Թրքական «Հաբերլեր» լրատուական կայքը կը գրէ, որ դարաւոր պատմութիւն ունեցող հայկական տուները, որոնք ձմեռը տաք պահող, իսկ ամառը զովութիւն ապահովող քարերով կառուցուած են, այսօր քաղաք այցելող զբօսաշրջիկներուն կողմէ մեծ հետաքրքրութեան կ’արժանանան: Ըստ աղբիւրին՝ տուները, որոնք այսօր վերածուած են հիւրատուներու, 200-300 տարուան պատմութիւն ունին: Հիւրատուներէն մէկուն տնօրէն Զէյնէլ Օզքարաման պատմած է , որ պատմական յուշարձաններ հանդիսացող այս տուները հայերէն մնացած են. տուներէն մէկուն վրայ նոյնիսկ հայերէն մակագրութիւն կայ: Օզքարման նշեց, որ հիւրատունը մեծ պահանջարկ կը վայելէ եւ գրեթէ միշտ շաբաթուան վերջաւորութեան ազատ սենեակ չի մնար:
