Չորեքշաբթի օր, Յունաստան ժամանած է 11 մարզիկներէ բաղկացած Հայաստանի սամպոյի հաւաքականը, որ պիտի մասնակցի Թեսաղոնիկէի մէջ 15-17 Հոկտեմբերին կայանալիք աշխարհի պատանեկան ու երիտասարդական առաջնութեան:
Պատուիրակութեան ղեկավարն է Հայաստանի սամպոյի ֆետերասիոնի նախագահ Միքայէլ Հայրապետեան: Մրցավայր հասած են նաեւ մարզիչներ` Վովիկ Խօջայեան, Էռնեստ Միրզոյեան, Հայկ Աւետիսեան եւ մրցավար Ազատ Անդրեան:
Յայտնի են մեկնարկային գօտեմարտերու օրերը: 15 Հոկտեմբերին մրցելոյթները պիտի սկսին պատանիներ` Արամ Խաչիկեան /53քկ/, Աշիկ Անդրէյեան /58քկ/, Մեսրոպ Նիկոյեան /64քկ/, երիտասարդներէն՝ Դաւիթ Յարութիւնեան /+98քկ/:
Յաջորդ օրը մրցագորգ պիտի մտնեն պատանիներ Վիլիկ Սահակեանը /71քկ/ եւ երիտասարդներ Դաւիթ Յովսէփեան /58քկ/ ու Արամ Աղաջանեան /64քկ/:
Պատանիներ Գրիգոր Բէկնազարեան /98քկ/ եւ երիտասարդներ Նարեկ Ամիրեան /71քկ/, Մամիկոն Աւետիսեան /79քկ/ եւ Գոռ Յարութիւնեան /88քկ/։
