Օրհնութեամբ Թեմիս Բարեջան Առաջնորդ Գերաշնորհ Տ. Գեղամ Ս. Արք. Խաչերեանի,
Կիրակի, 20 Նոյեմբեր 2022-ի առաւօտեան, Նէոս Գոզմոս(Ֆիքս)ի Ս. Յովհ. Կարապետ եկեղեցւոյ մէջ մատուցուող Ս. Եւ Անմահ Պատարագի աւարտին, Նախատօնակ պիտի կատարուի՝ «Ընծայումն Սուրբ Աստուածածնի երից ամաց ի Տաճարն» տօնին առիթով:
Աւարտին, եկեղեցւոյս Ս. Խորանին երկարամեայ խոնարհ ծառայող եւ Աթէնքի Աստուածաբանական Համալսարանի Մագիստրոս կոչումի թեկնածու Բարեշնորհ Լեւոն Սրկ. Ունանեան, պիտի ներկայացնէ (յունարէնով), տօնին հետ առընչուած Ս. Գրային եւ Աստուածաբանական գիտելիքներ:
Պիտի յաջորդէ համեստ հիւրասիրութիւն մը, պատրաստուած Տիկնանց մարմնոյ կողմէ:
Այս ուրախ առիթով կը հրաւիրենք մեր հաւատացեալ ժողովուրդիը մասնակից դառնալու արարողութիւններուն եւ զարգացնելու իր հոգեւոր-եկեղեցական գիտելիքները:
Ս. Յովհ. Կարապետ Եկեղեցի