Երկուշաբթի՝ 8 Մայիսի առաւօտուն, Արցախի պաշտպանութեան բանակի (Պ.Բ.) հիւսիսային ուղղութեամբ տեղակայուած զօրամասերէն մէկուն մէջ տեղի ունեցած է դժբախտ պատահար մը:
Արդարեւ, ըստ նախնական տուեալներու՝ արկածի մը հետեւանքով զօրամասին յարակից ջրամբարին մէջ ջրահեղձ եղած են Պ.Բ. զինուորներ Ռուբէն Մնացականի Բարսեղեան (1998ի ծնունդ), Ռաֆայէլ Արթուրի Բիշարեան (1997ի ծնունդ) եւ Ռուբէն Յովհաննէսի Մնացականեան (1998ի ծնունդ): Որոնողական աշխատանքներուն շնորհիւ յայտնաբերուած են Ռուբէն Բարսեղեանի եւ Ռաֆայէլ Բիշարեանի մարմինները: Ռուբէն Մնացականեանի ճակատագիրը պարզելու համար, որոնողական աշխատանքները կը շարունակուին:
