Ի գիտութիւն հաւատացեալ մեր ժողովուրդին այսու կը հաղորդենք, թէ Կիրակի, 13 Օգոստոս 2023-ին, թեմիս մեր եկեղեցիներէն ներս պիտի կատարուի Սուրբ Մարիամ Աստուածամօր վերափոխման տաղաւար տօնը։ Ս. պատարագի աւարտին պիտի կատարուի տաղաւար տօնի աւանդական խաղողօրհնէքը, ինչպէս նաեւ Մեռելոցի հոգեհանգիստը փոխան Երկուշաբթիի։ Ուստի կը հրաւիրենք հաւատացեալ մեր ժողովուրդը, մասնակից դառնալու արարողութեան ու ըմբոշխնելու օրուան խորհուրդը։
Գերեզմանօրհնէք.- Մեռելոցի օրուան առիթով, եկեղեցիներու հոգեւոր հովիւները պիտի կատարեն գերեզմանօրհնէք։ Փափաքողները կրնան կապ հաստատել ժամադրութիւն ապահովելու համար։
Կրօնական Ժողով