Ս. Աստուածածին եկեղեցւոյ 120-ամեակին առիթով, Շաբաթ, 25 Նոյեմբեր 2023-ին եւ ժամը 19:00-ին, պիտի կատարուի Կիրակամտից ժամերգութիւն, նախագահութեամբ՝ Յունաստանի Հայոց Թեմի Բարեջան Առաջնորդ Գերշ. Տ. Գեղամ Արք. Խաչերեանի:
Առ այդ, կը հրաւիրենք մեր բարեպաշտ ժողովուրդը, ներկայ գտնուելու եւ աղօթակից դառնալու սոյն հոգեպարար արարողութեան:
Ժամերգութենէն ետք, ժամը 20:00-ին, «Տէր-Զաքարեան» սրահին մէջ, կազմակերպութեամբ եկեղեցւոյս Թաղային Խորհուրդին, տեղի պիտի ունենայ պաշտօնական ընթրիք, ներկայութեամբ՝ Առաջնորդ Սրբազան Հօր:
Անոնք, որոնք կը փափաքին ներկայ գտնուիլ սոյն ընթրիքին, կը խնդրուի նախօրօք տեղեակ պահեն քարտուղարին, հեռաձայնելով եկեղեցւոյս գրասենեակին հեռախօսահամարներուն:
Մասնակցութեան սակ՝ 15 Եւրօ չափահասներուն, 10 Եւրօ պատանիներուն եւ երիտասարդներուն
***
Կիրակի, 26 Նոյեմբեր 2023-ին, տեղի պիտի ունենայ հանդիսաւոր Ս. եւ Անմահ Պատարագ եւ Մատաղօրհնէք:
Պիտի պատարագէ, յաւուր պատշաճի քարոզէ եւ մատաղօրհնէքը կատարէ՝
Թեմիս Բարեջան Առաջնորդ Գերշ. Տ. Գեղամ Արք. Խաչերեան:
Կը հրաւիրենք մեր սիրելի հաւատացեալ ժողովուրդը, որպէսզի մասնակից դառնայ Ս. եւ Անմահ Պատարագին եւ ունկնդրէ Սրբազան Հօր պատգամը:
Ժամերգութիւն՝ ժամը 09:30-ին:
Ս. եւ Անմահ Պատարագ՝ ժամը 10:30-ին:
