«Քորոնա» համաճարակին ստեղծած սահմանափակումներուն պատճառով երեք տարիներու ընդհատումէ ետք, Ֆիքսի Հ.Կ.Խաչի Ազգային վարժարաններու՝ Յարութիւն Գալուստեան մանկապարտեզի, Սոֆիա Յակոբեան նախակրթարանի եւ Ճենազեան միջնակարգի աշակերտութիւնը իրենց տնօրէններով եւ ուսուցչական կազմերով, Ուրբաթ, 23 Դեկտեմբեր 2022-ի առաւօտեան ժամը 8:30-ին, ներկայացան շրջանիս Ս. Յովհաննու Կարապետ եկեղեցին, պահելով հոգեւոր եւ ազգային մեր աւանդութիւնները, Նոր Տարուան եւ Ս. Ծնունդի տօներուն առիթով, Ս. Հաղորդութիւն ստանալու համար:
Շրջանիս եւ եկեղեցւոյս հոգեւոր հովիւ Տ. Նարեկ քհնյ. Շահինեան, աշակերտութիւնն ու ուսուցչական կազմը «բարի լոյս»-ով դիմաւորելէ ետք, հարց-պատասխանի ճամբով վերաթարմացուց աշակերտներուն գիտելիքները, յատկապէս օրուան եւ իրենց եկեղեցի ներկայանալուն առիթին կապակցութեամբ, ինչպէս նաեւ Զղջման եւ Ս. Հաղորութեան իմաստին եւ կարեւորութեան մասին:
Աշակերտները «Հայր Մեր»-ն ու «Զգործս ձեռաց մերոց…» աղօթքները արտասանեցին, որմէ ետք Տէր Հարը ընթերցեց «Զղջում»-ին աշխարհաբար տարբերակը, որուն աշակերտները պատասխանեցին «Մեղայ Աստուծոյ»-ով, եւ ստացան Ս. Հաղորդութիւնն ու օրուան օրհնութիւնը:
ԳԼԽԱՒՈՐ ԷՋ ԳԱՂՈՒԹԱՅԻՆ Գաղութային կեանք Տօնական օրերուն առիթով աշակերտները Ս. Հաղորդութիւն ստացան