Շաբաթ՝ 3 Յունիս 2017ին Պոսնիոյ մէջ տեղի ունեցան Ju Jitsu մարզաձեւի համաեւրոպական ախոյեանութեան մրցումները, որոնց ընթացքին, Fighting System +21 տարեկան տղոց դասակարգին մէջ, Արա Ճանիկեան առաջին տեղը գրաւեց՝ տիրանալով ոսկէ շքանշանին։ Նշենք, թէ այս ոսկէ շքանշանը առաջինն է, որ կ’ապահովէ այս մարզաձեւի մարզիկ մը՝ յունական խումբէն։
Արա՝ 18 տարի անընդհատ մարզումներով եւ զրկանքներով, 25 Նոյեմբեր 2016ին համաշխարհային ախոյեանութեան երրորդ դիրքը գրաւելէ ետք, Շաբաթ՝ 3 Յունիսին հասաւ Եւրոպայի ամէնէն բարձր աստիճանին, յունական ոգերգի հնչիւններուն տակ ուրախութիւն, գոհունակութիւն եւ հպարտութիւն պարգեւելով իր ծնողքին, իր մարզիչին եւ մեզ բոլորիս։
Շնորհաւորութիւններ եւ յաջողութիւն՝ յառաջիկայ իր ծրագիրներուն։