Ուրբաթ՝ 30 Հոկտեմբերին, բացումը կատարուեցաւ հանրածանօթ գեղանկարիչ եւ քանդակագործ Գագիկ Ալթունեանի մարդասիրական ցուցահանդէսին, Աթէնքի մէջ։ Մեծ թիւով կտաւներու ցուցադրութեամբ, յայտնի արուեստագէտը կը ներկայացնէ իր մեծ տաղանդը եւ անոնց հասոյթը կը տրամադրէ Հայաստան համահայկական հիմնադրամի ֆոնտին՝ Արցախի օգնութեան հասնելու համար։
Ինչպէս արդէն նշած էինք մեր նախորդ թիւերով, ցուցադրուած կտաւները կը վաճարուին իրենց գինին 50%-70% զեղչով։
Ցուցահանդէսը բաց պիտի մնայ մինչեւ 13 Նոյեմբեր, «Το Γκαλλεράκι» ցուցասրահին մէջ, Քիֆիսիաս 207, Մարուսի։
