Հայ Կապոյտ Խաչի Շրջանային Վարչութիւնը կը հրաւիրէ բոլորդ մեր միութեան խումբին միանալու եւ մասնակցելու Greece Race for the Cure® քայլարշաւին, որ կը կազմակերպուի ամէն տարի կուրծքի քաղցկեղի դէմ, հիւանդութենէն տարապող կիներու «Ալմա Զոիս» համահելլենական միութեան կողմէ:
Այս տարի քայլարշաւը տեղի պիտի ունենայ Կիրակի, 2 Հոկտեմբեր 2022-ին եւ 2 քիլոմեթր ճամբայ պիտի ըլլայ:
Մեր խումբին կրնան մասնակցիլ բոլո՛ր փափաքողները, երիտասարդ կամ երեց, այր, կին, ընտանիքներ իրենց երեխաներով:
Արձանագրուելու համար պէտք է ձեր տուեալները փոխանձէք մինչեւ Հինգշաբթի, 15 Սեպտեմբեր, կապի մէջ մտնելով հետեւեալ ընկերուհինէրէն մէկուն հետ.-
Արմենուհի Սիմոնեան 6944115222
Լիզէթ Քիրազեան 6937147293
Ատրինէ Գնունի 6945900999
Նայիրի Գույումճեան 6937167552
Ծաղիկ Ճամուզեան 6944243794
Մասնակցութեան սակ 8€ քայլարշաւին համար կամ 10€ վազքի մրցումին համար։
Վերոնշեալ գումարը կը տրամադրուի «Ալմա Զոիս» համահելլենական Միութեան, օժանդակելու համար՝ կուրծքի քաղցկեղէ տարապող կիներուն օգնութեան ծրագիրներուն: Արձանագրուելով կը ստանաք Greece Race for the Cure® քայլարշաւի շապիկը:
Քայլարշաւին նպատակն է կուրծքի քաղցկեղի մասին տեղեկացնել ու զգաստացնել քաղաքացիները, նաեւ՝ օգտակար հանդիսանալ կուրծքի քաղցկեղի դէմ պայքարող բոլոր կիներուն ու անոնց ընտանիքներուն:
Միացի՛ր մեզի, միասին քալենք կուրծքի քաղցկեղին դէմ։
ՀԱՅ ԿԱՊՈՅՏ ԽԱՉԻ ՇՐՋԱՆԱՅԻՆ ՎԱՐՉՈՒԹԻՒՆ