Շաբաթ, 23 Մարտ 2024-ի կէսօրուան ժամը 12:30-ին, Ատտիկէի «Սիրօ» կղզեցիներու միութեան անդամներ այցելեցին Գոքինիոյ Ս. Յակոբ եկեղեցի, գլխաւորութեամբ տիկ. Գուին Մինասեանի: Միութեան նպատակն էր այցելել Գոքինիոյ հայկական հոգեւոր ու կրթական կառոյցները, մօտէն տեսնելու զանոնք ու առաւել եւս ծանօթանալու անոնց պատմութեան եւ գործունէութեան:
Հոգեւոր հովիւ Տ. Պարէտ քհնյ. Խաչերեան բարի գալուստ մաղթեց անոնց եւ Վերապատուելի Վիգէն Չոլաքեանին, որ կ’ընկերանար այցելուներուն: Ապա քահանայ հայրը ներկայացուց Գոքինիոյ շրջանի հայութեան ամփոփ պատմականը, ինչպէս նաեւ լայնօրէն անդրադարձաւ Ս. Յակոբ եկեղեցւոյ կառուցման ու առաքելութեան:
Աւարտին այցելուները շնորհակալութեան եւ գոհունակութեան գեղեցիկ զգացումներով մեկնեցան եկեղեցիէն:
Թղթակից
