Ինչպէս արդէն հաղորդած էինք կարճ ժամանակ առաջ, 25 Օգոստոսին, Ասթրոս Քինուրիասի քաղաքապետական յատուկ բանակավայրէն ներս, իր դռները բացաւ Հ.Յ.Դ. Յունաստանի պատանեկան միութեան 42-րդ բանակումը, որ իր մէջ պարփակեց 83 պատանիներ եւ 10 վարիչներ։
42 տարիներու փորձառութեան վրայ յենուած պատանեկան բանակումները բոլորէն՝ պատանիներ եւ ծնողներ, սպասուած առիթն է, որ ամբողջ տարուան մը ընթացքին խանդավառութեան եւ անհամբերութեան զգացումներ կը ստեղծէ մեր գաղութի պատանեկան տարիքներու հայորդիներուն համար։
Արդէն, մասնակցողներու թիւը, նոյնիսկ Միութենէն դուրս գտնուող փոքրիկներու փափաքը մաս կազմելու պատանիներու մեծ ընտանիքին, ցոյց կուտայ այս կարեւոր շարժումին վայելած ժողովրդականութիւնն ու ընտանիքներու վստահութիւնը։
Այս տարուան բանակումը իր տասնօրեայ տեւողութեամբ առիթ եղաւ, որպէսզի ստեղծուին եւ ամրապնդուին սերտ բարեկամութիւններ։
Բանակավայրը դարձաւ փոքր Հայաստան մը, ուր հայերէն լեզուն տիրապետեց, հայկական դրօշը ծածանեցաւ տղոց գլխուն վրայ, Հայ դատի ոգին, հայրենի հողին ուժը, Արցախի մարտնչող հայորդիի պայքարը մէկ առ մէկ տողանցեցին բանակողներուն առջեւէն, դարձան զգացում ու ապրում, յատկանշեցին մեր պատանիներու կեանքն ու հայութեան հանդէպ զօրաւոր կապտում ստեղծելու շարժառիթը։ Հոս, կարեւորութեամբ պէտք է նշել Պատանեկան միութեան Վարիչ մարմնոյ ջանքերը՝ ծրագրելու, պատրաստելու եւ գործադրելու այնպիսի ծրագիր մը, որ իր ազգային , դաստիարակչական, ընկերային եւ բարեկամական պարունակութեամբ, կ՚ընդգրկէ պատանեկան տարիքի հետաքրքրութիւնները, ջերմացնելով ու զարգացնելով անոնց մատղաշ ներաշխարհին մէջ հայու ինքնութեան, հայ ժողովուրդի անսակարկելի իրաւունքներու, հայրենի աշխարհի գերագոյն արժէքներն ու պատումները։
Գնահատելի է նաեւ մեր միութիւններու ընկերուհիներուն մասնակցութիւնը, որոնք ճաշի, մաքրութեան եւ խնամքի պարտականութիւնները իրենց ուսերուն վրայ վերցուցած ըլլալով, լաւագոյնը մատուցեցին մեր պատանիներուն։
Բանակումի ամէնէն սպասուած պահը հրապարակային ելոյթի օրն է, որ այս տարի եւս իրագործուեցաւ ներկայութեամբ բազմաթիւ ծնողներու եւ այցելուներու՝ Շաբաթ 2 Սեպտեմբերին, որ կը զուգադիպէր Արցախի անկախութեան հռչակման տարեդարձին։
Ներկայ եղան նաեւ Հ.Յ.Դ. Յունաստանի Կեդրոնական կոմիտէն եւ միութիւններու անդամներ։
Բացման խօսքերէն ետք գործադրուեցաւ պատշաճ յայտագիր, որ կը պարունակէր Հ.Յ.Դ Պատան. Միութեան վարիչ Մարմնոյ խօսքը, ճոխ բաժին մը հայկական ժողովրդային պարերու, հայկական գիտելիքներու մրցում, հայրենասիրական խօսքերու ներկայացում։
Խրախուսիչ էր տեսնել բոլոր պատանիներու շուրջպարերը, հայերէնով սահուն արտայայտուելու խօսքերը, անոնց հնարամիտ ներկայացումները, որոնք արժանացան ներկաներու ջերմ գնահատանքին։
Յաջորդեց խրախճանք, ուր տիրեց ջերմ մթնոլորտ, տեղի ունեցաւ վիճակահանութիւն եւ պատանիներն ու վարիչները ամէն ջանք թափեցին գիշերուան մթնոլորտը խանդավառ պահելու համար։
Վարձքը կատար բոլորին։
* * *
Հ.Յ.Դ. Պատանեկան Միութեան Վարիչ Մարմնոյ
կողմէ՝ ընկ. Ժաննա Յովսէփեանի խօսքը
Բարի եկաք Հ.Յ.Դ. Յունաստանի Պատանեկան Միութեան 42-րդ բանակումին։
Մեր հանդէսին ձեզի կը դիմաւորենք մեծ ուրախութեամբ, 80 պատանիներ, 12 վարիչներ, օգնականներ եւ կամաւոր ընկերներ եւ ընկերուհիներ, որ քով քովի եկանք մեր բանակումի 10-օրեայ տեւողութեան ընթացքին։
Այս տարի, Հ.Յ.Դ. Պատանեկան Միութեան 42-րդ տարեկան բանակումն է։ Կը շարունակենք կարեւոր այս գործունէութիւնը, որպէսզի շատ աւելի պատանիներ առիթը ունենան վայելելու բանակումի կեանքը, ապրելով իրարու հետ հայկական մթնոլորտի մէջ։ Մեր միութեան ամէնէն լաւագոյն աշխատանքն է բանակումը, որ իր մէջ կը խտացնէ հայեցի դաստիարակութեան ամէնէն կարեւոր ու հիմնական յատկանիշները։ Մենք կը խօսինք հայերէն, կ՚երգենք հայկական ժողովրդային եւ յեղափոխական երգեր, կը պարենք հայկական պարեր եւ կը սորվինք գործակցիլ իրարու հետ, կը զուարճանանք միասնաբար եւ գեղեցիկ յիշատակներ կը ստեղծենք բոլորիս համար։
Պատանիներու ամէնօրեայ յայտագիրը կը պարունակէ մարզանք, լոգանք, զուարճութեան եւ ընկերային պահերու ժամեր, ինչպէս նաեւ դաստիարակչական զրոյցներ, որ ընդգրկեցին, Հայաստանի, Արցախի եւ Սփիւռքի հայութեան շուրջ հարցեր։
Փոքր տարիքի եւ առաջին անգամ մասնակցող պատանիներուն համար, շատ մեծ փորձառութիւն է իրենց ընկերներուն հետ միասնաբար ապրելու այս առիթը, ինչպէս նաեւ գիշերային պահակութեան եւ ընկերային կեանքերու զուարճութեան պահերը։
Անցնելով մեր միջակ եւ մեծ պատանիներուն, կը հաւատանք, թէ բանակումի ընթացքին իրենց առիթը կը տրուի, որ մասնակցին կազմակերպական վարժանքներու, կազմեն գաղափարական միտք եւ արտայայտուին ազատ եւ համարձակ ձեւով։ Այս արժէքները անհրաժեշտ են աւելի փորձառու ընկերներուն համար, քանի որ անոնք են, որ պիտի շարունակեն միութենական գործունէութիւնը՝ անցնելով վարիչներու եւ օգնականներու շարքին։
Մեր այս աշխատանքին մէջ կը վայելենք մեր գաղութի միութիւններուն եւ հայրենակիցներուն քաջալերանքը, որոնք կը վստահին մեզի եւ ցոյց կուտան, թէ կը հաւատան Հ.Յ.Դ. Պատանեկան Միութեան կատարած առաքելութեան։
Այսօրուան թուականը կը զուգադիպի 2 Սեպտեմբեր 1991-ին հետ, Արցախի անկախութեան հռչակման օրուան։ 32 տարի առաջ, այս օրը, Լեռնային Ղարաբաղի Հանրապետութիւնը հռչակուեցաւ որպէս ազատ եւ անկախ ու զարգացող երկիր, որ իր քաղաքացիներու իրաւունքներու պաշտպանը կը հանդիսանար։ Հռչակագիրը կուգար հաստատելու, թէ Արցախի հայ ժողովուրդը կը պահանջէ իր արդար իրաւունքը՝ ազատ ապրիլ իր երկրին մէջ։
Վերջին երկու տարիները ծանր եղած են ամբողջ հայութեան համար։ Արցախի մէջ բնակող մեր հայրենակիցներու դժուար ու օրհասական կեանքը մեզ բոլորիս կը յուզէ եւ մեր պահանջատիրական քայլերը կառաջնորդէ։ Մենք, Պատանեկան Միութիւնս ու իր անդամները, միշտ ներկայ կ՚ըլլանք եւ կը մասնակցինք Արցախի ժողովուրդի իրաւունքները պաշտպանող բոլոր նախաձեռնութիւններուն, քարոզչական միջոցներուն, ցոյցերուն եւ հաւաքներուն, որովհետեւ գիտենք, թէ որքան կարեւոր է միասնական եւ ամուր կանգնիլ մեր ազգի պահանջատիրութեան առջեւ։
Մենք իրենց կողքին ենք, մենք Սփիւռքի հայ պատանիները եւ երիտասարդները իրենց պայքարին կը միանանք եւ մինակ չենք ձգեր՝ իրենց ձայնը կը դառնանք մեր գաղութներուն մէջ։
Այդպէս ալ պիտի շարունակենք։
Կ՚ուզեմ շնորհակալութիւն յայտնել ձեր բոլորին, որ մեր հրաւէրը ընդունելով, այսօր մեր մօտ կը գտնուիք, վայելելու համար մեր պատանիներու պատրաստած յայտագիրը։ Բարի զուարճութիւն բոլորիդ։
* * *
Պատանեկան Միութեան անդամներ
ընկ. Նաթալի Էքիզեանի եւ Նոէլ Խաչիկեանի բացման խօսքերը
Բարի եկաք մեր այս տարուան ձեռնարկին։ Այս տարի կը տօնենք 42 տարիներու բանակում։ Ինչպէս որ ամէն տարի, այս տարի եւս պատանիներ կան, որոնք իրենց վերջին տարին կը վայելէն։ Ընկերներս ու ես, որ 6 տարի միասին կը մասնակցինք բանակումին, հասկցանք, թէ ժամանակը հասաւ ձտեսութիւն ըսենք իբրեւ պատանի։ Այս 6 զուարճանալի տարիններուն բոլորս միասին ացուցած ենք ինչ որ կայ ու չկայ բանակումի վայրին մէջ։ Միասին խաղացինք, կատակներ ըրինք, մարզանքի ժամանակ կը գալէինք փոխանակ վազելու, նախընթրիքին արագ-արագ կը վազէինք շարքին որ անուշը առնենք, այս անիմաստ կռիւները, որ կ՚ընէինք եւ որոնք ամէն անգամ խնդալով կը վերջանային, սողալը ու նապաստակները որ կ՚ընէինք, եւ այլն։
Եթէ բոլոր մեր յիշատակները ձեզի հիմա պատմեմ, մինչեւ վաղը առտու պիտի խօսիմ։ Բայց մէկ բանի համար կրնամ վստահեցնել ձեզի։
Որ այս բանակումի տարիները լեցուած են խնդալով եւ հաճոյքով։
Այո, անշուշտ կային դժուար վայրկեաններ, բայց մտերմութիւնը մեր միջեւ երբեք չանհետացաւ։ Որովհետեւ, բոլորս ալ իրարու համար երկրորդ ընտանիք մըն ենք։ Հարկաւ կը մեծնանք, բայց մենք անդադար այս յիշատակները պիտի պատմենք ուրիշ մարդոց, որ հասկնան ինչ ուրախ վայրի մը մեջ ենք մենք եւ ձեր երեխանները 10 օրուայ համար։ Հակառակ մեր ուրախ ու հաճելի բանակումի կեանքին, մեր միտքը կը գտնուի միշտ Արցախի մեջ գտնուող մեր տարեկից ընկերներուն, որոնք դժուար պայմաններուն մեջ կը գտնուին։ Կը յուսանք ինչպէս 5 տարի առաջ մասնակցեցան մեր բանակումին Արցախէն եկած պատանիները, նոյն ձեւով հանդիպինք յառաջիկայ տարիներուն։ Դժբախտաբար այս բանակումը պիտի վերջանայ 2 օրէն մեզի համար, բայց նոր շրջան մը պիտի սկսի։ Դժուար պիտի ըլլայ ցտեսութիւն ըսենք, որովհետեւ ամբողջ մեր մանկական տարինները անցուցինք, անհամբերութեամբ սպասելով այս 10 օրերը։ Ասոր համար բոլորս միասին բարի շարունակութիւն կը մաղթենք պզտիկ պատանիներուն ու նոյն ուրախութիւնը, որ մենք ալ ունեցանք իրենց տարիքին, անոնք ալ ունենան։ Շնորհակալ եմ։
Αγαπητοί γονείς και φίλοι,
Καλωσορίσατε στο 42ο παναγκούμ.
Αξιοποιώντας την ευκαιρία που μου δίνεται να εκφράσω τις σκέψεις και τα συναισθήματά μου και θα σας πω πώς να είσαι ένα μπαντανί.
Αρχικά, την πρώτη φορά που συμμετείχα στο παναγκούμ ήταν το 2017, από τότε έχω δημιουργήσει πολλές φιλίες και πολύχρωμες μνήμες. Το παναγκούμ είναι κάτι πολύτιμο για εμένα, ακόμα θυμάμαι την πρώτη μου μέρα, το πόσο χαρούμενος ήμουν που επιτέλους έφτασα στην κατάλληλη ηλικία για να πάω. Καθώς είχα μεγαλύτερα ξαδέρφια, μου είχαν πει για την πιο δύσκολη ώρα της ημέρας, η ώρα της γυμναστικής. Αντί να ήμουν φοβισμένος, ήμουν ανυπόμονος για να έρθει εκείνη η στιγμή. Από τότε έχω περάσει ατελείωτες ώρες στις απογευματινές γυμναστικές με άπειρες μελανιές, γρατζουνιές και πληγές. Εκτός από την γυμναστική, μια από τις καλύτερες ώρες ήταν η ώρα του ελεύθερου χρόνου. Σε εκείνο το χρονικό διάστημα μαζευόμασταν αγόρια-κορίτσια και παίζαμε χαρτιά, επιτραπέζια, μιλάγαμε και κουτσομπολεύαμε και το σημαντικότερο και πιο ωραίο από όλα, κοιμόμασταν. Τέλος, η προσωπικά καλύτερη μου στιγμή, ήταν η ώρα του μεσημεριανού και του βραδινού. Καθώς καθόμασταν όλοι μαζί, τρώγαμε ομαδικώς και περνάγαμε καλά γελώντας. Το παναγκούμ δεν είναι μόνο για καλοπέραση. Για τους περισσότερους από εμάς το παναγκούμ αποτελεί το περιβάλλον όπου μεταμορφωνόμαστε σε ευαισθητοποιημένους, πειθαρχημένους αρμένιους νέους, έτοιμοι να εισέλθουμε και να προσφέρουμε ως νεαρά μέλη της νεολαίας μας.
Δυστυχώς, πολλοί αρμένιοι συνομήλικοί μας δεν έχουν την ίδια τύχη με εμάς. Τη στιγμή που μιλάμε, ενώ εμείς ετοιμαζόμαστε να γιορτάσουμε το 42ο παναγκούμ, ο αρμενικός λαός του Αρτσάχ δοκιμάζεται καθημερινά και μάχεται το δικαίωμά του στην ελευθερία και τη ζωή. Η σκέψη μας είναι με τα παιδιά που γνωρίσαμε το 2018, όταν παιδιά από το Αρτσάχ είχαν επισκεφτεί το παναγκούμ μας. Ελπίζουμε πως σύντομα θα ανταμώσουμε ξανά.
Ολοκληρώνοντας τον λόγο μου, ολοκληρώνεται άλλο ένα κεφάλαιο της ζωής μου χωρίς γυρισμό, αλλά οι μνήμες και οι σκέψεις θα μείνουν για πάντα μαζί μου. Ήταν τιμή μου που είχα την ευκαιρία να εκφράσω τις σκέψεις και τα συναισθήματά μου σε εσάς. Εύχομαι όλα τα μικρά μπαντανί να αισθάνονται όπως αισθάνομαι εγώ τώρα και σας ευχαριστώ που ήρθατε σε αυτή την απίστευτη βραδιά.
