1 Յունուար 2017էն արդէն սկսած է գործել «Ազատ Օր»ի համացանցային նորոգուած մեր կայքէջը — www.azator.gr։
Խմբագրութեան կողմէ կը փոխանցենք տուեալները կայքէջի ընձեռած հնարաւորութիւններուն.-
Այդպէ՛ս, Յունուար 2017էն մինչեւ Դեկտեմբեր 2017ը, կայքէջը 46.000 հոգիի այցելութիւնը ապահոված է (ըստ համակարգիչներու IP տարբեր հասցէներու)։
Հետաքրքրական տուեալներու շարքին կարելի է արձանագրել նաեւ, թէ այցելուներու աշխարհագրական բաժանումը բաւական ընդարձակ է։
Յունաստանէն՝ 16.500 հոգի, Ֆրանսայէն՝ 7100, Ամերիկայի Միացեալ Նահանգներէն՝ 5500, Հայաստանէն՝ 5000, Քանատայէն՝ 3500, Լիբանանէն՝ 2100, Գերմանիայէն՝ 800, Սուրիայէն՝ 700, Թուրքիայէն՝ 650, Ռուսաստանէն՝ 600, Աւստրալիայէն՝ 300, Արժանթինէն՝ 300։
Այդ երկիրներու շարքին, թէեւ այցելուներու փոքր թիւերով, կարելի է տեսնել Պանկլատէշը, Հոլանտան, Անգլիան, Մեքսիքոն, Ինտոնէզիան, Ատրպէյճանը, Կիպրոսը, Իսրայէլէ, Իտալիան, Շուէտը, Պելճիքան եւայլն։
Յաւելեալ նշենք, թէ բջիջային հեռաձայններու միջոցաւ այցելուներու համեմատութիւնը 35 առ հարիւրի կը հասնի ։
Արդիականութեան եւ արհեստագիտական նորարարութեան ընձեռած հնարաւորութիւնները վստահաբար լաւ գործիք մըն են մեր ընթերցողներու ձեռքին — մանաւանդ մեր երիտասարդութիւնը ներգրաւելու միջոց — եւ գոհունակութեամբ կը նշենք այս տուեալը։
Խմբագրութիւն-ընթերցող մեր կապը պահպանելու ելեկտրոնային այս ձեւը՝ լաւ ու խոստմնալից կը նկատենք, որու զարգացման վրայ անշուշտ յաւելեալ ճիգեր պիտի գործադրէ խմբագրութիւնը։
