Ընդառաջելով Նիքէայի քաղաքապետարանի հրաւէրին, Գոքինիոյ Ս. Յակոբ եկեղեցւոյ հոգեւոր հովիւ Տ. Պարէտ Քհնյ. Խաչերեան եւ Թաղային խորհուրդի գանձապահ պրն. Գարլօ Գույումճեան, Շաբաթ 25 Մարտ 2023ի առաւօտեան ժամը 10։30-ին, ներկայ գտնուեցան «Օսիա Քսէնի» հրապարակը, ուր տեղւոյն յուշարձանին առջեւ տեղի ունեցաւ Յունաստանի ազգային տօնի հոգեհանգստեան արարողութիւնը, օրուան պատգամի փոխանցումն ու դափնեպսակներու զետեղումը։
Յանուն Ս. Յակոբ եկեղեցւոյ պրն. Գարլօ Գույումճեան զետեղեց դափնեպսակ մը։ Ետքը տեղի ունեցաւ աշակերտական ու սկաուտական տողանցքը, որուն մաս կազմեցին նաեւ Հ.Մ.Ը.Մ.ի Գոքինիոյ մասնաճիւղի սկաուտական խումբը։
Աւարտին հոգեւոր հովիւն ու Թաղային խորհուրդի անդամը մեկնեցան «Զաւարեան» կեդրոն, ուր տեղի ունեցան սկաուտներու դրօշակի արարողութիւն, երդման արարողութիւն եւ աստիճաններու տուուչութիւն։ Տ. Պարէտ Քահանայ խօսք առնելով, շնորհաւորեց յունաց ազգային տօնին առթիւ սկաուտական կազմի պատուաբեր տողանցքը։ Ան շնորհաւորեց նաեւ նոր աստիճանաւորները, մաղթելով անոնց յաջողութիւն։
ԹՂԹԱԿԻՑ
