Շաբաթ, 28 Հոկտեմբեր 2023-ի առաւօտեան ժամը 10։30-ին, Նէոս Գոզմոս-Նէա Զմիռնիի շրջանէն ներս, յունաց ազգային տօնին առիթով, Այ. Ֆոթինի եկեղեցւոյ մէջ տեղի ունեցաւ Գոհաբանական մաղթանք, ապա դափնեպսակներու զետեղում եւ տողանցք, Նէա Զմիռնիի կեդրոնական ճամբուն վրայ:
Նէա Զմիռնիի «Էսթիա» հրապարակին վրայ յուշարձանին առջեւ տեղի ունեցաւ դափնեպսակներու զետեղումը, ուր յանուն Նէոս Գոզմոսի եւ Նէա Զմիռնիի յունահայ համայնքին՝ դափնեպսակ զետեղեց Արմէն Բախանեան։
Ապա տեղի ունեցաւ աշակերտական ու սկաուտական տողանցք, որուն մաս կազմեց Հ.Մ.Ը.Մ.ի Ֆիքսի մասնաճիւղի սկաուտական խումբը։
28 Հոկտեմբեր 2023
Թղթակից
