Այսու կը հաղորդենք մեր սիրելի ժողովուրդին, թէ Կիրակի, 22 Մայիս 2022-ին Գոմոթինիի «Ս. Գրիգոր Լուսաւորիչ» եկեղեցւոյ մէջ, յընթացս Ս. Պատարագի պիտի կատարուի քահանայական ձեռնադրութիւն եւ օծում։
Պիտի պատարագէ եւ ձեռնադրութեան կարգն ու օծումը կատարէ
Գերաշնորհ Տ. ԳԵՂԱՄ Ս. ԱՐՔ. ԽԱՉԵՐԵԱՆ
Առաջնորդ Յունաստանի Թեմին
Խարտաւիլակութեամբ
Գերապատիւ Տ. ՅՈՎՀԱՆՆԷՍ Ծ. ՎՐԴ. ՍԱՂՏԸՃԵԱՆի
Առաջնորդական փոխանորդ Յունաստանի Թեմին
Ընծայեալ՝ Բարեշնորհ ՅԱՐՈՒԹԻՒՆ ՍՐԿ. ՔԱԼՈՂԼԵԱՆ
Սուրբ Պատարագի երգեցողութիւնը պիտի կատարէ Գոմոթինիի «Ս. Գրիգոր Լուսաւորիչ» եկեղեցւոյ երգչախումբը, ղեկավարութեամբ
Գերապատիւ Տ. ՍՏԵՓԱՆՆՈՍ Ծ. ՎՐԴ. ՓԱՇԱՅԵԱՆԻ
Հոգեւոր հովիւ Թեսաղոնիկէի Հայոց
ԿՈՉՄԱՆ ԱՐԱՐՈՂՈՒԹԻՒՆ
Շաբաթ, 21 Մայիս 2022-ին, երեկոյեան ժամը 7-ին, Գոմոթինիի «Ս. Գրիգոր Լուսաւորիչ» եկեղեցւոյ մէջ պիտի կատարուի ընծայեալին քահանայական կոչման արարողութիւնը։
Կը հրաւիրենք մեր ժողովուրդի զաւակները ներկայ ըլլալու եւ մասնակցելու Ս. Պատարագին, Ձեռնադրութեան ու Օծման հոգեպարար արարողութեանց եւ աղօթակից ըլլալու նորընծայ քահանայ հօր հոգեւոր եւ հովուական աստուածահաճոյ ծառայութեան։
ԿՐՕՆԱԿԱՆ ԺՈՂՈՎ
ՅՈՒՆԱՍՏԱՆԻ ՀԱՅՈՑ ԹԵՄԻՆ