«EURO-2020» եւրոպական մրցաշարքի ծիրէն ներս, երէկ, Երեքշաբթի՝ 11 Յունիսի գիշերը, Աթէնքի Ողիմպիական մարզադաշտին մէջ, Հայաստանի ոտնագնդակի հաւաքականը մրցեցաւ Յունաստանի խումբին դէմ եւ դուրս եկաւ յաղթանակով։
Կանուխէն, մեծ թիւով հայ մարզասէրները՝ եռագոյն դրօշակներով, փութացած էին մարզադաշտ, զօրակցելու համար հայրենի խումբին։
Հայ մարզասէրներու խանդավառ կանչերը, ինչպէս նաեւ եռագոյն դրօշներու ծածանումը, տօնական մթնոլորտ մը ստեղծած էին մարզադաշտէն ներս, քաջալերելու համար հայ մարզիկներու խաղարկութիւնը։
Առաջին կիսախախին, Հայաստանը առաջ անցաւ 2 կէտերով (Կարապետեան 8’ եւ Ղազարեան 34’)։ Երկրորդ կիսախաղին, յունական խումբէն` Զէքա կէտ մը նշեց (54’)։ Հայաստան նախայարձակ ըլլալով, Բարսեղեան նշեց 3րդ կէտը (74’)։ Աւելի ուշ՝ յոյն մարզիկ Ֆորթունիս նշեց յունական խումբի 2րդ կէտը (87’)։
Հայկական հաւաքականի յաղթանակը` 2-3 արդիւնքով, հպարտութիւն պատճառեց Հայաստանի մարզասէր ժողովուրդին ու բնականաբար՝ յունահայութեան, որ մեծ խանդավառութեամբ եւ յոյսով սպասեց Հայաստանի յաղթանակին։
