Ի գիտութիւն մեր հաւատացեալ ժողովուրդին կը հաղորդենք թէ Երկուշաբթի, 17 Յունիս 2024-ի երեկոյեան ժամը 7-ին, Գարէայի մատուռին մէջ, Սուրբ եւ Անմահ Պատարագի մատուցմամբ եւ մատաղօրհնութեամբ պիտի նշուի «Ս. Սահակ եւ Ս. Մեսրոպ» խորանին օծման տարեդարձն ու անուանակոչութեան տօնը:
Պիտի պատարագէ եւ օրուան խորհուրդը փոխանցէ, շրջանիս հոգեւոր հովիւ՝
ԱՐԺ. Տ. ՆԱՐԵԿ ՔՀՆՅ. ՇԱՀԻՆԵԱՆ
Երգեցողութիւնը պիտի կատարուի Գարէայի եւ Նէոս Գոզմոս(Ֆիքս)ի շրջանի դպիրներուն կողմէ, դպրապետութեամբ՝ բրշ. Պետրոս սրկ. Պարսամեանի:
Աւարտին տեղի պիտի ունենայ մատաղի օրհնութիւն, ապա հոգեհանգստեան պաշտօն շրջանիս հանգուցեալ քահանաներու, սարկաւագներու, դպիրներու, ծառայողներու եւ բարերարներու յիշատակին։
Այսու կը հրաւիրուի ուխտաւոր եւ հաւատացեալ ժողովուրդը, մասնակից դառնալու տօնակատարութեան, եւ մեր սրբազան հայրերուն հաւատքով վերանորոգուելու:
ԹԱՂԱՅԻՆ ԽՈՐՀՈՒՐԴ ԳԱՐԷԱ-ԿԷՍԱՐԵԱՆԻԻ
