափօրը հասաւ մինչեւ Ռիղիլիս հրապարակ, թրքական դեսպանատունէն աւելի քան հարիւր մեթր հեռաւորութեան վրայ, ուր անգամ մը եւս նախորդ տարիներու պատկերը պարզուեցաւ ժողովուրդին առջեւ։ Ոստիկանական երկու զրահապատ ինքնաշաժներ փակած էին դէպի դեսպանատուն ճամբան, իսկ անոնց առջեւն ու ետին կանգնած էին տասնեակ ոստիկանական յատուկ ջոկատներ՝ վահաններով եւ մարտական լրիւ սարքաւորումներով։ Պարզուած տեսարանը, թէկուզ ծանօթ դարձած է մեզի համար, այսուհանդերձ՝ անգամ մը եւս ցոյց տուաւ թրքական պետութեան վախն ու զգուշութինը խաղաղ ցուցարարներուն առջեւ, ճնշում բանեցնելով ոստիկանական զօրաւոր ներկայութիւն ապահովելու համար։ Ցոյցը առաջնորդող երիտասարդութիւնը աւելի զօրաւոր սկսաւ բացագանչել դատապարտանքի լոզունգներ, պահանջելով, որ քայլարշաւը հասնի մինչեւ դեսպանատան շէնքին առջեւ, որպէսզի ցեղասպանը լսէ հայութեան պահանջատիրական արդար ձայնը։
Հ.Յ.Դ. Երիտասարդական միութեան պատուիրակութիւն մը պատրաստուեցաւ ուղղուիլ դէպի դեսպանատուն ու յանձնել յուշագիրը, սակայն նախապէս բախեցաւ ոստիկանութեան պետի մերժումներուն, որ իր սպասարկութեան վերի հրամանատարութենէն հրահանգներ ստացած ըլլալու պատրուակով, կը մերժէր թոյլ տալ երիտասարդներու պատուիրակութեան շարժիլ դէպի դեսպանատուն։ Տեղւոյն վրայ Հայ դատի յանձնախումբի պատասխանատու ընկերներու միջամտութեամբ, կարելի եղաւ ճամբան բանալ ու երիտասարդները՝ եռագոյն դրօշը ձեռքին, ուղղուեցան դէպի դեսպանատուն յանձնելու յուշագիրը։ Սակայն, ոստիկանութեան պատասխանատուները թոյլ չտուին յուշագիրի ուղղակի յանձնումը դեսպանութեան ու պատուիրեցին այն զետեղել ծառի կամ պատի մը վրայ։ Հայ երիտասարդները կտրուկ մերժեցին իրենց արդար պահանջներու փաստաթուղթը ենթարկել նման նուաստացման, ապա որոշեցին ետ վերադառնալ ու ժողովրդային հաւաքին յայտնել թրքական պետութեան ներկայացուցիչներու հերթական մերժումին արարքը։
Այնքան ժամանակ, որ պատուիրակութիւնը կը փորձէր մերձենալ դեսպանատան շէնքին, ժողովուրդը զօրաւոր կամքով եւ հետեւողական կշռոյթով շարունակեց բացագանչել Արցախի ի նպաստ լոզունգներ, ինչպէս նաեւ թուրք-ատրպէյճանական յարձակողականութիւնը դատապարտող խօսքեր։
Տեղւոյն վրայ գործադրուեցաւ զօրակցական խօսքերու յայտագիր մը։ Համապոնտական միութեան անունով խօսեցաւ Նիքոս Քոէնտաս, ապա խօսք առաւ Ատտիկէի պոնտացի երիտասարդներու միութեան ներկայացուցիչ Եաննիս Ռափթոփուլոս։ Յաջորդեցին «Օննետ» եւ «Փասօք-Քինալ» երիտասարդականներու ներկայացուցիչներուն խօսքերը։ Բոլոր խօսողները անվերապահ աջակցութիւն յայտնեցին հայ ժողովուրդին, դատապարտելով թրքական անպատժելիութիւնը եւ զօրավիգ կանգնելով Արցախի մարտնչող ժողովուրդին։ Խօսքերու աւարտին, Հ.Յ.Դ. Պատանեկան միութեան անդամ ընկ. Ալին Սերոբեան կուռ եւ զօրաւոր ոճով յայտնեց հայ պատանեկութեան աննկուն կամքը՝ շարունակելու աննահանջ պայքարը մինչեւ վերջնական հատուցում։
Նոյն պահուն Պատանեկան միութեան անդամները իրենց բերաններուն վրայ զետեղեցին «X» նշանները, ցոյց տալով եւ դատապարտելով միջազգային ընտանիքի լռութիւնը թուրք-ատրպէյճանական նորօրեայ նկրտումներուն հանդէպ։
Հայ դատի յանձնախումբի խօսնակը բացատրեց երիտասարդներու պատուիրակութեան դիմագրաւած պատկերը դեսպանատան շէնքէն առաջ եւ բուռն խօսքերով դատապարտեց թրքական վարքագիծը՝ հետեւողականօրէն մերժել Հայոց ցեղասպանութեան անժխտելի փաստը ու հայութեան արդար պահանջները։ Ան յայտնեց, թէ հայութիւնը ոտքի կանգնած է ամբողջ աշխարհի վրայ, ցոյց տալու համար իր պայքարելու անխախտ կամքը. միաժամանակ ան կոչ ուղղեց բոլորին ամէն գնով նեցուկ կանգնիլ Արցախի հերոսական ժողովուրդի գոյատեւման պայքարին։ Յաջորդեց Հ.Յ.Դ. Երիտ. Միութեան յուշագիրի ընթերցումը, որ կատարեց ընկ. Անայիս Խտրեան։
Նոյն պահուն, օդին վրայ բարձրացաւ մեծադիր պաստառ մը, որուն վրայ կ՚երեւէին հայ ժողովուրդին վրայ մեծագոյն ոճիրները գործած Ապտիւլ Համիտի, Թալեաթի, Էնվերի, Ճեմալի ու Ալիեւի դիմագիծները, որոնց վրայ գրուած էր «Ոճրագործներ» բառը, իսկ տակի մասը՝ «1894-1915-Այսօր» ժամանակագրական բացատրութիւնը։ Դատապարտանքի եւ բուռն լոզունգներու ձայնին տակ պաստառը հրկիզուեցաւ, ցոյց տալով հայութեան ընդվզումը շարունակուող ցեղասպանական արարքներուն դիմաց։
Շիկացած մթնոլորտին մէջ, հայ երիտասարդներու շարքերը սկսան շարժիլ թրքական դեսպանատան ուղղութեամբ, իսկ ոստիկանական ջոկատները պատրաստուեցան ետ մղել անոնց։
Պատասխանատուներու միջամտութեամբ կարելի եղաւ կանխել որեւէ անախորժ պատահար, սակայն երիտասարդներու ընդվզումը աւելի տարածուեցաւ՝ պահանջելով յառաջ շարժիլ ու հասնիլ մինչեւ թրքական շէնքին առջեւ։ Լոզունգներն ու բացագանչութիւնները շարունակուեցան բաւական ժամանակի համար, երիտասարդներուն միացած ըլլալով նաեւ ներկայ ժողովուրդը։
Հ.Յ.Դ. Երիտասարդական միութեան կողմէ կազմակերպուած ժողովրդային քայլարշաւը եւ ցոյցը իրենց աւարտին հասան հայկական եւ յունական ոգերգներով։ Երիտասարդութիւն եւ ժողովուրդ վերանորոգեցին աննահանջ պայքարի խոստումը, ի խնդիր Հայոց ցեղասպանութեան ճանաչման ու հատուցման, Արցախի ինքնորոշման ու Հայաստանի հողային ամբողջականութեան։
Հ.Յ.Դ. Յունաստանի Երիտասարդական միութեան յուշագիրը՝
ուղղուած Աթէնքի թրքական դեսպանութեան
Υ Π Ο Μ Ν Η Μ Α
Προς τον Πρέσβη της Τουρκίας στην Ελλάδα
Αθήνα, 24 Απριλίου 2023
Κύριε Πρέσβη,
108 χρόνια μετά το αποτρόπαιο έγκλημα της Γενοκτονίας, που διέπραξε η Τουρκία το 1915, εις βάρος του αρμενικού λαού, συγκεντρωνόμαστε εδώ, σύσσωμοι και πιο ενωμένοι από ποτέ, για να τιμήσουμε τη μνήμη των προγόνων μας, αλλά και να σηματοδοτήσουμε με την παρουσία μας την δύναμη και την πεποίθηση του λαού μας στη διεκδίκηση των αιτημάτων του.
Οι αρμενικές κοινωνίες σε κάθε γωνία του κόσμου, αποτελούν τη μέγιστη απόδειξη της αποτυχίας του τουρκικού κράτους, που είχε ως στόχο τον αφανισμό του Αρμενικού Έθνους. Οι Αρμένιοι όχι μόνο δεν εξοντώθηκαν, αλλά συνεχίζουν να αγωνίζονται για τη δικαίωση των 1.500.000 αθώων ψυχών, που τόσο βίαια γενοκτονήθηκαν.
Το σχέδιο εξόντωσης των χριστιανικών πληθυσμών της Οθωμανικής αυτοκρατορίας, ήταν απόλυτα μεθοδευμένο και είχε σχεδιασθεί μέχρι την τελική του λεπτομέρεια από την Οθωμανική κυβέρνηση. Αδιάσειστες αποδείξεις υπάρχουν και καταδεικνύουν την τουρκική βαρβαρότητα. Δεκάδες εθνικά κοινοβούλια, διεθνείς οργανισμοί, και προσωπικότητες διεθνούς κύρους έχουν αναγνωρίσει τη Γενοκτονία των Αρμενίων και καταδικάζουν απερίφραστα τη στάση άρνησης των τουρκικών κυβερνήσεων.
Όλα αυτά τα χρόνια, οι τουρκικές κυβερνήσεις ακολούθησαν διάφορες τακτικές παραπληροφόρησης των γεγονότων, με απώτερο σκοπό την πλήρη διαστρέβλωση της ιστορικής πραγματικότητας. Πρακτικές, όπως εκβιασμοί, διώξεις και φυλακίσεις προς κάθε ακαδημαϊκό, δημοσιογράφο και διανοούμενο που τολμά να αναφέρεται στο πραγματικό και ακριβές ιστορικό γίγνεσθαι, αποτελούν καθημερινότητα, σε μια απέλπιδα προσπάθεια να παραμείνετε πιστοί στο «ένδοξο» ιστορικό σας παρελθόν.
Η κοινωνία σας χρειάζεται την αλήθεια, ώστε να εξιλεωθεί στα μάτια της παγκόσμιας ανθρωπότητας για το έγκλημα του 2015. Οι κυβερνήσεις σας χρειάζονται το θάρρος να αποδεχτούν το εγκληματικό παρελθόν, ώστε οι επόμενες γενιές σας να αντιμετωπίσουν την ιστορία τους.
Η συνεχής επιθετική πολιτική και ρητορική κατά του Αρμενικού λαού απέκτησε νέο νοσηρό επίπεδο με την σύμπραξη της χώρας σας με το Αζερμπαϊτζάν, ήδη από το 2020, όταν συμπράξατε με το απολυταρχικό καθεστώς του δικτάτορα Αλίεφ, εξαπολύοντας σφοδρή πολεμική επίθεση εναντίον της Δημοκρατίας του Αρτσάχ (Ναγκόρνο Καραμπάχ). Η εθνοκάθαρση της Δημοκρατίας του Αρτσάχ, η καταστροφή κάθε ίχνους αρμενικής πολιτιστικής και θρησκευτικής κληρονομιάς και η προσπάθεια επιβολής των δικών σας όρων στη χαρτογράφηση της ευρύτερης περιοχής του Καυκάσου, αποτελεί σχέδιο με ξεκάθαρο στρατιωτικό και στρατηγικό προσανατολισμό.
Κύριε Πρέσβη,
Τα αυταρχικά καθεστώτα της Τουρκίας και του Αζερμπαϊτζάν, οι απειλές και η στρατιωτική σας υπεροπλία, όχι μόνο δε μας τρομοκρατούν, αλλά μας πεισμώνουν, θέτοντάς μας προ των ευθυνών μας.
Ανανεώνουμε, λοιπόν, σήμερα την υπόσχεση που δώσαμε στους νεκρούς μας, ο αγώνας μας να καταστεί εντονότερος και να μην σταματήσει έως ότου η Τουρκία:
Καταδικάσει τη Γενοκτονία που διέπραξε το 1915, εις βάρος του αρμενικού λάου, σφαγιάζοντας και στέλνοντας σε βέβαιο θάνατο 1.500.000 ανθρώπους
Αναλάβει τις ευθύνες που συνεπάγεται η αναγνώριση της Γενοκτονίας, με επιστροφή των εδαφών, που παρανόμως κατέχει, στο αρμενικό λαό.
Επιπλέον, σας καλούμε να περισώσετε όση εθνική αξιοπρέπεια σας έχει απομείνει και να σημάνετε την παύση υποστήριξης προς το Αζερμπαϊτζάν, τροφοδοτώντας αβάσιμες ελπίδες για τυχόν ανανέωση της Οθωμανικής αυτοκρατορίας.
Η ιστορία της Τουρκίας είναι εμποτισμένη από το αίμα εκατομμυρίων αθώων ψυχών και εμείς ΔΕΝ ΘΑ ΞΕΧΑΣΟΥΜΕ, μέχρι να δικαιωθούν οι ψυχές τους.
Ζήτω η ελεύθερη, ανεξάρτητη και ενωμένη Αρμενία!
Ζήτω η Δημοκρατία του Αρτσάχ!
ΑΡΜΕΝΙΚΗ ΝΕΟΛΑΙΑ ΕΛΛΑΔΟΣ
