Նոյեմբեր 21ին, ժամը 18:35ի սահմաններուն, Արցախի պաշտպանութեան բանակի հիւսիս-արեւելեան ուղղութեամբ տեղակայուած զօրամասերէն մէկուն պահպանութեան տեղամասին մէջ, ականի պայթումէ, զոհուած են զինծառայողներ Գեղամ Կորիւնի Զաքարեան (1995ի ծնունդ), Սարգիս Գուրգէնի Աբրահամեան (1998ի ծնունդ) եւ Սարգիս Մհերի Մելիքեան (1997ի ծնունդ): Զինծառայող, 1998ի ծնունդ Նարեկ Հայկի Հովէյեան վիրաւորուած է: Անոր վիճակը կը գնահատուի ծանր:
Արցախի Պ.Ն.ի տեղեկութիւններով՝ դէպքին մանրամասնութիւնները պարզելու համար կը կատարուի քննութիւն:
«Արցախի Հանրապետութեան պաշտպանութեան նախարարութիւնը կը կիսէ կորստեան ծանր վիշտը եւ իր զօրակցութիւնը կը յայտնէ զոհուած զինծառայողներու ընտանիքի անդամներուն, հարազատներուն եւ ծառայակիցներուն»,- ըսուած է հաղորդագրութեան մէջ:
